انا انانية :)
اي ابي كل شي ، ابي استانس و ابي اكل على راحتي و ابي اضعف و ابي رفيجاتي اطلع معاهم على طول و ابي ج اطلع معاه.
ابي اسافر مع اهلي ،مع رفيجاتي
و ابي اسافر معاه
يعني ابي كل شي :)
ج من فترة صارت علاقته قوية وايد مع واحد من ربعه و طبعا انا الينون اشتغل فيني
و مو بيدي انا جذي ،وايد اتحلطم ووايد اعصب ووايد اقارن
اي طلعت معاه بالويك ايند و انا تقولي ماحب طلعة ويك اند !!
و اسوي سالفه و اطنقر و ابجي
و من هالسوالف و اكثر
لين دق علي بيوم ج ج و قالي ترى رفيجي عازمنا بالشاليه
انا تفاجأت الصراحة ، ج من ايام الخطبة بين لي انه ما يحب طلعات او يمعات
Couples
و هالشي طبعا من حقه و انا فكرت بيني و بين نفسي هالطلعات بتزيد شي من حياتي ؟ او بتنقص ؟؟
لأ
عشان جذي ما ناقشت و لا احتجيت الصراحه لأن هالشي مو مهم
عشان جذي لما قالي انه عازمنا و اذا ودي اروح اتعرف على زوجته
فهمت انه وايد رفيجه عزيز عليه
طبعا اسبوع كامل لي الويكند و انا افكر و متوترة
ليش ؟؟ مادري ، انا متعوده اني اتعرف على الناس و كلش ما عندي مشكله ابد اني اسولف مع ناس اول مرة اشوفهم
بس ليش متوترة ليش حاشني عوار بطن كل ما قرب اليوم ؟؟
من الأفكار اللي مرت علي انه ممكن البنيه ما تبيني ازورهم ، يعني قلت يمكن الموضوع انه اللأصدقاء بروحهم اتفقوا و اهيا ما تبيني ايي ؟؟
تخيلت الوضع انه يمعة بالشاليه خالاتها او خواتها او اهلهم و انا شكو رازة ويهي
يمكن البنت لايعة جبدها من ج لأن نفس الشي يكون كله طالع مع زوجها مثل ما انا اتحلطم عليه
ما كنت ابي الوضع يكون يمعه حريم و السوالف عن اليهال و المطبخ تحوشني كآبة
و انا مثل هالأماكن مثلا الشاليه ، البر ، المزرعه احب دايما اكون معاه ماحب اكون بروحي
و اخر شي مابيها تكون اضعف مني !!!!لاحد يقول لي شكو لأن انا مادري ليش فكرت جذي
المهم وصلنا ، قلبي يرقع ، نفس الشعور اللي لما الوحده بيشوفونها عشان خطبة
الصراحه !!انصدمت
و استحيت على ويحي
مشالله مشالله مشالله شنو هالناس
الريال وايد وايد خوش واحد
و زوجته تينن استقبلتني جنها تعرفني من زمان و امها كانت موجوده مشالله مشالله ،الوضع ما كان فيه كلافه كلش
ما قصروا معانا لدرجه ان ج طلع مع رفيجه و عياله و انا قعدت معاها وايد وايد استانسنا
الشغله اللي تعلمتها
ابدا لا اقعد اتخيل علاقتي مع ناس ما شفتهم و اقعد احط احكام من كيفي
شي ثاني مهم ، العزيمة كانت حركه ذكيه وايد وايد من ج و رفيجه ، لأن الحين لا يمكن اني اتكلم كلمه او اتحلطم عن رفيجه لأن الريال ما قصر و قام فينا
JJ you are the winner :P
يالله هذي نصيحه حق كل واحد يعاني مع زوجته من نفس المشكله
عرفها على زوجته :)
7 comments:
Same thing happend to me. o ham mashallah el wife e6la3at etyanin o 7aboooba, to compare that I am hard to get along with. o 7atta refeeja! 3ugub cham 6al3a 9arat el sewalif baini o bain refeeja khelal el 6al3a akthar mn his wife :P bs ashwa el wath3 kan 7adda easy o ma77ad za3al :P LOL
I highly recomment couples hangin out :)
اهم شي طلعوا خوش ناس
etha7ik ena9ee7a
bes it might be true
a7is erta7tay min el 7ana :)
LoooooooL 7eel '9a7kteni..
bs metfahma alwa'93 dayman chthy afaker alnas ra7 yt8bloni aw la 59o9an etha awal mara ashofhom.. bs al7mdallah bser3a a5th 3al wa'93 o tamshy alomoor..
o al7mdallah 3adt 3ala 5air weyach o u had fun :D
no .. i'm anti-couples hangout, heard so many bad stories about that, i might seem nice and amazing and the begining bs ba3deen it gets complicated and comparison wel jealousy start to appear.
Best thing if you want to have a couples hangout is to do it 2-3 times a YEAR max each one 4-6 months apart
what matters is that you had fun .. entay 7aboba so mo '3areeb enech u get along with people ;)
وانا أقول ليش ريلي عرفني على مرت صديقه الأسبوع الي طاف وصارله فترة يحن يبيني أتعرف عليها ههه
:)
أهم شي ما قلتي طلعت أضعف منج؟؟
:p
RuBy_Gloom : Loool ashwa el7mdelah , ana knt mstghraba why I am nervous ? I don`t know if I am going to do again still : ) lool tra I was thinking enee akheth her phone no chan aghayer my mind :P
ناعمة الهمس :اي و الله الحمدالله :)
Meblogging: lool eee walah :) khlaa9 ma a7en now :P thanks dear for your comment
BeRo0Q8 : eee walah el7mdelah , 3ad walah ana a7eb elnas mo no3ee chthee bas madree leesh knt waayed a7ate
mimi : waay ana o entay nafs el shay , tra i don`t think enaah ra7 n6l3 waayed ma3ahom o chthee yamkin mn fatraa le fatraa ?? yamkin mo akeed :) ana a7taar tra waaayed o aghaar :P
ra1 :اي ترى الموضوع نفسه لوووول
و الله كل وحده فينا لها شكل ماكو مقارنة يعني ما يبين اذا اهي اضعف او لأ
Post a Comment