Sunday, August 30, 2009

صباح الخير :)



و مبارك عليكم شهر و لو اني وايد متأخرة ، مشالله بدا رمضان و بدت اللوية :)


قررت قبل ان يبدأ رمضان انه هالسنة راح يكون غير ،حطيت لي اهداف و انشالله ناوية احققها ,قلت ما راح اطلع و لا ازور و لا غبقات lابي اقعد بروحي و افكر
من ثلاث سنين و انا كل رمضان يمر على كله لوية عشان جذي قررت السنة تغيير ،لكن الواحد يقرر يتغير لكن العزايم و الغبقات ما تتغير بس بعد اهون من كل سنة
كنت مفكرة اني اتعلم اطبخ بس هالفكره شلتها من بالي بعد ما نسيت الفرن مفتوح قبل رمضان بيوم و اعترفت وقتها اني لا اصلح للعمل المطبخي .
وايد احداث صارت من اول اسبوع برمضان ،تلوث مشرف يا بعد قلبي كل ما اروح بيت اهلي تكفخني هالريحة و الشوارع تلوع الجبد واااي حسافتج يا مشرف
الشغله الثانية برنامج سكوب و الخبة اللي صارت عليه اللي ماله داعي الصراحة يطلعون نواب و يدلون بهالتصريحات برنامج فاشل و سامحوني على الكلمة قمة الوقاحة الصراحة و انا من اشد المؤيدين انه توقف لأن حرة الراي ممكن تكون على اصول مو قلة ادب
بعد قلت اني ما راح اتابع مسلسلات بس قعدت اشوف مقتطفات و حاليا اتابع الهدامة و ام البنات اللي كالعادة تحلطمت و ما عجبني بالبداية كله جذي اتسرع و بعدين بعد ما شفت بعيوني انه واقع انشالله راح اكتب بوست كامل عن الموضوع
تقبل الله طاعتكم و اليوم اول يوم احس اني يوعانه :)

9 comments:

Nikon 8 said...

الله ياجركم يا أهل مشرف

SHOOSH said...

مبارك عليك الشهر

:)

Angel Orchid said...

كل عام وانتي بخير حبيبتي

والله كلنا حاشنتنا الحوسه
اتمنى يمون رمضانج غير هالسنة للاحسن :) ونتشارك فيه معاج ومع بوستاتج الحلوة
انا نفسج اتابع الهدامة وام البنات
so far so good

يعطيج العافيه

Even Sweeter said...

embarak 3alaich ilshahar ...

i totally agree 3ala salfat scope walla fashlla!! jad ma yen3a6on wayh!

9ij ena shway fe mubakagha um ilbanat bs iwanes

Miemie said...

Awal esbo3 ... LOYA bkel ma3na el kalima oo THAYAAA3 ! ;p
thany esbo3 ... the '3abgat week :S
thaleth esboo3 ... awela gergee3an oo a5ra bedayat el 3asher el awa5er :)
Rabi3 and last week ... still 3asher awa5er and loyat el 3eid -even if u prepared 2 months before, it is still a mess! :)

Ama el musalsalat, ma a7eb atabe3 '3eir Fenjan el Dam -- a7datha sare3a oo mafy maa6 :)

Finally, this is the 1st Ramadan that witness a miracle of MIE COOKING :P wanasa bs i prefer sleeping :D

Allah yetqabal 6a3tna ajma3in ;) :*

fatto said...

منه ومنج انشاءالله :)

لا ام البنات احلا شي عندي :)

نور said...

مدونتج روعة
رمضان كريم وان شاء الله متابعتج

Ansam said...

I am not watching any series! I just see Bu Qutada and Bu Nabeel cuz its right after futoor! Other than that NOTHING! And I have not been very active when it comes to cooking lel asaf :-( Inshalla this weekend I will do something

Ļa ƒéммé said...

نفسج انا قلت رمضان هذا بغير
والحمدلله قدرت اغير استغليته احسن من قبل
بقراءه القرآن وما اشوف مسلسلات ولا تابعت شي
ساعات اشوف نبيل العوضي ومهلهل الياسين كلامه اينن وغميضه محمد العوضي ما شفتله شي مع انه حده قوي
والطباخ حدي مستانسه جربت ورق عنب وظبط الحمدلله واللفت جم أكله واضبطوا الحمدلله الله يعافي النت نتعلم منه
بس حطي بالج مره ثانيه بالمطبخ اتذكر مره نسيت المميات على الجوله رحتلهم ولا ذايبين