Sunday, March 07, 2010

مدرسات الزمن الأغبر

اسفة ان كان هذا البوست راح يضايق بعض الأشخاص لكن خلاص طفح الكيل :P
حدي مشتطة و متأزمة من الحال اللي وصلو له مستوى المدرسات اللي المفروض انهم يكونون هم القدوة و المثل الأعلى للطالبات
يكونون هم المرجع اللي ترجع له الطالبة و تثق بكلامهم ، لما كنت انا بمقاعد الدراسة كنت وقتها اسمع الناس الكبار يتكلمون ان بايامهم التدريس شلون كان و شلون كان وضع المدرسات و المدرسين هذا و انا من جيل الثمانينات اللي الدنيا كانت نوعا ما بخير ، بس الأزمة الحقيقية اللي قاعد يصير بمدارسنا الحين ، طبعا انا ما اعمم وايد مدرسات و النعم فيهم لكن الأغلبية ازمة الصراحة .
شنو اللي خلاني اتكلم بالموضوع ، موقف الصراحة يضيق الخلق ، بنت اخوي ب رابعة ابتدائي اختاروها الكتوتة انها تحضر مخيم في احدى الدول الخليجية ، البنت وايد شطورة و مشالله هابة ريح ووايد متاثرة بأمي من ناحية الحركة الكشفية و حركة المرشدات بحكم انه امي كانت موجهة عامة سابقا .
المهم من التجهيزات للمخيم ان الطالبات المرشحات ايمعون معلومات عن الدولة الخليجية اللي بيروحون لها و طبعا افضل قسم قسم الإجتماعيات اللي على ايامنا كانوا احسن ابلات و اكشخ ابلات و ريحة غرفتهم كله بخور .البنات راحوا و سألوا ، تتوقعون شنو الرد ؟؟؟؟
صار ضحك و قالو لهم اي هالدوله ديرة التيوس -حشاكم-و شيخهم التيس العود اللي لازم يسوي ريجيم !!!و الله العظيم من صجهم هذيل ؟؟؟ البنت يتنا البيت و عبالها انه صج هذي معلومة
ابي افهم شنو هالمستوى ؟؟ و شلون هذيل مدرسات ؟؟؟ ما درسوا شلون يتعاملون مع الطفل ؟؟ و الا بس داشين التدريس عشان الراتب ؟ انا اختي مدرسة و تقول انه لما كانت تدرس بالتربية انصدمت من الأسباب اللي معاها ليش بيصيرون مدرسات
في فئة من المجتمع داشين التدريس لأنه اهلهم مو راضين انه يدشون الجامعة عشان الإختلاط ، و في فئة عشان الراتب اقوى و الإجازات ،و في سبب الصراحة صدمني ان في عوايل عندهم المدرسة مهرها اكثر من الموظفة العادية !!!اذا هذي اسباب الأغلبية شنو نتوقع من مستقبل الطلبة اللي يدرسونهم هالفئة من المدرسات ؟؟
الله يستر و الله و الصراحة لازم يلقون حل لأن مو كل الناس تبي تدخل عيالها مدارس خاصة الصراحة او تقدر انها تدخلهم شلون الحل ؟؟
انا الحل اللي عندي و الله عاجبني بس يوم قلته ما عجب وايد ناس ادري انه مو واقعي بس لو تصير وظيفة التدريس مختلطة و الله احس الوضع يصير احسن مو قصدي شي بس الناس اللي صج يبون التدريس راح يدخلون مو السبب انه بس مجتمع نساء فقط
الله يستر من الأجيال اللي بتينا و الصراحة انا ما الوم وزارة التربية الوم الناس اللي ما تخاف ربها و اهما عليهم مسؤلية كبيرة و ربهم يحاسبهم على كل كلمة
i Love this peom and i would like 2 dedicate it to all my teachers in Mishref High School class 1995 , especially English major teachers :
Mrs. Wafaa Alm3ele
Mrs.Manal
Mrs. So3ad
صج كانوا يدرسونا بضمير و باسلوب راقي اللي لي اليوم و احنا مو قادرين ننساهم
و الله يعين الجيل اليديد على مدرسات هالزمن
Why God Made Teachers
By Kevin William Huff

When God created teachers, He gave us special friends To help us understand His world And truly comprehend The beauty and the wonder Of everything we see, And become a better person With each discovery.
When God created teachers, He gave us special guides To show us ways in which to grow So we can all decide How to live and how to do What's right instead of wrong, To lead us so that we can lead And learn how to be strong.
Why God created teachers, In His wisdom and His grace, Was to help us learn to make our world A better, wiser place.

