Tuesday, October 05, 2010

بنات مشرف

عاشو بنات مشرف ، احلى بنات :)

لا مو هذا موضوعي :)

اليوم هو يوم المعلم

طبعا الكل مرت عليه مواقف مع المدرسين و المدرسات

و اكيد كان في مدرسات تحبونهم او تكرهونهم

اقل شي ودي اسويه اني اشكرهم على التعب و على الجهد لأن صج يختلفون عن بعض مدرسات هالجيل


ليش قلت بنات مشرف

لأني درست بمشرف من الروضة لي الثانوية


و الله يقدرني اني اذكر كل مدرسة مرت علي

طبعا انا كنت اسخف من السخافة وقت المدرسة مشتطة و اقعد اول وحده و من بنات الإذاعة

يعني املق من جذي ماكو

راح ابدا من الروضة  و اللي يذكر زيادة بليز علقوا :)


اوكي انا مواليد 1981 عشان جيل بعد الغزو لا يتعبون نفسهم

:P

روضة الضياء

ابلة سوسن

ما اذكر عايلتها ، تينن و اموت عليها حياتي امبيه اذكر ملامحها حدها طفولية

و عزمتها بعرسي و شفتها وااي يتني بجية


ابله سهير

اهي ابلة الموسيقى كانت بالنسبة لي الجمال كله اعتقد ان كان احساسي انها ممثلة مادري شكو

من دخلت الروضه و انا معاها بالموسيقى


ابله خلود

صج كانت عصبية بس كنا نحبها و مرافجين بنتها


و ناظرتنا

ابله
منى الياسين
:)


مشرف الإبتدائية

ناظرتنا اللي اموت عليها

ابلة سارة حبيب  وااي تينن


وااي انشاللله اذكر المدرسات فقدان الذاكره مو صج

أبله تغريد الحسن  

احلى ابله بدنية و احلى رقصات

اللي من جيلي اذا مشتركين باغنية "دارنا دار الحمايا "و اشتطاطنا

انا كنت القسم الوردي


ابله محاسن :)
ابله بدنية او العاب

و انا باولى ابتدائي اذكر في ابله عربي انصدمت اني اعرف اقرا طبعا ما كنت فاهمة ليش منصدمة بعدين عرفت اني كنت معجزة بس حسافة محد اكتشفني

اذكر خذتني غرفة المدرسات و خلتني اقرا جدامهم و بعدين يابت لي كتاب كبير و متين و خلت وحده من المدرسات تختار صفحة و قريتها  ما كنت فاهمة انهم مستانسين :)


أبله سهام
مالت العربي :)

ابله انيسة
ابله علوم

ابله رياضيات بعد نسيت اسمها عبالي انها اخت هدى حسين



طبعا ما اعتقد انه في وحده بمشرف ما تعرف

ابله ربيعة
رياضيات
الكل يحبها و يموت عليها



كان في ابلة اجتماعيات

اعتقد ابلة منيرة وااي احبها

ابلة فضيلة
دين

و الله جان زين اذكر الباجي بس صج انمسحت الذاكرة

اي  ما انسى الإخصائية
أبلة صفاء
وااي الهدوء و الطيبة كله فيها




متوسط مشرف

الناظرة
ابلة فيروز معروف

ابله جواهر
انجليزي  اموت عليها

مس ساندي امريكية تينن

ابله نبيله بولند
بدنيه

ابله خديجة اشكناني

ابله لطيفة البناي
اسلامية

وايد احبها و تحبني انا كنت وايد هادية على نيرد شوي  بس مرة مادري شاللي صار فيني و كا قاعدين نرقص بالساحة الخلفية ورا المسجد
جان تطيح علينا و زفتني و قالتي لي انتي كنت فوق و الحين نزلتي مادري قالت لي طحتي من عيني شي جذي

جان اتحطم نفسيا :P


ابله هدى
علوم

و الله مادري شلون قاعده انسى جذي و الله ناسيه الباجي


ثانوية مشرف للبنات
دفعة 95
اول دفعة مقررات

هلا هلا :P

ناظرتنا  الله يخليها و يحفظها

ابله غنيمة القملاس

من اقوى الناظرات اللي كانت ماسكة المدرسة و مشيتها عدل و الله بعدها المدرسة اعتفست

