Wednesday, January 27, 2010

400 K.D بالنسبة الى فتاة

في طريقي الى العمل و انا متاخرة كالعادة :) طلعت لي علامة غريبة بسيارتي ، و بما انه علاقتي بالسيارة اني بس اعرف المسجله ،التكييف و الفتحة ما عرفت شنو اهي العلامة ،على ما وصلت الدوام طلعت الكتالوج و قعدت ادور شنو معنى العلامة المهم طلع لي انه شي بالتواير







انا اول ما خذيت السيارة من 3 سنوات سمعت الريال يقولي انه التواير هاذي نوعها ما تبنجر عشان جذي السيارة ما فيها سبير و ما فهمت شنو قال طبعا لأني ما اركز بهالأشياء







المهم دقيت على ج و قلتله تعال مادري شفيها السيارة خذى السيارة ووداها الوكالة ،اهو من زمان يقول لي لازم تواير سيارتج تتبدل صارلهم مده ، و انا شوي مطنشة الموضوع لأنه على كلام الريال انها ما تبنجر







المهم اللي فهمته انه نوعهم اسمه




flat madree shno







و تبديلهم راح يكلف 400 دينار تقريبا غير التركيب









صدمة






بالنسبة لي كبنت ما اهتم بالسيارة و لا شنو فيها




ال 400 دينار ما يسوى اصرفها على تواير لأن في وايد اشياء بالدنيا حلوة اقدر اصرفها عليها مثل













سفرة دبي يوم واحد










Marc Jacobs Bird Cage Bag


the price:378 K.D
Loubies eshawgoon


Price : 336 K.D

ووايد وايد اشياء اذا بدور راح اتعب ، و تبوني اصرفهم على تواير !!لأ لأ لألأ

طبعا الريايل ما يعجبهم هالكلام

مثل ما احنا البنات ما تعجبنا سوالف السياير

المشكله انه انا و رفيجاتي كلنا هالشهر عندنا مشاكل بالسياير

بس انا تعديت عليهم بالمبلغ

و بعد لأن مشالله علينا وايد فطانة و احنا نسوق ،مصافط دوامنا عباره عن عواميد و مظلات

اكتشفنا كلنا انه احنا كل يوم ندعم العواميد و مو حاسين !!!مادري شلون و الله ما نحس بس القى الوان على سيارتي

المفروض شركات السياير يفهمون انه احنا عندنا وايد اشياء اهم !!

المهم سوينا السيارة و الله يستر ما يطلع لي فلم ثاني فيها



Sunday, January 24, 2010

The weekend of Mission Impossible:





This is the only title I can give to my preceding weekend : The Mission impossible , I am not a morning person , so waking up early in the morning is considered as a hard task to me , what makes it harder is waking up on weekends . My girls decided that we r going to have breakfast on Friday .


when Shosho called me at 6 : 20 a.m , the only thing that I had in mind that I am going to skip and tell her that I couldn`t make it , once I heard her voice that full of energy and happiness ( mashalah ) , I thought that I will never let her down , so I dressed up waiting to them to pick me , and we headed off to Fahahel : ) we lost the directions to the place and after couples of phone calls we found it : The Early Bird !! God what an astonishing place that makes u feel that u r not in Kuwait , had the best American breakfast ever , nice atmosphere , the place is so tiny but it cozy at the same time , loved it so much , God where r we ?? why we r wasting our time sleeping in weekends ??? mashalah the place was full , of course all of them were non- Kuwaitis , cuz we “Kuwaitis “ r sleeping .

After we were done , it was still early in the morning : ) God wansa , we went to Almanshar , e thought of going to the spa but it was early in the morning and we were 5 so they don`t have enough staff :) we had some coffee at the library lounge , after that , khla9 the only thing I am thinking of is Bed .

It was a great adventure for me and I am glad I did it and didn`t waste my time sleeping in bed at least at that day .

