Random Thoughts

ما توقعت

ابد

اني بيوم

راح احبس الكلام

بين نبضات قلبي

و ما توقعت

انك بيوم

ما راح

تفهمه

من نظرة بعيوني

بصبر و بانتظر 

لين تقدر تترجم 

 صرخة سكوتي

Back to the world :)

yaaaaaah i am back to life again

حدي حدي حدي بدعت بحياتي :) يومي بكبره مقلوب ، طبعا من قبل لا يبدا رمضان و انا نومي متخربط و بدا اول اسبوع و اعتفس اكثر

أول و آخر مرة بحياتي اخذ اجازة برمضان ، ليش عاد ؟؟ ليش اخذ اصلا استغفر الله لا من زود العبادة و الله على الاقل وقت الدوام يكون عندي وقت مخصص اقرا فيه قران و ذكر بس بالبيت لا و الله اكون صريحة ما اسوي شي ، حتى الصلاة مو دايما بوقتها ، و الشي الثاني لاني راعية مطبخ و لاني اقعد اتفنن اسوي حلو و غيره

و موضوع الطباخ هذا يبيله فلم بروحه وايد

انا لاهية من زمان ما كتبت ، ماني قادره اكتب مادري ليش

لاهية ب تويتر وايد و

Blackberry

اليوم اول يوم دوام حقي و طبعا مواصلة

لي الحين الوضع زين :)

بالنسبة حق رمضان السنة  مشالله بسرعة طاف

اول اسبوع و هو اسبوع اللوية من غبقات و تسلم

و دشينا الحين الإسبوع الثاني مع يمعات القرقيعان

(انا قاعدة اكتب و اوقف لأن الزوج العزيز داش عملية بسيطة بس شفت انه طول و قاعده احاتي )

يارب  يارب ما يكون صاير شي

راح اوقف الحين و ارجعلكم مره ثانية

كل عام و انتو بخير still a new bride

مبارك عليكم الشهر :)

شلونكم مع رمضان ؟؟ مشالله بسرعة قاعد يطوف و الله من غير ما نحس و الله يقدرنا يا رب انه نستفيد من كل ساعة فيه يا رب

من زمان ما كتبت  مادري شنو اللي صاير ؟؟ افتح البلوج ابي اكتب و ارد اسكره مرة ثانية

قبل رمضان باسبوع رديت من بيروت و هناك كنت قاعده اصور كل شي و حاطة نوت اني بكتب عن وايد اشياء

خصوصا اني كنت رايحة عشان امي عندها مؤتمر  ووايد اشياء مرت علي

بس مادري ليش كلش مو مودي اني اكتب شي

انا اتوقع السبب الرئيسي

تويتر

على طول انا اكتب تويتس

عن كل شي ف بعدها يصير مالي خلق اكتب هني

انشالله راح انزل الصور اللي صورتها و راح ابدا اكتب عن المواقف اللي مرت علي هناك

النهاية

مبارك عليكم الشهر و كل عام و انتو بخير :)

و اذكركم  لي الحين انا

Newbride ;)