Friday, October 22, 2010

و الله سهالة

خلال هالسنة وايد تغييرات صارت على طريقة حياتي

يمكن الناس اللي يعرفوني من زمان من هني او بره النيت عارفين شنو حياتي

كل ويكيند ارجع انام عند اهلي و ج يروح الشاليه

تقريبا من نهاية السنة اللي طافت لي الحين تغيير غريب صار فيني

تعلقت فيه زيادة و صارت نومتي بالويكند و روحته الشاليه بالنسبة لي هم


انا عندي قناعة و لازلت مقتنعه بهالشي انه اي اثنين يحبون بعض مو لازم يجابلون بعض 24 ساعه لأن هذا اكبر غلط بالعلاقة و هالشي اكيد يهدم كل شي

وايد تكلمت لي حياتي و لك حياتك و لنا حياتنا


بس سالفة نومة الشاليه و نومتي فبيت اهلي ماني قادره اتعداها  ، بس لازم ما اكون انانية ، هالشي اتفقنا عليه من البداية و مو من حقي اغيره


ما منعته بس قمت اقعد بالشقة ما اروح  بيت اهلي ، ،اتخيله انه قاعد معاي ،و ما انام لي الصبح  اواصل لي الساعة 8 او 9 بعدها انام

شنو الشي اللي خلاني اتغير جذي ؟؟ دايما كنت اعتقد اني انا الصح بس شنو اللي غيرني ؟؟؟



انا بنفسي ماني عارفة ، كل اللي اعرفه اني قاعده بصالتي و ادري انا ما راح انام لي تطلع الشمس .







شنو الصح ؟؟؟؟


واااي ما اصدق شنو التفكير اللي براسي الحين


شنو الدنيا كانت سهله !!!!كل شي سهل و بسيط  و الله  كان تفكيري و همي انه شلون ارضي الأبله و كشكولي يصير احلى كشكول !!و الله سهلة الدنيا



التلفزيون !!!قناتين اللي اشوفهم و بعدين كشخنا بال ام بي سي و الحين 500 قناة و كل يوم اتحلطم انه ماكو شي اشوفه !!و الله سهلة الدنيا


وقت الفراغ ،اي كان اكو وقت فراغ ؟؟؟ و مقمسمته بعد  اعزف بيانو و اقرا كتاب و اجل برامج بالمسجلة !!!و الله سهلة الدنيا




موبايل ؟؟؟؟ شنو موبايل ؟؟ ما عندي عشان جذي بالليل من احط راسي على المخدة انام .و الله سهلة الدنيا



طلعات و مطاعم ،،معروفة الأماكن الخليجية او العاب مجمع زهرة و بعدين هنغري بني و الطلعة بس ويكيند !!!ما يحتاج ابدا اني افكر وين بروح اليوم او اي مطعم بروح على كثر المطاعم احتار و الله احتار !و الله سهلة الدنيا



السفر ،من غير تفكير و من غير مادري شقاعد يصير تبدا عطلة الصيف سافرنا و تبدا عطله نص السنة سافرنا ، ادري عن تجهيز و حجوزات ؟؟ طبعا لأ . و الله سهلة الدنيا



الكويت !!!خل احدد اكثر ، مشاكل الكويت !!!هممممم كان في مشاكل تنذكر ؟؟؟؟ مقارنة بالعفسة اللي صايرة الحين و الله عيشتنا كانت سهلة



لأن و الله الدنيا سهلة



بعد مكالمتي معاها

ما عرفت شنو اقولها بس هالكلام طلع مني بدون تفكير 

اول مره اكتب شي و اراعي الوزن


اشكي بحر همومي لج يا زين

غرق محيطي بهمج و ضاعت بحوره

حسبت انا لحالي ما غمضت لي عين

بعدد ايام زماني الصعب و شهوره 

اثارينا كبرنا و تمشي معانا سنين 

تحفر بتراب قلوبنا للحزن ينثر بذوره 

تثمر ثمار  الهم و نحصدها بهالإيدين 

و نهديها لألم اكبر ينتظر دوره

وينك يا زمن يوم كنا ثنتين

ضحكتنا و راحة بالنا بكل صورة

عناقيص و عجايف و لازم مضعدين

و ابتسامات تطفي للقمر نوره  

و سلامتكم

اهداء حقج
MRMR


4 comments:

Anonymous said...

waaaay mrwaaaa b3d glbi wallah enny many gadraa akteb mn elbachy!! kalamech `7alany afaker bmalyoon shay o shay!! 9ij eldenya bedoon elrefejat malha 6a3am.. o ma3akom t9eer shay thani .. allah y`7aleech lena ya rb o yes3edech o ya36eech kel ele tetmaneeha o zyada aammmmeeennnnn ya rbbbbbbbbbbbb :***** lv u mrwa mn kel glbi

Bint ilKuwait said...

9a7 ilsanich;)

Noora said...

how come I have never been here before, how come I had never came across ur blog !!!
i love LOVE ur posts and ur writings, if I imagine having my own blog it would definetely be just like yours, i love ur simplicity in contrast to ur randomness. I can relate myself to many of ur writings, married young kuwaiti in-laws career society ideas perceptions feelings passion vs. obsession OMG! ...
I'm also visity Venice this ath7a Eid ;D


I promise to always come by and always leave a comment =) keep up the good work sis

New Bride said...

anony : 7yateee walah :*

bint ilkuwait : 9a7 bdnich ;)

nora : 7abeebte walah a7rjteene b halklaam

o waayed shj3teneee :) waayed wagft o gemt ma akteb bas enhalaah 3ashanich o 3ahan elnas elee still read i will ;) thanks alot :*