السعاده

صديقتي الغالية "ب"حبيبتي تزوجت :) وايد فرحت لها عسى الله يتمم عليها يارب ،كنا نتانقش انا معاها قبل فتره على الزواج و شلون ان الله سبحانه و تعالى كاتب حق كل انسان متى الوقت المناسب له للزواج او انه اييب ياهل او يشتغل ووين طريج حياته بس احنا كبشر ما فينا صبر و دايما نشغل نفسنا ليش و متى و شمعنه انا بس هذا اللي نفكر فيه ،الله سبحانه و تعالى عارف اذا الشخص مستعد و لا لأ او اذا فيه خيره له و لا لأ ،

مادري يمكن وايد كررت الموضوع بس هني ارتاح اقول اللي بقلبي :)و بعدين كيفي بلوقي

انا من النوع اللي وايد افكر و التفكير يأثر على حياتي بشكل عام بس انشالله قاعده احاول ان ما يأثر فيني شي

و احنا نصور معاها على الكوشه وحده من رفيجاتنا اللي صارلي مده ما شفتهم قعدت يمي جان تقول حق العروس مو تصير مثل هذي و اشرت علي

صيري مثلي من اول شهر حملي !!انا سكت و العروس طالعتني و ضحكت كان الموضوع كلش مو وقته بس انا تصرفت عادي انا قاعده اعلم نفسي اني ما اتاثر و خاصه بهالموضوع يعني و الله انا صارلي سنتين و جذي اسمع كلام شلون اللي صارلهم 7 او 8 سنين الله يعينهم

و مع السوالف مع البنات قامت تسولف البنت اللي تكلمت جان اكتشف شلون انه زوجها مانعها ان تطلع مع رفيجاتها و لا بنات خالتها و صاك عليها وايد و لما حاولت تناقشه سكتها و قالها لا تتكلمين معاي بالموضوع

اهني قلت الحمدالله و الله حمدت ربي و كسرت خاطري لأن عينها غورقت و الله و كانت كل ساعه تقول عن نفسها انها داثره

سبحان الله كل انسان الله معطيه شي و ماخذ منه شي

طبعا انا خلصت المضاد الحيوي بس يومين جان يرجع المرض!!استغفر الله انا ما احب المضاد و من زمان ما خذيته بس هالمره غير

انشالله يخف علي المرض

و اخر شي

شرايكم بهلا فبراير !!!!!!!!!