Friday, May 14, 2010

تلفزيون الوطن .....زعلتوني

رديت للكسل مرة ثانية و ما قمت اكتب و انا قلت اني برجع اكتب كل يوم
انا اعترف اني اكثر وحده كسلانه بالعالم ترى و الله مرات اتمنى انه في شي اسمه بيات شتوي حقنا
او انا و رفيجتي جم مره فكرنا ، احنا نحب الليل و انا بالذات نشاطي يصير بالليل و الصبح عندي ازمة
عشان جذي قررنا انه احسن وظيفة راح تكون لنا انه نكون طقاقات بالعروس :) لووول عشان احنا ما عندنا مقومات مطربات هاليومين فكرة الطقاقات عجيبة
نوم الصبح ما نقوم الا الظهر نسوي شعورنا و نروح العرس نغني جم اغنية و نقبض لنا جم فلس و بس
لووووول
المهم ارجع حق العنوان
قبل جم صار عندنا برنامج بالدوام و في يوم الإفتتاح كل طبعا القنوات الفضائية موجودة ،مشالله الحفلة كانت خيال و راقية و كل شي اينن
يعطيهم العافية قسم الإستشارات و التدريب ب كلية البنات الجامعية
انزين انا ليش مو قادره اقول السالفة الأصلية ؟؟؟؟؟؟
طبعا قناة الكويت الأولى الوطن كانوا موجودين ، انا اموت عليهم و المذيعة اللي احبها فاطمة بو حمد تشوق و كنت بصور معاها بس بعد الموقف اللي سوه فيني خلااااااااااااااااااااااااااااااااااااااااااااااااااااااص ما رح احبكم للأبد
اول شي كانوا معصبين و مو عاجبهم شي ، المخرج اخ اسمه علي قالي انه يبي يسوي لقاء مع مدير الجامعة و طبعا ما كن عارف منو مدير الجامعة ، بس ما صارت فرصة لأن الريال وصل القاعة و قعد و قلتله اذا تبي تسوي لقاء يالله الحين فرصتك قبل لا نبدا الحفل لأن قاعدين نوزع حلو و قهوة
طبعا ما رضى قالي لازم يوقف و عشان الإضائة
انا طبعا بقلبي لا يمكن انا ارجع اقوم ريال كبير من مكانه عشان سواد عيونك
المهم بدت الحفله : النشيد الوطني ، القران الكريم ، كلمة عميد الكليه و اتفاجأ بلإخت الجميلة (عاد صج جميلة)فاطمة بو حمد بنص الصالة تطربنا بصوتها العالي و تنقل لايف
امبيييييه في كلمة و صوتها عالي و جنهم بعالم بروحهم
رحت اكلمه و نطرتها لين خلصت تصوير جان اقوله بصوت خفيف خلاص لو سمحت لا تصور الحين جان يفتلت علي و يصارخ شحقه يايبينا اذا ما تبونا نصور و انا قاعده اقوله بصوت واطي و ما اعتقد سمعني قصر صوتك و رد يصارخ علي
انا ما قدرت اتحمل انه شخص يكلمني بالطريقة هذي عطيته ظهري و مشيت
الصراجة ما كان واجهة حلوة و المشكله طلعوا زعلانين و المخرجة مادري المعده داقه معصبة و اتوقع حطوا علينا اكس
ان ما انكر انه النقل لايف ما كانت فكرة ناجحة بس الشطارة انك تأقلم نفسك مع الوضع و شغله ثانية انا اللي ضايقني اسلوبه معاي لأني انا موظفة و قاعده اؤدي عملي مثلي ما انت موظف
و بعدين عيب و اكبر عيب انك تصارخ علي و ان بنت ، بس انا سمعت انه عادي المخرجيين يزفون المذيعات
بس مو انا
هذي كل السالفة و خلاص قررت يا قناة الوطن اني ما احبكم مثل ما كنت احبكم قبل

9 comments:

عين بغزي said...

للاسف بعض الي يشتغلون في مجال الاعلامي دائما مايكونون بلا ذوق وبلا رائحه وبلا عقل للاسف والبعض هذا يعكس الصورة السوداء

Zabo0o6a said...

وااي شنو هالقلة الأدب وبعد فوق شينهم قوات عينهم والمعدة داقة أنا منج اعطيها كلمتين بالعظم عشان تتعدل

Anonymous said...

eeee ana shift elnaqil live oo estaghrabt shlon elnadwa shaqala oo ehya maska il mic oo ethee3 !!! 7atta gilt la ymkin el mic mafeh sot or mwassal eb wire !! bs sedamteeeneee! oo el mukhrej galeel adam oo 3omoman ile3lam killa moo mustawa fa 3adi atwaqa3 minhum :)
MeMe

New Bride said...

عين بغزي : اي و الله انا انصدمت بالذات انهم من قناة الوطن توقعت دايما انهم بروفيشنال .

zaboo6a: و الله انا من الناس اللي عقب السالفة اتحسف اقول جان زين قايلة جذي و قايله جذي .

MeMe:ohwaa 3adee y9eer nagel life chthee bas lazem mn mkaan b3eed mo jdaam el awadem

ee walah elwa7ed ytheeg khliga mn elnas ele chthee

Ra-1 said...

ههه ضحكتيني على سالفة الطقاقات
آنا نفسكم بالليل أصير حدي نشيطة!
والصبح نوم :)

شلون يسوون إزعاج وفي أحد قاعد يلقي كلمة !!
وعيب يصرخ عليج صج ما يستحون :/

Sn3a said...

لاتحبينهم
شهالوقاحه منهم صراحه

المهم يعطييج الف عافيه
ولا تزعلين ولا تكدرين عمرج
مو كل الناس ذربين وبروفيشنال
عادي لازم بالدنيا نقابل جميع الاشكال والبيئات

Anas said...

Hello,

A Kuwaiti blogger FourMe is suffering from Hodgkin's Lymphoma, a form of cancer.

A community of bloggers have put effort to create a website for her.
http://www.pray44me.com

It would be a great gesture if you can post about her website where people post prayers and give support to her.

We have no idea who's prayers are going to be answered. Please spread to the word, help FourMe fight cancer.

Thank you,
Anas

habbosh said...

ana kint mawjooda o ya36eech el3afya i saw u o maby akoon ebmwgfech sara7a mo5rej kan em3arrig o ey5ar3 o sara7a 7araka `3eer mwafaga foog kil hatha elmothee3a sakka athoonha wala chinna fi nas yamha
elga3a kanat s`3eera o matestaw3eb nagil live or she picks the right time sara7a kan fi wagt gabil la yabdy elmo2tamar bas ya36eekom el3afya 5ooosh mo2tamar johd mashkoor 3aleeh

Ra-1 said...

Yalla write a new post!