Saturday, November 12, 2011

Back from Haj , Newq8bride is Hajeeya enshalah Part 1



الحمدالله رجعت من رحلة الحج و اللي اعتبرها احلى سفرة بحياتي كلها ، مع كل التعب و المواقف اللي صارت لي هناك ، ما اصدق

شلون انا مرتاحة الحين اني خلصت فرضي و يارب يارب تكون حجتي مقبولة
Thanks God i am back from my Haj trip , i feel so comfortable and relived that i really carried out the fifth pillar of Islam ,
it was the best trip ever , and i wish and pray that God will accept it , and i did it in the proper way  



انا كنت رايحة مع حملة بورحمة ، مشالله وايد ارتحت بالحملة ، صج كان في بعض الأغلاط لكن يا انها تكون مو منهم او انها اخطاء بسيطة ممكن الواحد انه يطوفها


اول ما وصلنا مطار جدة ، دخلونا كلنا قاعة الإنتظار و بدوا يتأكدون من التطعيمات و اللي مو مطعم يعطونه حبة

بعدها خلصنا الجوازات و استلمنا الجناط ، كنت متوقعه انه جناطنا راح تكون واصله الفندق قبلنا بس لأ استلمناها احنا و لما طلعنا من
المطار خذوهم و نطرنا في مكان انتظار و كانوا مجهزين لنا سناكس و ماي على ما تجهز الباصات

i went with Burhama Group for Haj services , once we arrived at Jedda airport , signs were there to lead us to the waiting areas that was prepared for us to wait for our buses that will take us to Makka 

الرايات كانت من الباب لي مكان الإنتظار لأن مشالله وايد حملات كانت موجوده
The signs

هني كل الحملات يقعدون ينطرون باصتهم و كل حمله تكون مجهزه البوفيه و الكتيبات و الماي


بعدها وصلنا مكة تقريبا خذه الطريج منه ساعتين ، حملة بورحمة كانوا حريصين انه يختارون موقع الفندق و اللي بعدين عرفت شكثر هالشي كان مهم


كان موقع الفندق في شارع اسمه شارع صدقي في منطقه العزيزية


our hotel
هذا المنظر من غرفتنا بالفندق ، السهم اهو مدخل الجمرات ، عشان جذي عرفت شكثر موقع الفندق كان وايد مهم لأنه وايد قريب من الجمرات ، الشارع طبعا الحين فاضي و انا توقعت انه راح يظل جذي على طول ما توقعت شنو اللي كان بيصير الأيام الياية

The location of the hotel was amazing , it was so close to Aljamarat place , to know more about Ramy el jamrat i got this info from wikipedia :Ramy al-Jamarat, throwing stones to signify their defiance of the Devil 

كانوا في ناس مخيمين حوالينا و لي الحين انا مو مستوعبة شنو اهمية انه الواحد يكون ساكن بهالمكان


المهم اول يوم رحنا اعتمرنا و الحمدالله عمرتنا كانت وايد سهاله ، كان الوضع زحمة بالحرم ما في مكان الواحد يمشي ، بس الطواف كان بالدور الثاني وايد خفيف



اليوم الثاني :

اليوم كان وايد مريح ، مشالله الحملة مهتمين وايد بموضوع الداعيات اللي مشالله عليهم كانوا عجيبين ، بعد كل صلاة يكون في درس ، و الدروس وايد حلوة و خفيفة ، الصراحة انا كنت شوي متخوفه من الوضع ان يكونون وايد متعصبين و يخرعون ، انا لا يمكن اتقبل درس دين فيه اسلوب التخويف بس مشالله داعيات الحمله وايد وايد عجيبين

اذكر من اساميهم : نورة السبيعي (ام مصعب)و فوزية الإنصاري

و طبعا الداعية المتألقة اللي تخلينا ما نمل من كلامها
أ. افنان باصرة و هي من السعودية


الحملة مشالله اغلبها بنات و شباب صغار ، الغالبية كانت اول حجة لنا و طبعا عدد البنات كان اكثر من الشباب وايد


بعدها قالوا لنا انه نتجمع عند المدخل عشان راح نروح مخيم منى
we were waiting to go to Mina were we were going to spend the night there before leaving to Mount  Arafat
لي هاليوم الوضع كان عادي و كان في مجال انه نروح بالباصات و هالشي كان عبالنا انه راح يكون بكل الأيام :)




وصلنا منى و الصراحة كنت منبهرة الصج ، اللي يروح الحج اول مرة ما يدري شالسالفه ، مشينا مسافه من نزلنا من الباص و مرينا على شعوب و قبائل و الله صج الحج يجمع العالم كله 

ناس يطبخون و ناس فارشين اغراضهم شي اول مره اشوفه بحياتي 

ووصلنا المخيم 

هذا مدخل المخيم ، تشوفون انه اغلب الحملات الكويتية كلها يم بعض

داخل الخيمة كان الوضع وناسة ، قاعدين كلنا يم بعض و تعرفنا على البنات و كنا نقرا قرآن و نسولف شوي و ناكل

الحملة وزعت علينا وجبات

light snacks in Mina

طبعا الوجبة كانت كلها نواشف و انا شخصيا كنت احاول كثر ما اقدر اني ما اكل او اشرب ماي ، تكرمون الحمامات كانت شي خيال