ابلات تشعيب الإنجليزي

ابله وفاءالمعيلي
 تينن تينن يتنن

مس منال
الله يعطيها العافية متحملة سخافتنا
و تعيد لنا الإمتحان يا حياتي و الله :(

مس سعاد
وااااي شقول عنها حبيبتي

من كلماتها المعهوده "يالله نكتب"و تقولها بطريقة تينن و اهي تقرا لنا امتحان
reading
و تقولها عند الإجابات حياتي تساعدنا

ابلة عواطف الرندي
رئيسة قسم العربي
واي شنو كشخة شنو تينن

ابلة مرفت
لوووول ام عدسات خضر

ابداع  و بس ماني قايلة شي زيادة

ابله نور الهدى

الله يرحمها سمعت انها توفت قبل جم سنة

حبيبتي و الله


ابله فتوح :)
علوم


ابلة اقتصاد منزلي
ماذكر شسمها متروسة شوي لما شفتها قبل سنتين بالنادي عصبت لما قلت لها ابله و قالت لأ انا ما درستج انتي كبيرة P

الحين الأبلات الفلم

ابله
سحر
موسيقى

لوووول طبعا كل مقررات الموسيقى ماخذتهم  بدعنا معها

طبعا اللي كانوا معاي راح يذكرون ولدها جوجو بو كرش لما كانت تييبة التأخير و يتغدى معانا
و اكيد تذكرون الصوف الأحمر بوريش :)


ابلة منال
موسيقى  و صوتها لما تصارخ عبالها حلو

و شطتهم ثنتينهم على شادي الخليج

امبيه جني وايد خربطت المفروض البوست بوست شكر


ابله نادية
بدنية

مسكينة مره وحده حذفت الجله و كفختها على راسها


ابله عزة
بدنية

أبلة ايمان سنان
اسلامية
احبها

مدام وفاء
فرنسي

خلتنا نغني اغنية فرنسية بلإذاعة كل وحده شكبرها
و الأغنية عن عصافير

ابله عبير
خزف

ابله بثينة
صناعي


امبيه هذا اللي اذكرهم لي الحين اذا احد من مشرف بليز ذكروني عفية


ابي اقولهم كلهم

ما قصرتوا و الله بعطيكم العافية 
لازم نعترف كلنا  ترى ان لهم فضل علينا يكفي مجابلينا و متحملين الملاقه و السخافه و احنا مو عيالهم


انا ودي اني اسوي بمشرف
reunion

بس اعتقد الموضوع وايد راح يكون صعب

المهم الله يعطيكم العافية و ما قصرتوا و اسفة اذا نسيت اي احد

شنسوي العمر له احكام

Update : Thanks dear Anony to remind me of one of the most important person in mishref high school

ابلة خالدة البحر

ادارية بس كانت الكل بالكل خل وحده من البنات تفكر انها تنحاش او تخالف

تروووح فييييها

8 comments:

mo3ath said...

اذا الله رزقني بنت راح ادش اهني وادور اسم لها :D

يعطيهم العافيه مخرجين الاجيال والله يعينهم على الدفعه اليديده والدلع الي اهم فيه

New Bride said...

looool 3ad asamee al ablaaat :)

eee walah mashalah df3tnaa waayed mtmayza wayed mnhom mashalah meskaw markez :)

etha alaah rzgk bnt enshalah gool o e7na nthb6k b esm

swera said...

waaay la thakartini bel ma'6i eta3ees laman kenaa nen7aaash fog esa67 wel ablat shway wechekona!

abla so3ad zoo'3a tara lel7eenha edarres hnak! o 3wa6ef errandi methel mageltay etyannes ;) wallah 9ij ayam! yat Hind Aljassar ablat English bs b3den ra7at 7safa :D

ana df3at 97 :)

Anonymous said...

