Wednesday, June 22, 2011

هذا الدين ؟؟؟؟ خل ينفعك


المشهد الاول : رجل ، يمكن في الستينات كويتي و شكله وايد كشخه و مرتب مع زوجته الامريكيه مومتحجبه مشالله مع انها كبيره بس جميله و طويله قاعدين يمشون بالافنيوز و اهوا يتمشى معاها بدون اي سبب مد ايده و مسك ايدها لو اقدر اوصف اكثر انه تعلق بيدها .... الله يتمم عليهم و يوفقه .




المشهد الثاني : رجل يمكن بالاربيعينات ملتحي و دشداشته قصيره ، عابس ويه يمشي بسرعه ، وراه ب ثلاث أمتار زوجته بنقابها و عباتها و لحق ما تلحق تبي توصله مسكينه !! لدرجه انه ركب الاسكليتر ما استوعبنه انها تبعه و كنا راح نصعد وراه بس مسكينه اشوه انها لحقت عليه التفت تأكد انها وراه و لف مسكينه تناديه و مفتلت و قف عند محل ملابس نسائه التفت عليها و هي بعيده و اشر لها و دش المحل و دخلت وراه ......




عصبت من صجي عصبت ، الدين اخلاق و الله الدين اخلاق ، شنو المرأه تعاملها بهالطريقه ؟؟؟ اهيا تستحق حالها حال اي زوجه انها تحس بحب زوجها و انه مفتخر فيها ......



استغفر الله

- Posted using BlogPress from my iPad

5 comments:

Bo_hubash said...

اكبر غلط انه نحط حجه على المتدينين نتيجه فعل حصل منهم
ومو معناته انه واحد يمشي ومرته مومتحجبه وماسك ايدها انهم كاملين والكامل الله ماتدرين اذا من ورى السواهي دواهي
وبعدين اذا مومسلمه مرته اكبر غلط موربنا اوصانه انك تتزوج المسلمه
وبالنسبه للدين مويمكن بلحق على شي
وبعدين هذا التصرف من المتدين مومعناته كفر الدين اخلاق مو سابق مرته انه ماعنده اخلاق
فيريت الواحد دايما يخلي رجال الدين بحالهم وممكن يتكلم بشكل عام على الناس

Anonymous said...

شفت مناظر نفس اللي شفتيها بالضبط وانا مثلج عندي قناعه حلاوة الايمان +حلاوة الاخلاق مو بس اصلي واصوم مع اهلي قشرة وودرة

ياناس الدين معاملة

ياناس المراة مخلوق حساس تحب تحس انه اللي جدامها يحبها ويقدرها

اعتقد لو هالمنقبه شافت الامريكية وريلها جان قالت يا حظها اهي ماخذة رجل وانا ماخذه صخرة !

New Bride said...

Bo_ hubash : انا اسفه اذا ما قدرت اني اوصل المعلومه صح انا أبدا ما كنت اقصد رجال الدين بس اللي اقصده انه في ناس قاعد تشوه صوره الدين بس انا لو شخص مو مسلم شاف المشهد هذا شنو ليقول ؟

و انا بالنسبه لي اي رجل يطلع مع زوجته يخليها تمشي وراه و يمشي جدامها عباله اهو ملك بصراحه مع عنده اخلاق

New Bride said...

Anony: شكرًا و هذا اللي ابي اوصله الدين اخلاق

Bo_hubash said...

كلامج في من الصح بس لاتعممين على الناس وقتلج مو كل واحد يمشي جدام مرته مثل ماتقولين يمكن في سبب مقنع

اذا نفس الي تقولينه ايه صح الدين اخلاق

خلنا لانعمم على الدينين

ويعطيج العافيه