صج الواحد بعد ما يخلص الدراسة و يشتغل تبدا المهارات اللي عنده تختفي بالتدريج و يحس انه تفكيره تجمد ،و لازم الواحد يطور نفسه و يكتسب مهارات يديده و لا ماكو كل شي يختفي
انا حسيت هالشي لأني متوهقه مو قادره اكتب كلمة و لا برنامج حفل و لا شي !!!!!ماكو كلام براسي ؟؟؟ ماكو اسلوب
طول عمري كنت باذاعة المدرسة
RA1 اذا تذكريني
"ناظرتي الفاضلة و كيلتي المحترمة مدرساتي العزيزات اخواتي الطالبات اسعد الله صباحكن
:P
ادري اني كنت قمة الملاقة ووايد بنات ما يحبوني لأني مليقة بس كانت هذي هوايتي و الله كنت ابدع مرات ما اكون مجهزه شنو بقول بس الكلام يطلع و ابداع
الحين انا متوهقة استغفر الله حتى اية قرآنية ماني عارفة اختار عشان احطها بالبداية و الله
شلون شسوي ؟؟؟؟
ابي اقتراح عفية
و انشالله باذن الله لازم لازم اتغير و ابدا اطور باي طريقة لأن الفضاوه تخلي الواحد يفكر باشياء تافهة
شنو ممكن اسوي ؟؟ غير اني ادش دورة رسم و تصوير لأني ما اعرف كلش
5 comments:
دشي اي دورات مثل ماقلتي رسم .. تصوير .. لغه .. اي شي المهم مخج مايوقف :)
همن انا والله يبيلي احس مخي جيم لووول
تدرين انا شنو اللي يخليني ودي أشقق هدومي؟
لمن يكون اول يوم دوام بالمدرسة، و حر واقفين بالطابور السخيف
و بالإذاعة يقولون
عام جديد مملوء بالنشاط و الحيوية!!!!!
يا ربييييييييييييييييييييييي أكره هالجملة و أكره هالأيام السودة!
و ما أعتقد كنتي املق مني؟ انا كنت املق بنت بالمدرسة بلا منازع... ما أكشت، و جد، و 4 نقاط و ما اتشطين و الأبلات يحبوني
مرة أبلة من الأبلات ما عندها شيء تشرح في علوم 10... و البنات يبون فراغ
فقالت لهم بتخليني انا التلميذة المثالية تختار تنزلون فراغ ولا مراجعة
طبعا المليقة الدعلة اللي اهي انا قالت تبي مراجعة مع انها حافظة المنهج مادري ليش هالخبال اللي كان فيني
و صرخوا علي البنات
و من يومها و بنات الثانوية كلهم يكرهوني بلا إستثناء!
ما ينلامون صراحة....
إكتشفت إن بيننا شيء مشترك آخر غير التدوين
!!!!
كنت مذيعة مثلك أيام الدراسة
:)
دعاء الصباح محد يقوله غيري
الله يعافي كتاب أدعية العمرة
كل يوم الصبح أقرأعليهم سطر منه
:)
ذكرتيني بأيام حلوة... لو مستمرة جان تتلاقطني الحين المحطات الفضائية
:)
نصيحتي لج .. اقري في جميع المجالات و راح تصير عندج ثروه لغويه و لا تحدين من افكارج ... انطلقي في عالمك بلا حدود
هاهها إي ملاقة ماعندكم غير هالجملة كل يوم الصبح؟
:p
آنا توني داشة نادي
Toastmasters
يعلمج فنون الكلام والإلقاء والثقة بالنفس والنظام
وايد حلو :)
Post a Comment