واي ذكرتيني اب ابلات انا ناسيييتهم انا اصغر منج بسنتين .. ذكرتيني اب ابله فضيله يحليلها درست العايله كلها الله يذكرها بالخير.. مالحقتي على ابله مليحه؟ مالت العلوم؟ و ابله امينه هم علوم؟ ابله امينه بالابتدائي و ابله مليحه متوسط؟ . و حبيبتي مس سعاد و ابله وفاء مالت العربي بالمتوسط بس مشاء الله ذاكرتج قويه :) .. تذكريين في وحده كانت الادارة ما ادري شنو وظيفتها بس كانوا البنات يقولون عنها مديرة الفراشات بالثانويه متينه و مو متحجبا ابي اذكر اسمها

MuLaN said...

OMG wayd rdetna le wra n9hm athkrhm wzed 3lech blmtws6a abla 3wa6f shes still there 0 miss wdad etc :D

Saroon86 said...

OMG! i remember almost all of these teachers in high school lol o ana dof3at 2000 lol walla thakarteeni feehom o '6ayagti 5lgi 3ala Nour el Hoda, ana athkir enha kanat shway mo 9a7ya maskeena ygooloon 3ashan kan 3ndaha bnt mtwafya alla yr7amha :(
and i can't believe you mentioned 5alda el ba7ar they used to call her Lulu el 9a'3eera 7aram ;p thanks for the trip on memory lane lol thikrayat 7ilwa :D

Anonymous said...

hhhhhhhhhh wanasa thakkarteeni b ayyyaam :) .. ana nafsech mn el raw'6a leen el thanawi fe mishref :) ..
bs a9'3ar mennech eb 3 years ..

1) Lebteda2i:
- athkir abla mneera malat el 3arabi kanat mtabteba w talbis 7jab bo rab6a w overall ..
- abla 3adla tdarres eslamiyyah, ham tyannin
- waaaai amooot 3ala abla rabee3ah <3 9ej 9ej ma ansaha b7ayati..

2) elmetwassi6:
- ya 7elooha abla huda (3loom) 3ndaha shamah kbeera 3ala wayehha :) i love her .
- Abla wafaaaaa (3arabi) ham a7ebhaa wayid .. kanat kellah t7awil tkallemna bel fo97a 3ashan net3allam w ya weel elly testa5dem el correcter :P tsheg el wrega ;P .. bs 6eiba tyannin ,, lee al7een athker her smile ;)
- Miss 3abeer ( english) darresatni sena wa7dah w ra7at coz ehi asasan maidani .. ehe elly 7abbebatni bel english w bsebabha dadarast english bel high school wel jam3ah :) .. i would never forget her <3 samrah w sha3arha aswad curly w 7a6ah taqweem :)

Anonymous said...

el thanawi :

- abla masha3el (3arabi) ya 7elooha :D she was so kind and funny.
- abla kholoud eldyeen (islamiyyah) 3omri ma ansaha .. i wish i could meet her again one day to say THANK YOU A BUNCH ;*
- Miss so3aad (English)wa ma adraka ma miss so3aaad ..the best teacher ever ;******a7ebha a7ebha a7ebha .. w i still remember the way she says (Yalllah Yalllah) <3 w leman togaf 3ala el bab tan6er all the students yed5elon el class looking at them with a big smile and caring spirit ;**
- abla gho9oon (islamiyyah )
- abla nadyah (badaneyyah) waai hal ademeyyah damha 5afeef w 7lewah ya7lelha ;D mashallah ma3enha semenah bs 3ndaha leyaqah athkir kanat tsawwi 7arakat e7na ma negdar 3aliha ;D
- madam wafa2 (french ) allah yathkirha bel kheir wallah maskeenah ta7ammalatna wayid we7na yannannaha bel badleyyat :$


hehehe tawni adri enna thakerti zeinah :) ana kella fe bali enni nassayah w ma 3ndi memory at all ..:D bs thank you sis rajja3teeni 9af7at thekrayati w el6folah el jamelah ;) ... w sorry 3al e6alah bs eshta6eit bel mow'6o3 :)