if you are in a good mood , don`t read >

I feel so down today

Can’t talk

Can’t sleep

Can’t think of u

I know that I am not perfect , but no one is perfect!!

I love myself, and keep in mind, u are the one who set new boundaries between us from time to time .

So, I don`t deserve all that and I know you will keep doing it because I didn’t stop you.

I will be there , but keep in mind you are losing my soul .

عقد الجواهر الثمين (اي راح اتفلسف)كيفي

مشالله وصلنا نص السنة تقريبا ،و الجو بدا يتغير و الحرارة ما راح اتكلم عنها :)

الحمدالله احسن من غيرنا بوايد اشياء :)

البوست ما راح يكون عن شي محدد

Random Post

قاعدة احاول اذكر شسويت و شصار خلال الشهور اللي طافت من بداية السنة ؟؟

المشكلة اني مو قادرة اذكر شي !! لما كنت يوميا اكتب بوستات تقريبا كانت حياتي كلها موجوده هني ، و لما ارجع اقراها وايد استانس

الحمدالله

بس الحين بحاول اذكر اللي اقدر عليه لأن مو صج النسيان اللي حايشني

في شي فيني متغير اني صايرة احب اقعد بالبيت و ما عندي مشكلة ابدا اني ما اطلع و هالشي مو طبعي ،انا كنت تقريبا اكثر من 4 مرات بلإسبوع اكون بلأفنيوز بحكم انه قريب مني بس صايرة مالي خلق اروح و عرفت ليش

كل ما ادش يحوشني عوار راس ، و مو اي عوار راس ، صداع نصفي

صج صج تلوع جبدي بعدين فهمت ليش ؟؟؟ وحده من رفيجاتي تقول تكره الأفنيوز من عوار الراس اللي يحوشها

و السبب الجيوب الأنفيه !!و بعدين التهوية و التكييف احس فيهم شي مو صح و مادري متى راح نتطور و نوصل مرحلة ان الناس يحترمون بعض و ما يدخنون دايما ريحة ملابسنا زقاير من نرجع من الأفنيوز

am watching SNL o mayta mn elth7k

ودي اتكلم عن شغله بس ماني قادرة ادش بتفاصيل وايد اخاف اسبب مشاكل

وااي بس حجي وايد بقلبي و لازم اتكلم ما اقدر

انا داشة مع قروب قاعدين نشتغل على مشروع معين و للأسف قاعده اشوف اشياء فيها غموض و اشياء غريبة

و تأليف و شخص قاعد يخربط

مرات افكر اني ما اكمل معاهم بس ارجع اقول خل اشوف الوضع و بعدين انا مو خسرانة شي خل اعتبرها تجربة اتعلم منها

بس لازم اكون مفتحة و ما تورط بشي

احلى شي اني اكون قاعده معاهم بلإجتماع و قاعدة اتطمش

و الله كريم :)

.....................................................................................................

من اخر اكتشافاتي

انه وايد بنات اعرفهم من عمري بأواخر العشرينات كلهم ياخذون حبوب توخر التوتر و القلق و تاثر على الحالة النفسية

يتكلمون عن مشاكل يعانون منها و من حياتهم

سبحان الله ؟؟ ليش جذي قاعد يصير ؟؟ و شنو الأسباب ؟؟

طبعا انا ما الوم اي انسانة و ما اقدر اني الومهم و بعد ما عندي اي مشكلة انه الوحده تروح عيادة استشارات نفسية ووايد بنات يروحون

البنات قاعدين يفكرون انه يروحون حق التنويم المغناطيسي

انا اللي قاعده افكر فيه ، ليش هالشي زاد ؟؟ ليش التعب النفسي و التوتر ؟؟

راح اتكلم عن شي يمكن ما بديت اتكلم فيه بالطريقة هذي الا بالفترة الأخيرة

انا شخصيا مريت بفترة من حياتي بتعب نفسي مو طبيعي ، و ما انكر فكرت اني اخذ حبوب تنومني و حبوب مهدئة

