Shocked by The dancing boys Bacha Bazi

The thing that I am going to post about is going to shock most of u the way I got shocked last night .

I was in my place after hanging out with my kids (Mom & Dad ) yah they r my children now :) as long as I don't have any children to take care of , I will take care of them :)

Relaxing in my living room with my laptop youtubing , a video really got my attention , it called " The dancing boys of Afghanistan " , Afghan journalist returns to his native land to expose a cultural practice that has been brought back by powerful warlords, former military commanders and rich businessmen. Known as "bacha bazi" (literal translation: "boy play" or boy without beard)

This illegal practice is to take street orphans and poor boys, some as young as 11, whose parents are paid to give over their sons to their new "owners or masters ." The men dress the boys in women's clothes and make up them and train them to sing and dance for the entertainment of themselves and their friends in huge gathering and sometimes in weddings 2 . According to experts, the dancing boys are used sexually by these powerful men.:(

God that`s sad , in YouTube there r lots of related videos of that kind of parties or mazars as they called that places ,showing how entertained r those monsters , I felt sorry for those boys , all of them so weak to rebel against their masters , cus if they do they will be murdered . you can watch the movie here :

http://vimeo.com/11352212
that was disgusting , and I couldn't stop thinking about that subject .

What I want to say , that God is giving us some blessing that we take by default , such as Security and peace of mind . we keep complaining about the situation of Kuwait , we have negative thoughts about our future here , people are thinking only about themselves , MPs shputing , screaming and acting like kids , welkil mo 3ajbah el7al !!

Thank God for everything we have , Alf el7amdelaah 3la ne3mat el amn wel aman .

Those boys could be anyone of us , could be our children and brothers . bas el7mdealah e7na 3aysheen ba7san 7al . From now on , my prospective to my life is going to change .

تلفزيون الوطن .....زعلتوني

رديت للكسل مرة ثانية و ما قمت اكتب و انا قلت اني برجع اكتب كل يوم

انا اعترف اني اكثر وحده كسلانه بالعالم ترى و الله مرات اتمنى انه في شي اسمه بيات شتوي حقنا

او انا و رفيجتي جم مره فكرنا ، احنا نحب الليل و انا بالذات نشاطي يصير بالليل و الصبح عندي ازمة

عشان جذي قررنا انه احسن وظيفة راح تكون لنا انه نكون طقاقات بالعروس :) لووول عشان احنا ما عندنا مقومات مطربات هاليومين فكرة الطقاقات عجيبة

نوم الصبح ما نقوم الا الظهر نسوي شعورنا و نروح العرس نغني جم اغنية و نقبض لنا جم فلس و بس

لووووول

المهم ارجع حق العنوان

قبل جم صار عندنا برنامج بالدوام و في يوم الإفتتاح كل طبعا القنوات الفضائية موجودة ،مشالله الحفلة كانت خيال و راقية و كل شي اينن

يعطيهم العافية قسم الإستشارات و التدريب ب كلية البنات الجامعية

انزين انا ليش مو قادره اقول السالفة الأصلية ؟؟؟؟؟؟

طبعا قناة الكويت الأولى الوطن كانوا موجودين ، انا اموت عليهم و المذيعة اللي احبها فاطمة بو حمد تشوق و كنت بصور معاها بس بعد الموقف اللي سوه فيني خلااااااااااااااااااااااااااااااااااااااااااااااااااااااص ما رح احبكم للأبد

اول شي كانوا معصبين و مو عاجبهم شي ، المخرج اخ اسمه علي قالي انه يبي يسوي لقاء مع مدير الجامعة و طبعا ما كن عارف منو مدير الجامعة ، بس ما صارت فرصة لأن الريال وصل القاعة و قعد و قلتله اذا تبي تسوي لقاء يالله الحين فرصتك قبل لا نبدا الحفل لأن قاعدين نوزع حلو و قهوة

طبعا ما رضى قالي لازم يوقف و عشان الإضائة

انا طبعا بقلبي لا يمكن انا ارجع اقوم ريال كبير من مكانه عشان سواد عيونك

المهم بدت الحفله : النشيد الوطني ، القران الكريم ، كلمة عميد الكليه و اتفاجأ بلإخت الجميلة (عاد صج جميلة)فاطمة بو حمد بنص الصالة تطربنا بصوتها العالي و تنقل لايف

