Ya Katkoot

did you know what is wrong with us ??

we don`t know how to enjoy , actually we forget the meaning of enjoyment

i believe that if you want to enjoy drinking a glass of water , you can .

its all depends on the personality that a tiny thing can make a big chane in your life

انا مابي اتحلطم و لا اقول اني احسن وحده انا من هالناس اللي ما قام شي يونسني كل شي صار عادي

اعتقد اللي عندهم عيال ملاحظين هالشي مع عيالهم صح ؟؟

بس هالشي تغير لما تعرفت على صديقة معاي بالدوام

اسم الله عليها مشالله مشالله كل شي تسوي منه انه شي اينن و خيال

البنت لافة العالم كله مشالله و مو ناقصها شي لكنها لي الحين تستمع بكل شغله سواء صغيرة او كبيرة

الحمدالله مع العشرة الواحد يتطبع باطباع غيره

بديت اشوف الأمور بطريقة غير

من قبل كتبت بوستات عن شغلات مرت علي و اندمجت فيها و شفتها من ناحية ثانية

مثلا : حفل الأوسكار السنة اللي فاتت كنت مشتطه مع افاتار و مو معناته اني قاعده بالبيت ما اقدر استانس و انا اشوف سويت لي ثيم افاتري و اشتطيت و استانست :) و لي الحين اذكره :)

check the post

كل اثين اهو يوم مقدس بالنسبة استمتع فيه و انا اشوف

Desperate housewives

صج صج هالبنت غيرتني وايد و تعلمت منها

و دايما على كل شي يعجبها تقول عنه :كتكوت :)

هالبوست كتبته بعد ما قريت التعليقات بوايد بلوقز عن لوية امس

H&M

هلاقة ، شفاحة ، ميانين ،كله عشان الرخص و كلام وايد

انا اللي ابي اقوله على اي اساس هالأحكام ؟؟ ليش ما فكرتوا فيها بطريقة ثانية ؟؟ مثلا اذا انتوا رفيجات تبون تطلعون وين تروحون ؟؟ اكيد مطاعم او كافيهات

بس لما تتفقون على هاليوم انكم تستاذون من الدوامات و تروحون هالحدث مو صح راح يكون شي يديد ؟؟

كسر روتين و اكثر من متعة ، متعة انه مطنشين الدوام و شايفين رفيجاتكم و متعة لوية الفاشن و السوق

و انه وايد بنات متيمعين و ناطرين :) و طبيعة البنت من صغرها تحب اللبس و النفانيف صح ؟؟؟

بعدين تتريقون و بعدها ترجعون الدوام :) مو هذا شي يديد ؟؟

انا مابي اغير الناس و لا احد يتغير مني ، انا ابي ابين انه نظرتي تغيرت للأشياء و الواحد شنو ماخذ من الدنيا ؟؟؟ مو صح ؟؟

انا استانست وايد شخصيا و الحمدالله رفيجاتي استانسو اي و شريت النفنوف و اي يعتبر رخيص بس راح البسه

تدرون ليش ؟؟ لأنه عاجبني و لأني ما راح انسى شلون شريته

و على فكره البنات اللي كانوا موجودين كانوا وايد بنات معروفين انهم ستايل و كشخه بس مستمتعين بالشي

عفيه يعني اللي تقولي رخيص و ما رخيص على الأقل ما رحنا شرينا من معارض و لا تقليد

لما دشيت يوتيوب و شفت العالم شلون مستانسن و اهما ناطرين من نص الليل

ضاق خلي على تفكير اللي عندنا و الله

المهم يا رب يكون يومكم كله خير و سعاده و يكون يوم كتوت عليكم

على قولة شوشو :كتكوت