بس كنت ما اقدر . هالفترة كانت السنة اللي فاتت تقريبا مدة 10 شهور

اعتبرهم فترة حاليا انا شلتها من حياتي

كانت فترة اعالج فيها ،و عشت فيها بصراع مو طبيعي و صرت انسانة مهووسة و مو طبيعية ،كنت اتعب نفسيا و كنت كارهة كل الناس بس غصبن علي اجامل عشان تمشي حياتي ، زاد وزني و تغيير شكلي كنت حساسة الى ابعد الحدود و ما كنت ابي اي احد يدري اني اعالج ،و اي شخص كان يولي انه وزني زايد او متنانة او شفيج متغيرة كنت احكم عليه بلإعدام و ينقط بحفره انا متخيلتها عشان احط فيها كل الناس اللي ما احبهم .

تمنيت اني اعيش بروحي ،مو بالكويت و بمكان ما فيه احد يعرفني ، و تمنيت و هالشي اول مره اقوله و يا رب ما يزعل مني حبيبي

تمنيت اني انفصل !!لهدرجة وصلت من اليأس و من الغضب اللي كان فيني

و اكثر شي متعبني

و اللي صج مخليني احس بتأنيب ضمبر

ايماني الضعيف .

استغفر الله و اتوب اليه يا رب يغفر لي شنو كنت اقول

كنت ساخطة و كلمة ليش انا دايما على لساني ، كنت اعاند استغفر الله ،في احد يعاند رب العالمين ؟؟؟

كنت بالصلاة لما يكون وقت الدعاء ما ادعي ربي

!!

كنت اقول اني تعبت و انا ادعي و كل مره يفشل العلاج و كلام وايد كنت اقوله عسى ربي يغفر لي انشالله

تعبت وايد هالفترة و حسيت اني محتاجة علاج

و حالتي من سيء الى اسوأ

و ما استوعبت ابدا انا الحل كله جدامي و موجود معاي

اخر شي كانت الصدمة الكبيرة

انه كل شي بالعلاج كان ماشي مظبوط و كل التحاليل و الفحوصات تبين انه كل شي مهيء

و انصدم و ينصدم الدكتور انه كل شي اختفى !!

هني طلعت من المستشفى والله ما اجذب اني مو حاسة بالعالم اللي حولي امبيه نفس الأفلام

ما اسمع و لا اشوف الناس حسيت اني كل شي حولي اختفى

العوار اللي حاشني صوب رقبتي لما احاول ابلع لأني كنت راح ابجي بس ما احب تنزل دموعي جدام احد

مادري شلون مشيت لي السيارة و مادري شلون سقت لي البيت

دخلت و شفته و عيوني متروسة دموع طبعا عرف الموضوع جان يقولي كلمة اكتشفت اني من زمااااااان مادري عنها و نسيتها

"الحمدالله"

و ابتسم و قالي :عيونج شكلهم حلو و اهما يلمعون

اهني استوعبت ، انه العلاج النفسي و الراحة النفسية كانت بكلمة وحده

"الحمدالله"

و الدكتور النفسي اللي يساعدني

كان عندي

"حبيبي"

JJ

اللي مشالله عليه موضوع القناعة و الرضا باللي الله كاتبه له شي وايد كبير

اذكر يومها اني قمت و صليت صلاة استخارة اني راح اوقف العلاج

و اول مرة من مدة وايد كبيرة ادعي ربي بصدق و اخلاص و احمده و اشكره على كل شي صار لي بحياتي

الحمدالله خذيت القرار و اهو قرار مو سهل لأن المجتمع ما راح يخليني بس سبحان الله حسيت اني وايد مرتاحة

