بعد مغامرتي مع آي سيتي و اللوية وايد احداث صارت و ما مداني اني كتب اي بوست
يوم الخميس اللي فات رحت دبي مع رفيجاتي العزيزات ، السفرة اللي يوم واحد ،وااايد حلوة ووايد حبيت الشغله و شكلي بتولع فيها
انا من زمان ما رحت دبي اذكر قبل سنتين رحت يوم حضرت سيرك و رجعت بس . دايما كنت اتنرفز لما احد يتكلم و يقارن بين الكويت و دبي و شوفوا دبي و اهما احسن و الله كنت اعصب
بس
لما رحت هالمره مع اني ما رحت الا دبي مول
قلبي عورني
بس ما راح اقول شي اكثر و
بالسفر الواحد يكتشف الناس و انا شوي انصدمت ،ما اقول اني انا الكاملة و احسن وحده لكني انصدمت .مرات الناس تفهم الدنيا غلط و مفهومها للصداقة يتغير
انا طبعا الصداقة بالنسبة لي شي كبير
و الفتره الاخيرة وايد حاشتني طراقات من رفيجات
مادري يمكن انا اللي فيني العلة ؟؟؟
____________________________________________________________________________
كلام اخير
علاقتي فيها ما تتعدى 5 سنوات ،رغم انها كانت انسانه كتومة احس اني اعرفها من 20 سنة صديقة دوام مو صديقه دراسه بس معزتها بقلبي وايد كبيره وايد اتمنى اني كنت اعرفها من زمان ، اليوم كانت حفلتنا بنودعها لأنها بتسافر انشالله بتكمل دراستها و بترجع لنا انشالله دكتورة
مشكلتي ما اعرف اطلع مشاعري
من بدت التجهيزات احس اني قاعده اتحاشاها
اليوم سلمت عليها عادي يعني مثل لو كنت بشوفها باجر
بس و الله قلبي معورني
الله يوفقج يا ام عبودي و يسهل امورج بس ابيج تدرين اني وايد اعزج و راح اوله عليج وايد
2 comments:
حياتي لا تقولين العلة فيج, المشكلة بهالاوادم, انا بعد حصلت خوش طراق من وحدة معاي بالدوام كنت معاها كلووووووس مو صج و فجاة صارت تكلم الكويت كلها و تتحاشاني, قعدت اسبوع ادق عليها و ادزلها مسجات و اهية مطنشتني لانها عزيزة علي واااايد و كانت خانقتني العبرة و مرتين بقيت ابجي و انا اشوفها تتحاشاني لهالدرجة بس الحين صحيت قلت ليش اذل نفسي انا اللي ما يبيني ما ابيه بالطقاق انا مو محتاجتها بشي واهية كسرت اللي بينا ليش اتحسف على انسانة ما تستاهل صداقتي ؟
allah ywfgha om 3boodi
Post a Comment