شقاعد يصير ؟؟؟
ما نقدر نفرح و لا نستانس ؟؟
ما نقدر يوم واحد نقعد من غير مشاكل ؟؟
ليش جذي قام يصير بالكويت و الله ماني قادره انام ، وايد ناس يعرفوني ما يتوقعون اني اهتم بالسياسة
بس الصج اني خايفة و الله و انقمت قلبي و تعبت
الله يخليكم كلنا احنا اللي علينا الدور
الله يخليكم خل نتغير و خل نتعلم من اغلاطهم لا نمشي بالطريج اللي مشوه
بس عشانها
و الله اتخيلها تشوفنا و تسمعنا
و تذكر انه في يوم غنينا لها و قلنا
"يا سدرة و احنا فروعج .....دايم تحت طوعج"
راح تقول :اللي كانوا تحت طوعي وينهم
اللي استشهد بالغزو ، و اللي هاجر و تركني ،و اللي بس قاعد يفرق بين عيالي ،و اللي ما همه الا نفسه ،و اللي يحقق مصالحه باسمي
و الصغار اللي عايشين اكبر من عمرهم و ربوا على الحقد و التفرقة و المشاكل
و في اللي خايف و يدعي ربه
بس ادري انشالله بترجعون
بس عسى ردتكم ما تكون متاخرة
و ترجعون و ما تلقون سدرتكم "
*******************************************
عادي ابجي الحين و الله قلبي مقموت
الله يستر على هالديره
6 comments:
آآآآآآآآآآآآآآه
قلبي حزين و مشاعري حزينة
معقولة هذي حال الديرة ؟؟؟؟
نفس شعوري ونفس كلامي
الله يستر عالكويت من الياي
:(
Allah yester 3ala deeratna wallah:( kil malna 3al asawa' :( ALlah ehadi iljamee3:(
ما نقول الا حسبي الله و نعم الوكيل
على كل من حول الكويت لهل حال
لا حول ولا قوه الا بالله
يالله احفظ ديرتنا و اجمع قلوبهم على الخير يارب
I love this song.. raje3atni belzemaan waraa gabel el azmaa.. sij ayaam 7elwaaa. Allah Yaster 3aleenaa :)
Post a Comment