و تغيرت حياتي

تعلمت انه كل تجربة تمر على الإنسان لها هدف و درس يتعلم منه

و الدرس اللي تعلمته اهو درس

الرضا و الإيمان انه الله سبحانه و تعالى عالم بالغيب و معطيني الشي اللي انا محتاجته مو اللي ابيه

و ان الأرزاق متوزعة علينا البشر كلنا بالتساوي بس كل انسان على حسب احتياجه

و بالنسبة حق JJ

عطاني شي يسوى فلوس الدنيا كلها و هدايا العالم

راحة البال

الحمدالله على كل حال والله اللي يدرون بسالفتي يقولون لي لا تقولين حق احد عشان لحد يحسدج

:) بس انا مو جذي اذا ارتحت بشي احب الكل يعرفه

اللللله من زمان ما كتبت بوست جذي !؟!؟!

اخر شي

احلى خبر سمعته السنة عن انسانة عزيزة علي

الف مبروك حبيبتي و الله يوفقج و يتمم عليج يا رب

و بس

:) انشالله كل اربعاء

راح يكون بوستي عبارة عن

جوهرة من عقد حياتي

لأني قررت انه حياتي هي عبارة عن اغلى عقد من الجواهر الثمنية ارتديه بفخر امام

العالم اجمع

اسبوعان من حياتي ...زواجي من الغزاوي

نعم العنوان صح ، زواجي !!من الغزواي

اهوا فلسطيني بس لا اعلم ان كان من غزا و لأ

مع الأحداث الأخيرة التي حدثت و التي كان لها وقع و تأثير على الجميع ، مناقشات حادة و تضارب آراء بين مؤيد و معارض ،و الكلمات التي تجرح في بعض الأحيان من البعض

تغيرت افكاري و نظرتي ، اكتشفت ان الناس تبي تتحلطم و بس

لكن مثل ما انا كان لي رأيي الخاص و الذي اتمسك به لاقتناعي فانا احترم اراء الجميع بدون ان اجرح فيهم

"من متى و انتي تشتطين حق فلسطين"

"هاها ما يلوق عليج"

"امبيه شدعوة ما عندج سالفة"

كلمات و جمل وجهت لي ردي عليها كان الصمت ،لا اود ان ادخل في نقاشات ،اعلم انها ستنتهي ايضا بصمتي لأني لا استطيع ان اواجه هذا النوع من النقاش الساخر

توجهاتي و افكاري ليس لها علاقة بنظرتي للإنسانية و تعاطفي مع بشر حياتهم وصلت الي تحت خط الفقر !!كل من له قلب سيتعاطف

كوني فتاة لا البس عباة و احب الطلعات و احب اللبس ،لا يعطي الحق لأي كائن ان يحاسبني على درجة ايماني و التزامي و السخرية من تفاعلي مع القضية بانها ليست قضية فلسطين و لكن هي قضية الدفاع عن مقدسات و مساعدة بشر يعانون من الجوع و الضعف

و شي ثاني ، من الطبيعي ان اتفاعل حيث ان مرحلة من مراحل دراستي كانت هيا الشطي معي في المرحلة الثانوية ،صح يمكن ما تذكرني لكن كنت اعرفها و هذا شعور طبيعي للتفاعل معاها

بس السبب الرئيسي الحين اني اشتط مع القضية و هو زواجي من الفلسطيني !! و اللي كان حلم امي حلمت فيه امس ودقت علي ضايق خلقها تقول و الله اني قمت الساعة 7 الصبح من الحلم و ما قدرت انام

لووووووووول يما الأخبار و سوالفنا عن الموضوع و زيادة عليه خبر زواج الفتاة الكويتية من الشيخ مروان بن مكتوم تخزن بعقلها الباطن تداخلوا مع بعض و خلاها تحلم فيني اني متزوجة من شخص فلسطيني و العرس كان مختلط و كانت تقول حق ابوي لا تنشر الخبر عشان اذا ما تبيه ترجع حق

JJ

اهم شي انه راح يكون ناطرني يعني

...............................................................................................................