طبعا امي الا تبي تطلع جنطتها بالصورة (جنطة الإنقاذ اللي فيها كل مستلزمات النظافة)و الحمدالله عدت الليلة على خير

بعدها بدت الصجية ، الباصات ما قدرت توصلنا و اضطرينا انه نقعد لي الفجر مع انه خطة الحملة انه نطلع بالليل و نروح مخيم عرفة لكن الزحمة صكت الطريج على الباصات و من هاليوم خلاص الوضع كان عبارة عن مشي و بدت الأزمة


                                                      


بالطريج لي الباص اللي راح يودينا عرفة 
on our way to the bus , we have to walk
because of  the  traffic busses couldn`t make it to the entrance of the camp


لما وصلنا عرفه ما مداني اصور شي لأن اللي عرفته بعدين ان الشرطة السعودية وايد مشددين السنة على الباصات انها ما تطول عند المخيمات او المناسك عشان جذي نزلنا بسرعه و ركضه لي داخل المخيم

حملة بورحمة ما قصروا بمخيم عرفة ، مشالله المخيم كبير وايد كبير و كان عبارة عن خيمة كبيرة مثل خيام البصمان
طبعا مشالله مشالله البوفيه خيال ، اتوقع وايد محرصين على موضوع الأكل لأن يدرون الناس ما يتحلطمون الا عن الأكل مع انه و الله هناك الواحد ما يفكر و ينسى الأكل بس اتوقع من تجاربهم افهموا الناس شنو يبون


بعرفة انا شخصيا ما قدرت انام ، اصلا ما اقدر انام نهائيا ة الحمدالله دعينا و حضرنا درس من الداعيات مشالله صارت حملة تبرعات وواحد من الأشخاص تبرع بمبلغ 60 الف دينار لشراء مرقص راح يحولونه مسجد 


راح اوقف لي هني

و نطروا  البوست الياي اللي فيه مغامرة عجيبة تعلمت منها وايد

more at part 2 :) 

6 comments:

ة said...

ما شاء الله

BeRo0Q8 said...

الحمدالله على السلامة :***
صج شوقتيني اقرى بعد عن الحج.. ناطره الجزء الثاني

Anonymous said...

لأ لأ لأ انا ما اتفق معاج بتاتاً .... الحملة كان فيها وايد قصور ووايد اخطاء والله لا يحللهم
غلطة عمري اني حجيت معاهم
ليش ما قلتي ان مخيم منى ما كان يكفي حق الكل ؟ ووصلوا ناس مافيه مكان لهم وقالو لنا ان كل ثنتين يقعدون بفراش واحد؟ ليش ما عملوا حساب الكل ؟ هذي غلطة ادارية سهلة ؟
والتكيف بعرفات كان حار
والباصات نركبها ثلاجاتها فاضية
التنظيف ما عندنا احد ينظف الغرف
الحجوزات في ناس غيروا حجوزاتهم من كيفهم ترا في ناس ما يرجعون الكويت الا بتاريخ ١٧
في باص من الباصات نزلوه بمكان على اساس انه مزدلفة وقالو،لهم ان لكم نص ساعة تجمعون حصم حق الجمرات وعقب نص ساعة يقولون لهم لا ترا غلط احنا ليلحين ما دخلنا مزدلفة.... شنو هالتنظيم ؟ شنو هالمصخرة؟ اداري الحملة ما يعرف مكان مزدلفة ؟
الحملات الثانية بالباصات وبالمخيمات انواااع واشكال من الاكل والايس كريم والمرطبات وبورحمة حتى ايس كريم ماكو! الاكل الله يزيد النعمة البوفيهات
وفي جم اداريات لو وحدة تبي تكلمهم عندها شكوة ما تعطي ويه تقولها بعدين بعدين !

حملة مصخرة
غالية على شنو ؟ شوفو السبيعي والكندري ومندكار والحوطي قمة بالسنع وقمة بالتعامل شايلين حجاجهم شيل مو احنا!!!

اي ونسيت اقول غسيل الهدوم بفلوس والحملات الثانية بلاش
ومن عرفات لي مزدلفة اربع ساعات لان رايحين في باص الحملة
والحملات الكويتية راكبين القطار ووصلوا بسبع دقايق

فرق بالتنظيم

NewQ8 Bride said...

Anony: مشكوره وايد على التعليق و احترم رايج بس سبحان الله أنا ما حسيت أني تضايقت يمكن بس بسالفه الباص اللي بمزدلفه و اللي راح اكتب عنها

ترى الناس آراء و كل شخص حسب تجربته أنا زوجي عنده وايد ملاحظات بس أنا وايد ارتحت من الحمله ما حسيت بشي

أنا مادري عن الحملات الثانيه و صج كلامج يمكن مستواهم احسن

أنا في بلوقي اكتب رأيي الشخصي

مشكوره على التعليق و أتمني توصلين ملاحظاتج حق الحمله لازم يعرفون غلطهم

Anonymous said...

حبيبتي يعطيج العافية وانا بعد احترم رايج.. وابشرج رايي وراي غيري وصل للحملة لان هالسنة غير عن اي سنة وايد من الحجاج اشتكوا عليهم

الله يسامحهم بس

ويعطيج العافية :*

iyaa said...

الحمدلله على السلامة وتقبل الله طاعتج :)