8 comments:

Fati said...

ya36eech el3afia oo kalamech 3adel lel asaf ooo el7mdella enna kena men jeeel thani oo thakartini b ablatna oo nsetee wafa lejrewee ... hahahah walla kanaw shy .. allah yathkerhom bel kheeer

Nikon 8 said...

ما أقول إلا لا حول ولا قوة إلا بالله
وعيب هذي التصرفات والكلام يطلع من مربيات الأجيال
!

Sn3a said...

من صجج
والله مو مستوعبه ولا قادره اصدق مستوى مدرسات بالانحطاط والحقاره

صج انها ماتستحي


مادري عن شنو ابدي
عن مستواها المنحط
ولا اسلوبها الردي
ولا رايها الحقير بديره خليجيه خلال كذا سنه بتصير من اول الدول الرياديه والمتقدمه بالخليج


بس الشرهه مو عليها
على اللي خله المترديه والنطيحه تدش كليه التربيه وهي من اكثر الكليات حساسيه لانها تطلع اجيال

امبيه انا بالمدرسه عمري ماشفت مدرسات قطو جذيه كلام


انا اقول لازم هالشي ماينسكت عنه
عشان تتعلم هذي اللي شكلها ابوها ولا ريلها دششها تربيه غصب عشان لاتختلط بالرياييل وتخترب اخلاقها الرفيعه جدا


سوري بس جد عصبت ماحب احد يغرس باليهال استحقار وعدم احترام الناس او الدول

Hope said...

OMG!!!
من صجج جذي قايلين حق البنيه؟
وين قاعدين
بس تدرين .. عادي.. توقعي الغير متوقع

صج الوضع في وزارة التربيه صاير مو شي
عيل شتقولين لما اقولج مربيات الاجيال يجذبون و غيره و غيره .. يعني عادي الابله تقول شي و بعدين تطلع البنات اللي بالصف كلهم جذابين و فاهمين الموضوع غلط
شلون يسمونهم مربيات اجيال مادري
مستواهم وصل لدرجه ما كنت اتخيلها ، اتكلم عن البعض طبعاً
و مثل ما انتي عارفه نصهم ما يدوامون .. مرضياتهم شكثرهم و ياليت صج مرضى.. الي بتسافر و اللي بتروح الشاليه .. انزين يعني انا بس بفهم معاشهم شلون يحللونه؟

و يقولون ليش منتشر الفساد بالديره
من شاف التعليم و شلون قاعدين يربون الاجيال القادمه ما يستغرب

Miemie said...

Honestly, it frustrates me to think where i will educate my kids and i am not married yet! i always hear stories about bad and lousy teachers in both government and private schools...
The problem isn't the school, the problem is the teachers themselves who dont realize their responsibilities and how honored they are to be educators :(
Allah yakfena shar ely ma7subin 3ala mehnat el tadrees !

RuBY_GLooM said...

:( wa3alaya 3ala 3yalna ...
bs atmanna hal mowthoo3 yo9al el jarayed..

Anonymous said...

شتقولين بس المدرسات ؟ كل شي تغير وين راح زمن اول انا بعد من جيل الثمانينات اتمنى ترجع ايامنا براءة البنات احترام المدرسات كل شي كان له هيبته حتى الصداقة كان لها طعمها ويييييييييييييييه قلبتي المواجع

Anonymous said...

wai ya 7ELOWHOM 9EG kanaw 3ASAL
3ala qlobnah ow 5alaw ledrasah gaw thany Alla ya7Fthhom ween ma kanao :)