الرجال ما يترس عينهم الا التراب

طبعا من اول شي ترى مو قصدي اعمم انا قصدي البعض (لا انطق اليوم)لوووول

و سامحوني انا بالبوست هذا ما راح اكون انا راح اتحول الى عيوز صج صج صج ابي اتحلطم

شنو الشي الي بط جبدي و ذبحني؟؟؟

احد عنده كل هالجمال اللي كلها ملح و قبله ، هالزين و هالجسم و هالضحكة ،هالطينة الخفيفة اللي تسرسح على القلب ،

يا زينج و الله

تخيلوا اللي ما يستحي على ويهه و لا ينتخي و لا فكر هذي بنت حمولة ،يهدها و يخونها

انت ما شفت شكلك اول شي ؟؟؟ لا لا لا صج صج ما شفت شكلك ؟؟ و انا مادري اهيا شتبي فيك اصلا

و طالع الحسينة اللي عشانها خنت هالمزيونة اللي عندك

عشان هذي ؟!؟!؟!؟!؟ قطيييييييعة تيييب الحارج

ابي افهم ليش ؟؟؟ خنت حيلي حضرت الأوسكار شزينها و شحلوها و محد يدري شنو بقلبها واااااي سنعة سنعة هالبنية و الحلو عاد قدم اعتذار و يبي يرجع لها ؟!؟!؟!؟لا و الله وين تصرف الإعتذار ؟؟؟؟؟

جان زين اقدر ادق عليها و اقول لها لا ترجعييييييين يا بنية خل يولي و لا تردين له مو كافي بعد قلبي قاعده تربين عياله ؟؟؟

لا لا لا حبيبتي لا ترجعين الله يخليج و الله محد يضيع ،دام عندج وظفيتج و معاشج بيدج و الله منتي محتاجة واحد مثله و افا عليج الف واحد يتمناج ،بالكويت بس الف واحد

PLease Sandra don`t take him back

بعد ما خلصت التحلطم ابي اسولف عن هالموضوع

ترى وايد شفنا ووايد سمعنا عن ريايل خذوا على زوجاتهم او يخونون مع بنات مستواهم دايما يكون اقل من مستوى زوجاتهم او مختلف

؟؟؟ شنو السبب ؟؟ ودي القى تفسير ؟؟هل انه يكون متملل ؟؟ مادري

خل الملل انا اللي يحرني انه زوجته تكون نظيفة و سنعة و بنت ناس تلقينه يروح يتزوج وحده هلاقه او جيكره او اسفة على التعبير وصخة ؟؟؟

ليش

لماذا

Why ???

طبعا ساندرا انا من زمان معجبة فيج بس الحين حبيتج اكثر يا بعد قلبي