الرجل الكويتي ....رجل مهم

الجمله المفضله عند كل ريال كويتي حق زوجته او خطيبته او البنت اللي يبي يتزوجها

انا ما احب اطلع بالزحمة

اوكي يا ملك زمانك متى انشالله تحب تطلع ؟؟؟؟

و الله الأخ سلطان بروناي تبي نفضي لك الديره عشان تستمع فيها ؟؟؟

و سؤال قبل لا ترتبط بهالبنية متى كنت تطلع ؟؟؟؟؟ 

نصيحه من كل قلبي يا عزيزي 

لا تغلط هالغلطه و تقول هالجمله :انا ما احب الزحمة 

و الهبه اليديده اذا فتح مطعم يديد  تقولها مابي اروح مع الأوادم 

مين ده ؟!؟!؟!؟!؟ 

بس ارجع و انصحك هالنصيحه لا تقول هالجمله لأن في يوم من الأيام راح اييك واحد من ربعك و يقولك انا عازمك على المكان الفلاني و يكون بيوم الإفتتاح و بالويكويند بعد 

في هالحاله ترى البنت الكويتية الجميله اللطيفه (الذكية)على فكره !!راح تقول لك يا بعد قلبي روح روح استانس شعندك 

و انت من داخلك تحاتي شوي (ها اعترف  اعترف )صح؟

لكن قبل طلعتك بجم ساعة راح تعطيك القنبله  

راح تقولك  هاااا اشوف صار عادي تطلع بعز الزحمة و بافتتاح مطعم و بالويكند ؟؟؟؟ 

مشالله ما اشوفك مديت البوز و نفست و لا بس علي ؟؟؟؟؟

هني انت راح تكون خلاص 

انتهيت 

غلطت الغلطه اللي مش حتتتصلح ابدا 

و الحبيبة راح تكون فرحاااااااااااااااانه لأنها حققت النصر و عطتك الكلام اللي بالصميم 

اللي يمكن يخليك تحس بعوار بطن و انت قاعد تاكل بالمطعم مع رفيجك 

لأنك خلاص مشيت بالطريج اللي ما فيه رجعه ابدا 

اسمع كلامي و دير بالك ترى كل كلمة محسوبة عليك 

نياااهاهاهاهاهاهاهاهاهاهاهاهاهاهاهاهاه 

---------------------------------------------------------------------------------------------------

ترى هالبوست و الله كان مجرد غشمرة بس و الله مافيها شي اذا طلعت مع زوجتك وقت الزحمة او مو زحمة لأن زوجتك انسانة حالها حال رفيجك يعني 

و ج ج عليك بالعافية اليوم الغدا ب شيك شاك ،ها شنو ؟؟ اليوم ويكيند ؟؟ اووه زحمة و بعد افتتاح ؟؟؟ الله يا حظك 

;) Love you so much jj don`t get mad on me ;)