رجعت احلى من أول
بنيولووك يديد ، جميلة مثل ما كانت بس زيادة شوي دلعها ، صج كبرت ، لكنها بقمة شبابها ، بشرتها منورة ، صحتها زينة و انشالله
راح تصير احسن
كانت من فترة تعبانة
مكتئبة
الكل حس فيها انها ذبلت
و ناسها انقسموا نصين
نص مستانسين على الألم اللي فيها
يبونها تظل تعبانة
و يطلعون على حسابها
النص الثاني
تعب معاها
عيونهم تدمع عليها و على حالها
يدعون لها بكل صلاة
و يبونها ترجع أحلى من اول
امسكوها و خلوها توقف على ريولها
و رسموا لها طريج
كله امل و تفاؤل
و زينوها باحلى زينة
و رجعت احلى من اول
لازم الكل يحس بجمالها
حبي ديرتي الكويت
رجعت احلى من أول
...............................................................................
يعطيكم االعافية كل اللي اشتغلوا و تعبوا حق مؤتمر القمة الخليجية ، كان المؤتمر بمستوى راقي صج يلوق حق الكويت
من زمان ما شفنا شي جذي و الحمدالله وايد كنت مستانسة و الله يا حلو الزحمة و يا حلو اللوية اذا عشان ترجع الكويت
عروس
2 comments:
صدقتي والله
والحمدلله كل شي كان ناجح بداية من المطار الأميري الجديد
والمبهر حقا
مرورا بالحفل البسيط
ولكن الكبير بالمعاني
وتدشين لمشروع الربط الكهربائي
وإنتهاء بإنجازات القمة
الله يعطي العافية كل من ساهم بهذا النجاح
:)
صح لسانج
نفس احساسي
في روح جديده
في شي مختلف مادري شنو
بس ادري اني متفائله
والكويت حلوه (:
Post a Comment