رسالتي :لا تحسبين حبي لج دايم ترى بعدج اكو سنين

حبيتج

من اول نظرة انبهرت بجمالج

عطيتني الفرح و عطتني الحب و عطتني الخير

ما انكر ، سولفتي معاي ، ضحكتي معاي ، ما قصرتي معاي

خليتني مو بس احبج

خليتني اموت بحبج

عشقتج

و امنت على نفسي معاج

عطيتج ثقة ، عطيتج روح و عطيتج

كل قلبي

نسيت انه كل اللي فيج مو طيب منج

كل جمالج و كل دلالج

من رب خلقج

حسبت سعادتي معاج

من طيبج و ذوقج ، من معدنج اللي ما بتغير

بس ما استوعبت انه هذي الدنيا

تغير اللي ما يتغير

و قدرت تغيرج

توعديني ، و تخلفين

تطمنيني و بعدين تنكرين

كل هذا لانج واثقة وتدرين

مالي غيرج و حطيت كل آمالي بين ايدج

من طيبي ، ما راح انسى ايامي الحلوة معاج

اي عشت احلى ايام ، و حلمت باحلى احلام

بس لا تنسين ، ترى حطمتيني في بعض الأيام

ايام تمنيت اني ما شفتج

تمنيت اني ما عشتج

تمنيت اني ما وثقت فيج

كبرت فيج مو بس سنة

كبرت فيج سنين

وتمنيت اني بس لجأت

لرب العالمين

لكني انسان طماع

يبي الخير من ربه و منج

وصلت لآخر ايامي معاج

شفت منج اللي ما توقعته

ما كفاج جرحي و تحطيم امالي

جرحتي اغلى شي بقلبي

ديرتي و اهلي ناسي

عفستينا و ما ندري شصار

بآخر شهر لي معاج

بس على فكرة

ما راح انكسر منج

ما راح اوقف و راح ارجع احب

و راح ارتاح باذن الواحد الأحد

اللي ما راح يخليني بروحي مثل ما انا ماراح ابتعد عنه

و انشالله راح تشوفين

اللي سويتيه فيني و بديرتي

يا

 "سنة "

راح تعدله من بعدج

"سنين "

هذي رسالتي حق 2009 اللي صارت فيها وايد احداث من جميع النواحي ، انا مو متشائمة و متفائلة وايد ب 2010 يا رب تحقق كل احلامي و الله يرزقني كل اللي ابيه و يعم الأمن و الآمان على ديرتنا

بس فرحتي فيها يا ج  انك معاي ووقفت معاي بكل ازمة مرت معاي و لا يمكن انسى كل التضحية اللي ضحيتها عشاني

و لازلت قاعد تضحي

احبك

و احبكم

و كل عام و انتوا بخير

من

 

Newbride

و انشالله راح اظل نيو

الى اخر رمق في حياتي :P

(اللي يقولي منو اللي قايل هالجمله راح اعزمه على حسابي حفلة راس السنة )

P.s all of u who asked me about bath & Body works , check my previous post comments , the owner Ali Al jabber answered all your question >