Saturday, October 24, 2009

5 weeks plan :) money , money , money


الأغلبية نزلت رواتبهم و هالشهر كان موضوع الرواتب اهو موضوع الساعة لأن الناس كلها مفلسة :) صج صج احنا الكويتين ما نعرف ندبر امورنا تغير واحد في ان الرواتب نزلت الشهر اللي فات بوقت ابجر اعتفسوا الناس ، طبعا في فئة يقولون شدعوة ميتين على المعاش و الله اذا انتوا مو ميتين على المعاش شحقه قاعدين تشتغلون ؟؟؟؟ لا و الله قعده الصبح كل يوم كفاية الواحد يستانس بالراتب بعدها بما انه حالي حال وايد من البنات اللي ما نعرف شلون ندبر امورنا و المعاش يطير على جنطة و جوتي و نكمل الشهر مفلسين ، وحده من صديقاتي مشالله وايد مرتبة ووايد عندها طرق
(Methods)

تمشي عليها بحياتها ، عشان جذي علمتني طريقة و ان ادري بنفسي لوية بس توني بادية فيها و احس انها طريقة حلوة

الحقوق الفكرية لها بس راح اعلمكم
الطريقة اهيا ان اول ما ينزل الراتب تقسمون الراتب اذا عندكم اقساط و التزامات والتوفير اللي يفضل انه ما يقل عن 200 دينار وبعدين اللي يبقى من الراتب يتقسم على 5 اسابيع و كل جزء نحطه بظرف بروحه
كل اسبوع نستخدم ظرف واحد ، طبعا مو كل شي راح نقدر نشتريه فالطريقة راح تعلمنا شنو اولوياتنا طبعا انا من 3 شهور و كل مره اخرب الموضوع بس هالشهر راح التزم انشالله
اذا بقى شي من مصروف الأسبوع ما نضيفه على الأسبوع اللي بعده ؟؟؟ نعزله بمكان بروحه و جذي راح يصير عندنا توفير قصير الأمد
انا شوي مشتطة عشان جذي شريت لي اظرف وردية و قعدت ازينهم
لطريقة وايد حلوه و انشالله راح اقدر التزم و الله ما صارت مشالله رواتبنا قويه و مو قادرين نيمع لنا شي

هذي الصور و سامحوني على التصوير لأن الكاميرا ماخذها ج و معطيها ولد خالته و انا من الناس الي ما احب احد ياخذ اغراضنا اوووف عصبت



الأظرف بعد التزيين




week one






week 2





week 3



week 4


week 5




رسالة اخيره : مادري شلون اشكركم كلكم اللي وقفتوا معاي بالبوست اللي قبل وايد وايد رفعتوا معنوياتي و حسيت صج انه الدنيا تينن و فيها ناس يهبلون ما يستاهل انه اعيشها و انا متضايقه

13 comments:

RuBY_GLooM said...

that's a nice way wallah! good luck with it! .. the way I have (and didn't implement yet ) is .. se7bay nu9 ma3ashich ,, for 9arf hal shahar , welnu9 elthani sheleeh .. ya3ni ur spending 1 salary each 2 months. so u have savings :) ..

Miemie said...

Allaaaah luv the envelop! fekra wayed 7elwa oo 3jebatnie ;) i'll try it and see what's the result ;)

eshda3wa said...

it seems like an effective way

bs its too much for me to handle sara7a !

Anonymous said...

جم صرفتي على المضااااريف :)
خربتي الميزانية من اولها :P

Sn3a said...

الطريقه وايد حلوة
وصارت احلى بهالوردي والصور لول

انا للحين ماتوظفت
بس شلون يعني تسبحون كل معاشكم
صعبه
ليش ماتسوون استقطاع شهري لحساب بالبنك وماله كرت
عشان ماتضطرون تستخدمون الكرت وتسحبون


عاد عقب هالشهر قوليلنا النتايج

Saroonzi said...

i loooove the way the envelopes looked So Cute :)
o il6ariqa wayed 7ilwa, lazm en3awid nafisna ina fi shy isma Priorties!

Angel Orchid said...

وناسة عجبتني الفكره واااايد
وشكل الاظرف كيوووت وناايس تسلم الايادي الي زينتهم :)
شكلي بقلدج

مشكورة حبيبتي :*

Khalid said...

fekra 7adha 8awiya!
keep it up :)

Mr.Mask said...

يه يه والله حركااات


على فكرة حتى الشباب عندهم شوية لخبطة وعفسة وعدم ترتيب بهالامور


لكن اعتقد اني ببلش اجربها واعتقد راح تمشي وياي وتضبط ونبلغكم ان شاء الله بالنتايج الطيبة ^^



شكرا عالبوست المميز واعتقد راح نطيح بهالمدونة =)




---------
يشرفني زيارتكم =)
< مدونة ورقة >
http://wara8ah.blogspot.com/

bent el deera said...

الطريقه تينن وان شاء الله بطبقها من هالمعاش واقولج شصار

وما شاء الله الاظرف حدها كيوت :>

مبين عليج ذويقه تبارك الله

esTeKaNa said...

هذا التعليق ليس للنشر:
صديقتي الجميلة
احتاج ايميلك
لم اتجرأ واطلبه لاضافتك في مكان ما الا ليقيني انك ممككن يقدر الخصوصيه كثيرا واحتاج وجودك حولي
:)

Nikon 8 said...

أولا
يا رايق
:)
ثانيا
ناطرين النتيجة وليس الزينة
وإذا ضبطت الطريقة معاج راح أعتبرها مضمونة وبأزين الأظرف من غير تفكير
مسا الأنوار
:)

Ļa ƒéммé said...

اشحلات الأظرف شوقتيني على الفكره وتزيينج حده ستايل وممكن نستخدمها للأطفال وانخليهم اهم ايزينون اظرفهم اذا تعودوا عليها لي جدام ايصير عندهم كنترول احس منه