اسبوعين من حياتي

قاعدين مع بعض بس ما نتكلم ،و حتى التلفزيون ما يشتغل ، اهوا لاهي ،و انا لاهية عنه ،يمكن ناكل و يمكن لأ نرفع راسنا ،كل واحد فينا يشوف الثاني و نرجع حق اللي قاعدين نسويه

رغم كل هذا قاعده احس بالسعادة و اني مرتاحة معاك حتى لو ما كنا نتكلم

احنا في جو امتحانات الله يوفقك انشالله و يسهل عليك وجودي معاك جذي و انت تدرس احلى من الف طلعة

الله يوفقك انشالله

*****************************************************

الله بوفقها و يتمم عليها زواجها و يبعد عنها عيون الناس اللي ما عندهم غير الحجي و يارب قرارها بالزواج يكون اهو سبيل لسعادتها

i've baan Tagged :) the Sultani Crown

Mn zmaaan 3la salfat el tag :) bas walah wansaa ;)

so ra7 aswee tag El taj Elsul6ani ( madree leesh a7es kbab sul6ani :)

first : the rules :


قوانين التاج السلطاني
اذكر اسم من طلب منك حل هذا الواجب
تحدث عن ستة أسرار قد لا يكتشفها من يقابلك للمرة الأولى
حول هذا الواجب إلى ستة مدونين، واذكر أسماءهم مع روابط مدوناتهم في موضوعك
اترك تعليقا في مدونة من حولت الواجب إليهم، ليعلموا عن هذا الواجب

يالله نبدا بسم الله :)

اللي طلبت مني حل هذا الواجب !اي بكتب مثل ما القوانين مكتوبة

اهيا العزيزة

Danderma

و الحين مع الأسرار

السر الأول

انا حساسة وايد مع انه بالمواقف الصعبة و الحزينة لا يمكن اني ابين اني متاثرة و لا يمكن تنزل مني دمعة جدام الناس

لكن بس اكون بروحي ممكن اني انهار عشان جذي جدام الناس انا قلبي صخر بس الصج اني اكون وايد متأثرة

السر الثاني

ثلاث وظائف لو كنت بمجتمع غير مجتمعنا جان اشتغلتهم : ممثلة و مذيعة و مغنية :)

مرات لما اشغل الايبود اعيش الدور اني انا اللي قاعدة اغني و اشتط صج و اوقف بنص الدار و جني ماسكة مايك و اغني

(هالسر حتى ج ما يدري عنده اتوقع راح ينصدم اذا قرى البوست)

و طبعا ممثلة او مذيعة هذا خالصين منه الموضوع

السر الثالث

فترة الغزو ممسوحة من ذاكرتي !! مع انه كان عمري 9 سنوات و اذكر الفترة اللي قبل بس الغزو بالنسبة لي حلم بس جدام الناس لما يسولفون اشتط معاهم و اسوي نفسي متذكرة

السر الرابع

اكره اكره شي اسمه همم مادري شلون اقول ما احب وحدة تلزق فيني وايد او تلمني

و ودي لو تصير هبه انه اذا سلمنا على بعض ما نبوس بس نصافح

و هالشي شوي متعبني لأني حتى امي و ابوي ما اقدر الزق فيهم او المهم :( و انا و دي بس ما اقدر

السر الخامس

لا يمكن اني اقول ما اعرف ، و اي شي ما اعرفه ما اسأل عنه انا اروح بروحي و ادور عنه باي طريقة

السر السادس

خايفة اني اكبر !!وايد مو شوي هالموضوع يخليني وايد افكر

و بس هذي اسراري و اكتشفت انه في بعد اسرار :) بس اشوه انه ما نقول غير 6

now i will tag :

Ra1

Ruby Gloom

san3a

zaboo6a

i know u have been tagged by danderma :) but u r my friend ;)

moushi

heheh bas kil elnas elee a3rfhom msaweena :)