Do U know what is the meaning of the word ( Mesht6aaa ) its Newbride
yes ana om el esht6aa6 7adeee
اليوم الصبح بمارينا اف ام ب نغم الصباح قاعدين يتكلمون عن موضوع المخترعين و الإختراعات و انه احنا العرب ما عندنا مخترعين جان انا بسلامتي اشتط لأنه قبلها بيوم وحده مكلمتني عن مخترع سعودي اسمه مهند ابودية و مشالله عمره 22 و عنده اكثر من 22 براءة اختراع و ارع كتب بالفيزيا ء و هم فاقد البصر و صارله حادث وبتروا ريوله
عاد انا اشتطيت و دزيت مسج انه دوروا عنه و قلتلهم المعلومه
شوي و جان يدقون علي (ياحلوهم احب سرعتهم بالتصرف)جان يقولي اي انا سامع عن الموضوع
اوكي دامك سامع عن الموضوع ليش ما قلته ؟؟؟ ليش؟؟؟؟
المهم قالوا لي ها تطلعين على الهوا ؟؟؟؟؟ طبعا انا مع الإشتطاط اكيد ما عندي مانع احقق حلم الطفولة
و طلعت على الهوا و سولفت و بعد مادري جنه كشتوا فيني ما قالوا لي باي و لا سكروه جان اسكره :)
واااي انا ابداع يعني من نوعي ادقق على برامج بس الإشتطاط ذابحني هذي ثاني مره ادق
بس و الله احب انه المعلومات الصحيحة تنقال ما احب جذي
و بس اذا تذكرت مواقف ثانية اقولكم
10 comments:
لووووووول .. بالعكس موقفج هذا لازم لكل يشتط فيه مو بس انتي .. لأن طيحو من حظنه .. مو بس الاجانب مخترعين في عرب وايد عندهم اختراعات حتن كويتيين .. كذا مره يحطونهم بالتلفزيون
اشتطاط مفيد :)
حفظك الله وبارك فيكِ.
زين تسويين الحق ماينسكت عنه
بس حسافة ماسمعتج ...اليوم بالذات كنت مسكرة الراديو بالسيارة :(
يا حلو اللي مشتطين..
حلو انج تصححين المعلومه..
=)
اي لازم توثقين الحق وتوصلين لهم المعلومه الصحيحه
مت مت من الضحك على كلمة الاشتطاط
;p
حسافة ما سمعتج :S
لما تدقين مرة ثانية قولي من قبل
:p
يا حلو الشطــــــــــــه
:D
**********************
fatto :اي و الله انا راحوا من بالي الكويتين و الله انا احتريت لأني احب الواحد لما يتكلم عن شي يدور و يبحث عنه
Catism :بعد قلبي تسلمين و الله ساعات يكون الإشتطاط مفيد
Angel Orchid : اي و الله انا ما اقدر اسكت و حسافة ما سمعتيني
هند :افا عليج انا جاهزة بلإشتطاط اللي مرات يتحول الى لقافة
Alnoor : لوووووول و الله لا اتعود و اقعد ادقق عليهم كل مرة
صج حساااافة ما سمعتج :-)
والله وناسه ماتخلين شي بخاطرج احلى جذي
:) والله زين سويتي
آنا بعد أعرف واحد بحريني مو كبير وعنده براءات اختراع
Post a Comment