في طريقي الى العمل و انا متاخرة كالعادة :) طلعت لي علامة غريبة بسيارتي ، و بما انه علاقتي بالسيارة اني بس اعرف المسجله ،التكييف و الفتحة ما عرفت شنو اهي العلامة ،على ما وصلت الدوام طلعت الكتالوج و قعدت ادور شنو معنى العلامة المهم طلع لي انه شي بالتواير
انا اول ما خذيت السيارة من 3 سنوات سمعت الريال يقولي انه التواير هاذي نوعها ما تبنجر عشان جذي السيارة ما فيها سبير و ما فهمت شنو قال طبعا لأني ما اركز بهالأشياء
المهم دقيت على ج و قلتله تعال مادري شفيها السيارة خذى السيارة ووداها الوكالة ،اهو من زمان يقول لي لازم تواير سيارتج تتبدل صارلهم مده ، و انا شوي مطنشة الموضوع لأنه على كلام الريال انها ما تبنجر
المهم اللي فهمته انه نوعهم اسمه
flat madree shno
و تبديلهم راح يكلف 400 دينار تقريبا غير التركيب
صدمة
بالنسبة لي كبنت ما اهتم بالسيارة و لا شنو فيها
ال 400 دينار ما يسوى اصرفها على تواير لأن في وايد اشياء بالدنيا حلوة اقدر اصرفها عليها مثل
سفرة دبي يوم واحد
Marc Jacobs Bird Cage Bag
the price:378 K.D 
Loubies eshawgoon
Price : 336 K.D
ووايد وايد اشياء اذا بدور راح اتعب ، و تبوني اصرفهم على تواير !!لأ لأ لألأ
طبعا الريايل ما يعجبهم هالكلام
مثل ما احنا البنات ما تعجبنا سوالف السياير
المشكله انه انا و رفيجاتي كلنا هالشهر عندنا مشاكل بالسياير
بس انا تعديت عليهم بالمبلغ
و بعد لأن مشالله علينا وايد فطانة و احنا نسوق ،مصافط دوامنا عباره عن عواميد و مظلات
اكتشفنا كلنا انه احنا كل يوم ندعم العواميد و مو حاسين !!!مادري شلون و الله ما نحس بس القى الوان على سيارتي
المفروض شركات السياير يفهمون انه احنا عندنا وايد اشياء اهم !!
المهم سوينا السيارة و الله يستر ما يطلع لي فلم ثاني فيها
16 comments:
haha wow, i love those shoes and the bag! I'd definetly spend the the 400 on them not the tires :P
same here
ana sayarti 500 kd hal shahar ;(
التواير سلامتهم من سلامتج
:)
عليج نووور
اهو اقصاه كوشات مطاط شكو هالغلا كله
انا عيل كل ما طقيت الرصيف بجيبي يوني الريايل و يزفوني -طاقة الرصيف؟ هاا شدراكم؟ طالعة صعرورة بالتواير!-
صعرورة؟! من صجكم؟
الجيب مو يطقون فيه الرصيف أساسا؟
بعدين اعتقد هم السعر يفرق على محيط الرنق... كل ما كان كبير كبر السعر
فراغة!
سلامتج اهم
شنو سيارتج ؟
looool
elmohim ur safety o kil shy thanee magdoor 3alaih :)
loool walla ana tfkeree nfsech eb 9ara7a
bs aham shy salamtch
وبالله إذا بنجر التاير (اخترب) بتحطين المارك جيكوب ماكنه لين توصلين البيت
سلامة السيارة.
بس ترى التواير شي أساسي ومو حسافة يقط الواحد عليه لأنه قاعد يقط على سلامته.
سوري على اللقافة بس شنو نوع سيارتج؟ لأنه أول مرة اسمع بهانوعية من التواير... وعجبتني السالفة يمكن اروح اشتري نفس سيارتج :P
F.J.Bliss : hehe yeeh 7adda , walah at7saf
Nemo : waaay alaha y3eenich i hate it
Nikon 8 : الله يسلمج حبيبتي :) بس و الله مو هالمبلغ
Danderma : و الله ونااااسة عندج خبرة رنق و مادري شنو لووووول اي و الله كلهك مطاط
anon: BMW
Engineer A : loool thanks dear
Sn3a : alaah yslmich dear
fahad al Askar : e7m e7m haaa , 9a7 klamil
bas-kuwait : ana sayrte bmw
و التواير بريجستون اعتقد موجودين حق كل السياير
خراب السيارات ما يطلع الا وقت المعاش
مادري ليش الطاهر السياره تشم الريحه لوووول
شكرا :)
This post totally make sense!
i so don't get the whole car obsession guys have..
and the shoes *Drooool*
loool! sej saketay 3ala kel meshakel el sayaraat ;p ana mara we9alat mu5alfaaty 200 KD .. met! 400 KD !! maku discount 7ag el banat ;p
Allah y3eench :*
اهم ما عليج سلامتج
بس صج وايد :>
معوضين خير ان شاء الله :>
والله اختي اذا تبين الصراحه سيارتج اولى من دبي وجنطه وكعب
لأن لازم اتحافظين على سلامة جسدج الله يلايقول لو صارلج شي على الاقل بتحسين ان فلوسج ماقطيتيها على الفاضي
لكن جنطه شكثر بتلبسينها مردج بتملين منها والكعب نفس الشي
لكن السياره هاذي بضل عندج فتره طويله وحلو الاهتمام فيها
الله يحفظج ان شالله
akeed sayartech bmw... nafs el 7aala lool met7asfa abadel il tuwayir ana ashoof ina maafeehum shay!
Post a Comment