Friday, July 09, 2010

و الله ترى كل بنت و الله زينة :)

من صارت لي هالسالفة و انا ودي اكتب عنها بس مترددة ، و اللي يخليني مترددة اني مابي اخرب على احد و لا ابي اكون اني تكلمت عن احد ،بس قلت بكتب بس بدون تفاصيل دقيقة مو عشان شي عشان الواحد يتعلم و يعتبر

من زمان و انا ابي اشغل وقتي ، عندي وقت فراغ و كنت اقضيه طلعات و مطاعم و لويه ، بعد ما سويت ريجيم طبعا ما كنت اروح عشان جذي عندي وقت فراغ وايد 

و ج دايما يقولي سويلج شي و شعلي نفسج ، و طبعا يطفرني اني انا كله مالي خلق شي و كسلانة ، المهم  وحده من رفيجاتي مشالله عليها متخصصة بشغل المعارض و سوت وايد اشياء و انسانة نشيطة مع انها صغيرة بالعمر . المهم دام انا فاضية قلت بشتغل معاها  و خاصة انها الحين قاعده تشتغل مع قروب من بنات و شباب من مختلف الأعمار.

رحت و قابلت رئيس الفريق و بالعكس رحب فيني و مشالله كلمني عن المشروع اللي بيشتغلونه و كان شي وايد على مستوى المهم ودي ادش بتفاصيل بس ما اقدر بعد مده حسيت ان الإمور مو واضحة . في اشياء مخفية و الكلام و الوعود و الأرباح شي بالهوا ماكو شي ملموس


تكلمنا بينا و بين بعض انه حفظا للحقوق لازم يكون في عقود


العقود كانت هي القشة التي قصمت ظهر البعير و مادري اذا المثل صح او لأ مكانه

بس تكلمنا بالموضوع كل شي تغير ،رئيس الفريق مبدع بالنسب اللي راح تكون بلأرباح ، و بعدين اهما قبل لا ادش معاهم كانوا مشتغلين على معرض و الأخ بينصب عليهم نصبة محترمة !!انا من شفت جذي و الله قلت ماله داعي اعور راسي لأن الموضوع اللي ضايقني مو الفلوس اللي ضايقني الإستغلال و النصب و شافنا بنات قال العب عليهم


طبعا وايد امور كانت صايره انه كان مخليهم يدفعون مبالغ عشان اجار مكتب للشركة و المكتب كان شقة سكنه الخاص !!

 و اشياء وايد وايد انصدمت منها و كنت احس انه اللي يصير بالمسلسلات شي مو صج و انه مو معقوله في ناس جذي

بس و الله شفت


المهم انا اعتبرها تجربة و استفدت منها و تعلمت  و كلش ما خسرت شي  ،انا ودي اني اتكلم بالتفاصيل لأن كل اللي سمعوا الموضوع طقوا على راسهم بس ما اقدر

الحين ،انا ودي انه يكون لي دور مهم  او اني اسوي شي يضيف لي بحياتي  ، اي ممكن اخذ دورات ادخل ورش عمل و غيرها لكن ابي القى نفسي ،و اعتقد انه الوقت وايد متأخر اني القى نفسي


مشكلتي اني ما عندي مواهب حرفيه ،يعني لا ارسم و لا اصور و لا اطبخ  موهبتي احب اتكلم :)صج و الله احب اتكلم


اي اقتراحات ؟؟؟؟


انشالله راح ايي اليوم اللي راح القى الشي المناسب لي


  اخر شي اهدي هالأغنية حقي  و حق كل بنية كانت معاي بالقروب  و حق كل البنات بس :)

لأن  و الله احنا زينين و عندنا طموح و كل شي نبي نسوي بس و الله الدنيا مرات تعطينا جم طراق صج يعلمنا





6 comments:

CafeQ8 said...

If you mean QuestNet, It sucks o kellana9b b Na9b

أبوفلان said...

هالأشكال في منهم وايد الحرامية والنصابين والي يستغلون الحريم عشان شغلهم يمشي

المهم ماعلي منهم الله لايوفقهم

دامج تحبين تتكلمين ليش ما ( تحاولين ) تصيرين محفظة قرآن ..

أعرف وحده ماشاء الله عليها نفس حاتلج كانت تعاني من وقت فراغ ادخلت حلقة واحفظت 10 أجزاء وقدمت اوراقها والحيت تداوم يومين بالأسبوع وتاخذ أجر ويعطونها 400 دينار بالشهر

مو مهم تتقيدين بالي قلته لو تاخذينه كمثال يرفع همتج ويخليج توصلين لهدفج نفس هالبنت

موفقه لكل خير أختي

RuBY_GLooM said...

Very Sad Story, That's how I felt while reading this post. yet I'm glad that none of you girls fell for it. ma7ib a77ad yestaghfel a77ad. aw e7e6 ebalaa ena eli jedama ghabe ow too much 3ala neyyata ... magool ella alah yarzeg kil wa7id o wa7da 3aala gad neyyeta .

New Bride said...

CafeQ8: noooooo 3ad hatheel obo el n9b , la ele dasheta group nswee ma3reth :)

ابو فلان :و الله العظيم صج صج هذا المشروع الصح و الله من غير فلوس الواحد يشتغل فيه

مشكور و ما قصرت و الله يقدرني اني احفظ القران يا رب


RuBy _GlooM : eee walh it`s sad , but we learned alot 9ij t3lmnaa ma nnenbher b ay w7ed bayaa3 7achee

Bo_MesHaRi said...

elwa7d etha ma `3ala6 3mra ma ra7 yt3alam :)

bs ana e9ara7a 3jbtni elsong ;)

R.ALBADER said...

Take My advice, Allah may6ag eb 3a9a. 9adgeny rabech ra7 eredha lah, la testab3eden etshofena 6aye7 bil mostashfa thab7eta lamrath. le anna mal el7aram etha ra7 ya'7eth a3ah mal el7alal ba3ad. just wait and u will see what happen to Him, Enna rabbak laysa bethalamen lel3abed