I remembered later that am going to have lunch with Granny , so couldn`t sleep well , I had a appointment at Nail polish I colored my nails with the :


"Here today ,,Aragon tomorrow"




eyaanin eloon even though at work today I guess they didn`t like it but they didn`t tell .


So after all my weekend kan eyanin o waayed 7abeeta . the conclusion :

I am Happy

p.s : i : ll post some photos when i got back home !!


Sunday, January 17, 2010

اي و الله شعلى الناس مني

مزاجي اليوم

شعلي انا من الناس و شعلى الناس مني


Tuesday, January 12, 2010

خواطر "مشرفية"بممشى مشرف

this image is by flicker biker
(الممشى كما اراه في عالمي)
منذ فترة قصيرة قررت ان ارجع امشي ، علاقتي مع الممشى هي علاقة متقطعة ، اهب فترة و اوقف ، في هذه المره رجوعي للمشي رجوع مختلف ، من اول خطوة اخطوها ادخل في عالم اخر غير عالمي و لذا فأنني بدات استمتع ، لا اهرب من واقعي و لا من حياتي فلا يوجد فيها ما يدعو للندم و الهرب الحمدالله ،و لكني استمتع ب لحظات اعيش فيها عالما غير واقعي.



ممشاي هو (ممشى مشرف )و هي مشرف مسقط رأسي ،اذا كان الناس يتكلمون عن جذورهم و اماكن ولادتهم فأنا في قرارة نفسي

"مشرفية"


اضع الآيبود المحمل بمختلف انواع الأغاني فذوقي غريب احب كل اغنية حلوة و ممكن اهب باغنية محد يحب يسمعها ،اشغل الأغاني و اخطو خطوتي الأولى و ادخل بوابة عالمي الخاص



عالمي الذي ارى نفسي في طفولتي ،ذكرياتي في هذه الفترة من حياتي ،كانت طفولتي هادئة جدا لا يوجد بها اكشن و لكني تمر علي اجواء غرفتي و العابي مسجلتي التي كنت اسجل بها صوتي اقرأ مقالات "هل تعلم "من مجلة ماجد كنت عايشة الدور اني مذيعة .


و تبدا اغنية


أستكثرك وقتي علي غدابك
عادة زماني كل ما طاب هون

ليت الذي وداك يازين جابك
يشوف عقبك كيف الأيام سون

شرق مشيت وغرب وقتي مشابك
والقلب ماله لايمن فيك لو أن

طويتني طي الورق في كتابك
حتى معاليق الحشا لك تطون

أشتقت لأيام الهوى في جنابك
يوم الشموع بليل الأحباب ضون

وأشتقت أقول لهاتفك مرحبا بك
وأشتقت لغيوم الصحاري تكون




انتقل الى فترة مراهقتي وااااااااااااااااااااااااي اكرهني كنت اعتقد اني جميلة و اريد لفت النظر لكن الحقيقة مرة ها ها في فترة مراهقتي في بداية التسعينات اللي ما زالت قوانين الأهل و الأم ماشية ، كانت البنت الي تصبغ شعرها عندنا وااااااااااي جريئة لم يكن مسموحا لي بعمل اي عمل بالصالون لأن عيب في اشياء الوحده ما تسويها الا لما تتزوج و الحمدالله هذا القانون ما طول لووول ما كان عندنا اي وسيلة اتصال اخرى

غير تليفون البيت و بعد جم السنة طلع البيجر اللي كان عند مجموعة معينة من البنت و ب قانون اهلي ممنوع




طلعت لي هالأغنية


ما وحشتك يا حبيبي

بعد هالغيبة الطويلة

و الا شايف هاليالي

اللي بعدناها قليلة

ما وحشتك




بعدها احلى سنين حياتي بدت من مرحلة الجامعة ،العمر :18 الوظيفة : طالبة جامعية ،الحياة :اكتشاف عالم اخر :) ما حطيت موبايل الا مع السيارة :)و على ايامي توه طالع بشار واااي من صج قمت اقول ايامي


