Wednesday, November 03, 2010

الرجولة و كلمة حاضر

الجو
الجو اينن
اجو ابداع
الجو



الكل كاتب بال بي بي

بالفيسبوك

بكل مكان

رجاءا لا نقبس على عمرنا

:P




اليوم الصبح قبل لا اطلع تناجرت معاه

شي ادري اني انا غلط فيه ، اهو عنده وجهة نظر معينة و انا لأ عكسه

كنت بعاند مثل كل مره انا اعاند

و يطوف لي

و يتغاضى

و انا اعطيه اعذار مو منطقيه

بس اليوم قبل لاامشي


رديت له

قلتله مابيك تزعل و اللي تبيه راح اسويه و لا تزعل


اول مره ما اعاند

دعله

ادري بنفسي دعله

ليش يطوف و يتغاضى ؟؟؟؟



يقدر يصارخ علي و يغصبني على الشي اللي ييه


بس لأ  اهو مو جذي

ما تربى على جذي

و هالشي يخليني استحي و يكبر حبه زياده بقلبي

بس صج اليوم اول مره ما اعاند



قعدت فكر بوايد موقف سمعتها و مرت على ناس حواليني

ممكن الوحده ما تطلع عشان اهو مانعها او ما تروح حق اهلها و ما عندها الحرية انها تاخذ قرار بحياتها حتى بتربية عيالها او صبغة شعرها  او دراستها و مستقبلها الوظيفي

كله بسبب رفض الرجل اللي تحبه

انا الشي اللي صار عليه الموقف الصبح ما يتقارن بهالأمور لأنه شي سخيف و عادي و اشتطيت حدي فيه

بس البنت اللي تكون عايشه مع رجل
فارض رجولته بكلمة لأ

احاول اسأل بيني و بين نفسي

شنو فكرت ؟؟؟ هل المهم انها ترضيه ؟؟ هل بالنسبة لها هذي رجوله ؟؟

ترى مو قاعده انتقد و لا اني اذم كل انسانه لها الحرية في اختيار حياتها

انا بس قاعده افكر


بالنسبة لي الريال اللي دايما كلمة لا على لسانه بدون سبب منطقي

مهزوز و مو متصالح مع نفسه و للأسف مو ريال


الرجولة بنظري (و ارجع و اقول هذا راي انا الشخصي مو قاعده انتقد احد)و



تكون هادي و لين معاها

تتغاضى مره و تشد مره

انك تسمع رايها

تسمع كلامها لك


انك تفتخر بنجاحها و تشجعها

ما يمنع انك تقولها انك معتمد عليها في بعض الأمور

تعطيها اهميتها و تخليها تدري شكثر وجودها مهم بحياتك


مو الرجوله انك تحمها من حياتها الإجتماعية و انت مطيح عند ربعك

مو الرجوله انك تقول لأ بس عشان كلمة لأ

مو رجولة انك تدور و تفتش وراها بموبايلها و ايميلها

مو رجوله تحرجها بدوامها و تمنع انها تدش اجتماع و او تاخذ ترقيه


ترى البنت اذا حستك انك ريال تسوي لك اللي تبي

و متى تحس انك ريال ؟؟ اذا وثقت فيها و حبيتها و احترمتها و طوفت لها و تغاضيت عن دلعها شوي

ابتسم لها  و حط عينك بعينها و انتو قاعدين تتهاوشون

راح  تسوين لك اللي تبي حتى لو عاندتك مرة و مرتين و ثلاث


بس راح تقولك

حاضر
صباح الحب و الجو الجميل



8 comments:

منغث منكم said...

اغلب البنات ابمجتمعنا للأسف يحبون اللي يدوس عليهم ويعتبرون هذي الرجولة واللي يطوف و يتغاضى ينقال عنه خروف و سكانه مرته....ليش؟

لأنه اغلبهم تربو على جذي

لما نوصل لمرحلة انه الكل يعرف واجباته شنو اهني نقدر ننقد على تصرفات الأثنين...
وبالنهاية يظل الريال اهو قبطان السفينه

تقبلي مروري و دمتي بود

Noora said...

اللهم اقدر لها من الخير فوق ما ترجو واصرف عنها من السوء فوق ما تحذر
allah etamim 3lekom :)

bananaQ8 said...

يسلم السانج :)

Bint ilKuwait said...

ANA A'AYDICH 10000000000% 9a7 ilsanich

New Bride said...

منغث منكم :

انا معاك الريال اهو قبطان السفينة بس مو معناته انه المرا مالها دور

و انا ملاحظة هالشي انه البنات عندها اذا الريال داس عليها خلاص قمة الرجولة

لكن بالنهاية كل انسانه حرة بحياتها انا كنت شايله راية الإصلاح بس انصدمت من ردود الأفعال :)

شكرا على مرورك

New Bride said...

Noora : Ameen yarab thanks alot

BananaQ8 : thank u :)

bint ilkuwait : teslmeen :) ana a7es enah lazm t9eer taw3eya 7ag elbnat 3la halsalfa

Bint ilKuwait said...

Ee wallah

Ra-1 said...

كلامج صحيح وكل شي بالتفاهم والتنازل والهدوء يصير :)

الله لا يفرقكم ويخليكم لبعض
:*