Monday, March 28, 2011

تويتر .... قواعد و قوانين ...بس بالكويت

هذا الموضوع تقريبا صارلي اكثر من 5 ايام و انا ابي اكتب فيه ، مادري من وين ابتدي او شلون

كاتبة بداية البوست و مسكرته و كل ما ابي اكمل عليه ارجع اسكره مرة ثانية


( نظمت الكلية عندنا ندوة (اسمها تويتر و فيسبوك و قواعد اللعبة

الندوة مو تنظمينا احنا لكن بما اني من العلاقات العامة فاني لازم اكون موجوده عشان التغطية الصحفية



اللي شارك بالندوة الأستاذة عروب الرفاعي  و الإعلامي عبدالله بوفتين
 و مشالله الأثنين ما يحتاجون اي تعريف و ما قصروا الندوة كانت اكثر من ناجحة بس كنا محتاجين وقت اكثر .



انا اللي بقوله هني مو تعليق  على الندوة و لا على ارائهم 

انا بتكلم بشكل عام و بخص تويتر بالذات لأني انا مو مستخدمين الفيسبوك وايد 







انا هني مو عشان احكم و لا اقول شنو رايهم و شنو اللي تكلموا فيه


انا بكتب عن تويتر و بس


تويتر ما فيه قواعد معينة لازم الكل يمشي عليها ، ويد ناس يكتبون تويتس فيها مثل نصائح او حكم شلون تستخدمون تويتر


مثلا : اذا لم يكن لديك ما تقول او مادري شنو لا (تغرد)و اجعل تغريدتك حكمة او من هالسوالف




منو له الحق انه يحط قواعد .؟ او يعلم الناس شنو يكتبون


اول ما بدا تويتر كان لما بنكتب تويت يطلع لنا


"What are you doing?"


و بعدها تغيرت الى


What`s happening ?




هني الكل يكتب اللي يبي و يقول اللي يبي مافي انسان له الحق ان يتضايق او يحكم على شخص و يسوي افلام


اي شخص ما تعجبه تويتس اي شخص ثاني  على طول
unfollow


ما تبيه يقرا اللي تكتبه


block


ما في شخص ملزوم باحد


المنتدى اللي صاير او الملتقى اللي بجامعة الخليج للأسف ما قدرت اروح

بس اتوقع لو رحت ، جان وايد عصبت

انا بالندوة يوم شاركت و تكلمت والله خنقتني العبرة و يمكن بين علي

ليش ؟؟ ليش

ليش احنا هني بالكويت كل شي نخليه ظاهرة و ازمة و نسوي مؤتمرات عليها ؟

اليوم مر علي تويت

"اذا كنت من يسعى الى بث روح الإيجابية و محاربة كافة الوان التعصب و الطرح الهابط في تويتر شاركنا الليلة بجامعة الخلج


مع احترامي للكل اللي مهتمين بهذا الموضوع

شنو اللي بتحاربونه ؟ و شنو الطرح اللي تبونه و اسفه منو انتوا عشان تتحدون نوع التويتس اللي ناس لازم تكتبها ؟؟؟

لنفرض انا وحده كل يوم التويتس اللي راح اكتبها راح تكون عبارة عن

"شنو لون الحذاء اللي لابسته " 
و انتو بكرامه
يعني كل يوم راح اقوم من النوم و اكتب "اليوم بلبس الكعب الأحمر "
باجر بكتب : اليوم بلبس الجوتي الأزرق
و اللي عقبه بكتب اليوم بلبس صندل بنفسجي


انا ابي اكتب جذي ، هل راح تحاربوني ؟؟؟

محد له الحق انه يحاسب الناس شنو تكتب بالنسبة لكم هالتويتس تفاهة و هابطة لا تسوون لي فولو لأن مثلا و على المثال اللي فوق يمكن انا مهم عندي اكتب تويت لون الحذاء عشان ما اكرره مثلا


تويتر لي ملكا لأحد يا جماعة من حقي و حق اي شخص يكتب اللي يبي مو ضروري اكتب حكم و كلام كتب عشان اعجب الناس


لما تسوون لكم نيتورك نفس تويتر اسمها

kuwait VIP

هني لكم الحق انكم تتحكمون بنوعية الكلام اللي ينقال

تويتر بالنسبة لي

صديقي اللي افرغ فيه و مو شرط انطر رد من احد

في وايد ناس محتاجين مكان يفرغون الحزن ،التعب و غيره

و تويتر عطاهم هالشي


احس لي الحين ما خلصت و الله

بس وايد كلا بقلبي 


رجاءا

تويتر


لي

و لكم

و للعالم



و قواعد لعبتي

ساكتب ما اريد

و اقرأ لمن اريد

4 comments:

Nemo said...

lol i totally agreeeeeeee

let them have a special vip only twitter for them ;p

twitter is free and it's for EVERY ONE

conference about twitter!! WTH ;p

mimi said...

waaaaii ya 7obhom 7ag el tefelsef
wallah i don't give a damn i write whatever i feel like writing
and i agree with you %110
you wanna talk about your shoes you go ahead and do it girl ;)

Maya said...

آنه أعتقد ما في أحلى من التويتس من غير قوانين

New Bride said...

Nemo : I don’t mind a conference or whatever , what I object about are the rules and the ideas they are spreading for good tweets and bad tweets

mimi : lool the shoes thing is just an example ;)

yah i guess that is why twitter is there , to write whatever you wanted


Maya: صح كلامج و الأهم انه مو اي شخص له الحق انه يحط قوانين