كبرت و الحمدالله الشكل تغير 180درجة عن فترة المراهقة و صج احلى ايام العمر ،الجامعة ،سوق شرق ،نينو،ستاربكس شرق

قمة الشباب و قمة الحيوية :)و بس تمر علي حياتي لين وصلت 25 سنة و تغير المود



اديش كان في ناس

عل المفرق تنطر ناس

وتشتي الدني

، ويحملوا شمسية

وانا بايام الصحو ما حدا نطرني




الخمسة و عشرين ،نضوج بالتفكير و تحول غريب بلإهتمامات بعدها بسنة دخلت عالم ثاني و هو عالم زواجي ، ما ندمت اني ما تزوجت

صغيرة ،كان العمر المناسب و الوقت المناسب و الشخص المناسب









اقل من سنتين و ادخل عالم اخر ، عالم الثلاثينات باذن الله ،ما انكر و اعترف خايفة ،خايفة اكبر و صج مو متقبله فكرة اني كبرت

احب البس بس مابي احد يحاسبني و يقول هذي من صجها لابسة جذي ؟؟ احب استانس و احب اطلع بس مابي افكر اني كبرت و ما اقدر اسوي هالشي


راح استانس وايد اذا احد قالي انه ما يبين علي انه عمري 30



سبحان الله السنين تطوف و الإنسان ما يحس فيها ،و مادري هل راح يحوشني هوس ؟؟ راح اسوي تجميل ؟؟ راح استخدم بوتكس ؟؟


ليش هالتفكير ؟؟؟



طلعت الأيبود


و بسرعة Shuffle


ابي اغنية تحسسني اني لي الحين


بنت التعش









Saturday, January 09, 2010

اي نعم بتغلى

نعم قررت اني راح اعلنها حمله
راح اتغلى
و ما راح ارجع بكلامي و راح امسك نفسي
شنو يعني اروح ابي اقعد مع امي و ابوي قبل لا يسافرون يهدوني و يطلعون ؟؟
و ليش احس اني انا الوحيدة المشتطة على الوداع و حالتي حاله يكشتون فيني ؟؟
ليش ليش ليش يعني
انني زعلانة زعلا شديدا و قويا
(هذا و انا البنت الوسطية و عندي اخوان و اخت و جذي دعلة الله يعين لو كنت وحيده )
انا اكثر وحده دايما احن عل امي و ابوي انهم يسافرون و هذي سفرتهم كل سنة بنفس الوقت يروحون القاهرة
كله اقنعهم انهم يستانسون لأن ما عندهم اي مسؤليات بالكويت كلنا مستقرين و متزوجين و اخوي و زوجته بالبيت
عشان جذي ابيهم يرتاحون
بس بنفس الوقت انا اكثر وحده تحوشني ازمة !!احس اني ضايعة و ما عندي مكان و يضيق خلقي حدي و اتأزم
و احس محد يحبني و اني وحيده
مع انه مسكين ج تلوع جبده مني
عموما اتمنى لهم رحله سعيده و انشالله يروحون و يرجعون بالسلامة
و سؤالي
اروح لهم و لا لأ ؟؟؟
ج ما يبي يسافر ما يحب القاهره
بس قالي روحي اذا تبين
شلون اروح و لا لأ و الزق لزقه واصير ملييييييييييييييييييييييييقه حدي ؟؟؟
و لا اصمد و ابين لهم اني زعلانة ؟؟

Sunday, January 03, 2010

BBQ2010 yammmy











مشالله 3 ايام طافت و بسرعة :ّ)
خوش عطلة استانسنا فيها الحمدالله
و اخر يوم فيها
امي و ابوي عزمونا على الغدا

The 1st BBQ lunch in 2010









yamme the beef before Grilling
6ab3an mom and JJ did that





jj ga3ed ysheb elfa7am


















the salad








my plate yammmy :) kent ga3daa akel with Fayroz songs b my ipod :) 6ada 3sht eljaw





and fainally




the marshmallow dessert
i had so much fun :) and now getting back to start a new week in 2010