امبيييييه في كلمة و صوتها عالي و جنهم بعالم بروحهم

رحت اكلمه و نطرتها لين خلصت تصوير جان اقوله بصوت خفيف خلاص لو سمحت لا تصور الحين جان يفتلت علي و يصارخ شحقه يايبينا اذا ما تبونا نصور و انا قاعده اقوله بصوت واطي و ما اعتقد سمعني قصر صوتك و رد يصارخ علي

انا ما قدرت اتحمل انه شخص يكلمني بالطريقة هذي عطيته ظهري و مشيت

الصراجة ما كان واجهة حلوة و المشكله طلعوا زعلانين و المخرجة مادري المعده داقه معصبة و اتوقع حطوا علينا اكس

ان ما انكر انه النقل لايف ما كانت فكرة ناجحة بس الشطارة انك تأقلم نفسك مع الوضع و شغله ثانية انا اللي ضايقني اسلوبه معاي لأني انا موظفة و قاعده اؤدي عملي مثلي ما انت موظف

و بعدين عيب و اكبر عيب انك تصارخ علي و ان بنت ، بس انا سمعت انه عادي المخرجيين يزفون المذيعات

بس مو انا

هذي كل السالفة و خلاص قررت يا قناة الوطن اني ما احبكم مثل ما كنت احبكم قبل

يا بو فلان ,,,يا بوفلانه

من الأشياء الغريبة اللي مرت علي بحياتي و لا زلت اتسائل عنها و لم اجد لها اي تفسير الى الآن :)

هاهاها مادري شفيني على اللغة العربية الفصحى

المهم انه من يوم كنت صغيرة لي الحين عمري ما سمعت امي تنادي ابوي باسمه !! تناديه بوفلان او بابا بس اكثر شي بوفلان ،لدرجة اني مره اتصل رفيج ابوي على تليفون البيت و قطيعة ايام اللي لما كنت صغيره يقولون لي ناد ابوك !!اوووف ما يفرقون

المهم دق الريال جان يقول وين فلان ؟؟قال اسم ابوي جان اقوله النمرة غلط !!انا ادري انه اسمي فلانه فلان بس مادري انه هذا اسم ابوي لأني ما سمعت امي تناديه

انا مستغربة لأنه امي موظفة و ناشطة تربوية و ابوي بعد تربوي يعني نوعهم يروحون مؤتمرات و وايد عندهم انشطة و لويه و ناس عمليين لكن امي ما تناديه باسمه !!! قعدت افكر و سالت رفيجاتي اللي اهلهم من جيل اهلي و امهاتهم نفس مجال عمل امي تقريبا بعضهم قالوا نفس الشي

قعدت افكر ،هل راح ايي يوم و ما اناديه باسمه ؟؟؟ لا لا مابي ،مو قلة احترام و لا اني شايفة نفسي عليه بس احب اناديه باسمه ،يمكن الجيل اللي اكبر منا عندهم هالشي احترام للرجل ،بس بالنسبة لي راح احس اني حطيت حاجز بيني و بينه

و انا ما احب تكون بيني و بينه حواجز و احب اكون على طبيعتي

بس قاعده افكر شي بروح بيتنا و بحن على امي انها تنادي ابوي باسمه لووووووول بضحك واايد

برنامج المراة و التنمية الأول حياكم :)

wedde arj3

الله من زمان ما كتبت

و احس اصلا مافي احد قاعد يقرا مدونتي الحين

حتى ج اليوم قالي لازم ترجعين تكتبين

وايد اسباب ملهيتني اولها اني من صرت من اصحاب

BB

و لاهية فيه

ادري اني متأخرة بس و الله مستانسة :) وايد عجبني التواصل حلو فيه ووايد قربني من ناس

بس استنتجت انه ال بي بي يصلح حق البنات الصراحة

شغله ثانية

حسيت انه وايد ناس من اللي اوائل الناس اللي كان عندهم بلوقات وقفوا

ليش ؟؟؟ اكتشفت انه البلوقات اللي اكثر انتشارا صارت اللي تنشر اعلانات و دعايات و حتى شغلات من اليوتيوب او ايملات

و اعتقد مو هذا الهدف الرئيسي من البلوق صح ؟؟

the blog is an online diary , a place where you can express yourself , or if u have business it can be great way to promote about yourself and receive comments .

طبعا لي الحين في ناس ابداع و ما زلت اقرأ لهم . طبعا ان مو من حقي اني اقييم الناس لكن هذا رايي الشخصي

انشالله انشالله راح ارجع اكتب لأني انا احب الكتابة :)

:)

و الحين قاعده اشوف سمية الخشاب ب

lbc

ومنصدمة من المقابلة هاهاهاها