بنات ، و بنيان و دزة

طلعاتي زايدة هالأيام و السبه اني بإجازه ،و اكتشفت ان الواحد يعيش حياة بطالة مع وجود راتب وايد شي جميل :)قاعده احاول اني اطلع مع كل البنات اللي اعرفهم و من زمان ما طلعت معاهم و اكتشفت انه احنا البنات احلى شي بالدنيا ،مرات اقول انشالله بالجنة راح اطلب مكان يكون كله بنات و ما فيه ريايل عشان نستانس مع بعض ، و الله طلعتنا حلوه و سوالفنا حلوه و تميشنا حلو

انا و اختي وايد مختلفين عن بعض فينا اشياء متشابهة بس الإختلافات اكثر اهتماماتنا غير نظرتنا حق الأمور وايد تختلف عن بعض اهيا طبيعتها غير ، مرات احس اني وايد شريرة عنها دايما عندها كل شي عادي ما تفضل الطلعه و خاصه بعد ما تزوجت حياتها صارت اهيا و زوجها بس . عشان جذي انا امشي و اتعرف على بنات و احب اني اطلع معاهم و اسولف و عندي وايد رفيجات مع اني بالفتره الأخيره شوي قاطعة صايرة ما استحي بس انشالله راح ارد ادق على الكل و الله وسائل الإتصال صارت وايد سهلة بس قمنا نستثقل انه ندق نسأل المهم اللي بوصله انه سبحان تتعرفين على بنات تحسين جنج تعرفينهم من سنين ووايد في صفات مشتركة حلوة و كل ما اتعرف على وحده تكون تشبهني بالصفات وايد وايد استانس ،اليوم طلعت مع بنت خالة ج و مرت اخوها وايد وايد وايد استانست معاهم و ارتحت بالطلعة وايد سوالفنا نفس الشي الطلعة كانت طبيعية ،كلش كلش ما احب الطلعة الرسمية ويييع

سبحان الله الناس اطباع و القلوب تتآالف و انا مادري شفيني من كثر ما انا مستانسة اشتطيت و كتبت هالبوست انشالله يا ف و أ انكم استانسوا معاي :)

امي و ابوي ردوا من العمره و انشالله بدينا التجهيز حق ملجة اخوي راح تكون بشهر سبعة انشالله اذا الله سهل طبعا البنيان بدى بالبيت و خلاص داري راح تنضم حق جناح اخوي و قلبي متقطع حده ما اقدر اهدها بس شسوي لازم اوسع عليه بس اشوه ابوي اصر انه تكون لي دار فالحين وراي تاثيث يديد راح اسويها غرفه بنات مع انه ابوي بعد قلبي راح و شرى السيراميك على ذوقه اللي مختلف عن ذوقي بس ما حبيت اكسر بخاطره ،ودي احط

wallpaper

بس مادري شنو الهبة الحين على طوفه وحده او كل الدار ؟؟؟؟

فالوضع بدا يصير لويه بس انشالله الله يسهل باجر انشالله راح الف ويا امي نبي نشوف شي حق الدزه ودنا نغيير ما نبي صندوق بس مادري شنسوي ابي معلومات من اللي توهم متزوجين شنو السوالف اللي تنحط غير العطور و البخور و الساعه ،نقدر نحط لفات من فولار و لا ملاقه ؟؟؟

الفال حق كل العزاب انشالله