انتمي لفئة طولية تميز غالبية بنات الكويت ، طولنا من 155 الى 160 و اللي تعدي ال 160 مشالله بالنسبة لنا
MOdel
سبحان الله لو كنت من بنات احد دول اوربا الشرقية لكنت شمحوطة طويلة لكن الحمدالله على اني مسلمة كويتية :)
طبعا الطول هيبة و انا ارقع حق عمري لما اقول القصيرة تشوق و ما يبين عليها الكبر
و الأهم من كل هذا انه نقدر نلبس اي كعب نبي على كيفنا
الى ان جاء اليوم اللي خذينا كلنا طراق محترم
مشالله مشالله مشالله وحده من صديقاتي بالدوام تنتمي لفئة الطوال و طوال اوروبا الشرقية مشالله عليها
دخلت علينا و هي لابسة كعب عالي مشالله مشالله مشالله لازم اقول مشاله مليون مرة لا يصير فيها شي البنت
طبعا اهني حسينا باحساس غريب و احنا رافعين راسنا و نكلمها وااااي تينن
طلعنا من الدوام و حنا رايحين المواقف جان نلقى صبة اسمنتية ركبت وحده من البنات عليها و صج و صج تقول العالم من منظور الطوال مختلف تقول اشوف الدنيا غير و حاشني غرور :)
صراحة ضحكنا وايد على الموقف و خاصة لما نزلنا و مشينا يم بعض واااي و عايشين الدور لابسيت تكرمون جواتي
Flat
صج اعتقد العالم مختلف بالنسبة للطوال و الله احس كل شي يفرق المسافة بيني و بين مسكة الباب ، الليتات لما افتحهم احس المسافة تفرق
لكن الحمدالله احس مقتنعة بطولي خاصة اني قبل لا اتزوج كنت اشوف ابوي و اخواني اطول ناس بالعالم لين قابلت زوجي و انصدمت انه اطول منهم وايد :)
بالختام ابي بس اقول
كنت طويلا ترى الوجود جميلا
و كن قصيرا ترى الوجود اوضح
من صوب الأرض طبعا
14 comments:
looooooool
انا راضية بطولي
بس أتفشل وأحس بالحرج لما أيي أسلم على وحده ممشوقة الطول وأضطر أوقف على أصابع ريولي عشان أوصل خدها المصون
تتمنين صج انج تاخذين منها لو 5 سانتي
أنا بعد انتمي لنفس فئة الطول اللي ذكرتيها
بس نسيتي تذكرين سلبيات هالفئة إنها إذا اكسبت جم كيلو زيادة راح يبان عليها بسرعه لأن أساساً مافي مساحة كافيه عشان تضيع فيه الصقله
ههههههههههههههههه
looooooool
انا راضية بطولي
بس أتفشل وأحس بالحرج لما أيي أسلم على وحده ممشوقة الطول وأضطر أوقف على أصابع ريولي عشان أوصل خدها المصون
تتمنين صج انج تاخذين منها لو 5 سانتي
أنا بعد انتمي لنفس فئة الطول اللي ذكرتيها
بس نسيتي تذكرين سلبيات هالفئة إنها إذا اكسبت جم كيلو زيادة راح يبان عليها بسرعه لأن أساساً مافي مساحة كافيه عشان تضيع فيه الصقله
ههههههههههههههههه
لووووووووول
رفعتي معنوياتي
ومثل ما قلتي
عشان نقدر نلبس كعب على كيفنا هههه
إقعد عالحكمه
عجبتني
أنا طولي زين
بس بالنسب حق وايد طوال آنا قصيره و بيتيت
أصلا وناسه
علشان اذا ما قدرتي تشوفين يشيلونج و يرفعونج فوق
:)
ههههه
أشوه آنا طولي 161 يعني من فئة الطوال
:p
الطول حلو بس ما يصلح حق الكويتيات لأن الشباب عندنا غالبيتهم قصار
LOL
بالدوام وبالجامعة لما ألبس كعب 5 سنتمتر
أكثرهم طولي أو أقصر مني!!
شعور غريب :)
أحس انه طولي زين ..مادري
بس اخير حكمة
مووووووووووو صج
حيـــــــــل اعجبتني
;p
نون النساء
اي و الله هذي المشكلة النص كيلو يفرق علينا وااااايد
لوووول
bent el deera
loooooool
اي و الله اهم شي الكعب
لا تحاتين حلوين القصار
shoosh
ايييي عاد لازم نكون ضعاف على طول :)
لووول
انا طولي بال average
يقولون شكلج جنج بالثنوية وانا متخرجة من الجامعة :/
بالنسبة حق الكعب صارلي مدة مقاطعته
صج رزة بس صرت ما البسه الا حق المناسبات
بس يالله الحمدلله على كل
بالعكس والله
انا احس القصيره اكثر انوثه وجمال
الطويله مادري كلش كلش احسها ماتجذب
اوكي انوثه بس حلاته ما تنافس الريال بالطول كلش
حلاته الكبل الريال طويل وحبيبته اقصر منه
هذا الي الكل تعود عليه
وطبعا وجهه نظر عن وجهه نظر تختلف
السلام عليكم..
طلعت اطولكم :)
انا طولي 167 وودي اطول وبالنسبه لاهلي اعتبر اقصر منهم ..
ومرسوو..
mo 7elw el6ool ele over!!!
7lata elbent 3anono ;p
looooooooooooooooool wallah sometimes I ask my self why I was born tall I want to be short like all kuwaity woman looooooooooooooool but now after reading this am so happy with my high heheehehehheh
hey its the first time ever I comment on blogs I always hear about them but never see them loooooooooooooool any way :))))I used to see my self very tall and I wanted to be short like all kuwaity girls , but not any more :) )))
Hmmm ana 6weela 6oli 172 o el7emdlah 3la hal ne3ma bas elmoshkela shabab el q8 g9a9a!!! O el9ara7a ana abi atzawaj wa7ed a6wal meni! Bas el thaher enqarthaw!!
Post a Comment