Wednesday, December 31, 2008

last day رسائل

وصلنا اخر يوم ب 2008 داشين على 2009 سبحان الله لي اليوم اذكر الخبه اللي صارت على دخلة سنة 2000

سنين مرت علينا وايد اشياء تغيرت ، الحمدالله وايد اشياء للأحسن و في شغلات اكيد تضيق الخلق بس هذي الدنيا ماشية
يا رب السنوات الياية تكون خير على الجميع ، الدنيا صارت صعبة و الحياة صعبة بس ما يمنع انه الواحد يتفائل انشالله الكل يحصل الشي اللي يبيه انشالله

طبعا انا مداومة مشالله علي لأنه ما عندي لا عرضي و لا استئذان و لا مرضيه و لا تأخير يعني ابداع
وايد افكر شلون جذي السنين تمشي بسرعة و شنو سويت فيها ؟؟ في شغلات وايد انا متحسفه عليها و من اهمها اني ما يبت معدل بالجامعة عشان اقدر اكمل دراسه للأسف بس الواحد يقول الحمدالله على كل حال
كل سنة احط لسته شنو بسوي بالسنة اليديدة
resolutions
السنة مابي :) بخليها على البركة لأني و لا مره طبقت شي
بس حاطة جم شغله فبالي
و اهمها اني اروح الحج انشالله
----------------------------------------------------------------------------------------
رسائل :
الرسالة الأولى :امي و ابوي كل ما اكبر و تطوف علي سنة يديدة اتعلق فيكم اكثر و احتاجكم اكثر و اخاف اني اكون غلطانه بحقكم
الرسالة الثانية : حبيبي و حياتي ما توقعت انه ممكن الإنسان يحب شخص اكثر من نفسه و انه يكون صج نصه الثاني بس انته مو نصي الثاني انته كلي احبك و الله يخليك لي يا رب و يخليني لك بعد :)
الرسالة الثالثة : اخواني على ملاقتكم و سوالفكم الماصخه احلى يمعه تكون معاكم
الرسالة الرابعة : انتوا اللي مخلين حياتي كيكة كاكو و الله صج صج ما اقدر اعيش بدونكم رفيجاتي احبكم وايد
قماشة : ثاني مره اقولج هالكلام متحسفة على السنين اللي كنت اعرفج فيها معرفة سطحية و الله يخلينا حق بعض دوم
وايد وايد فرحانه اني عرفتج اكثر هالسنة و افتخر اني اعرف انسانة مثلج مشالله ذهبه : Ra1:
مشالله مشالله تهبلين و الله تهبلين ادري انا شوي مقصره بس و الله ما تدرين معزتج عندي : zaboo6a
We R sisters :)
بدورة : انتي الصديقة الصدوقه الله يتمم عليج و افرح فيج انشالله
و كل البلوقرز وايد مستانسه اني عرفت وايد بنات سنعين مشالله و انشالله دوم نكون ربع سواء بالنت او بالصج ;)
و حق كل الناس اللي يحبوني من صج
كل عام و انتوا بخير و عسى الله يجعلها سنة خير على الجميع
رساله اخيره : ادعوا حق اخوانا بغزة ندري انه الحين موقف ديرتهم معانا بالغزو و الله ندري بس الواحد شنو ما خذ من الدنيا
و بس
Happy new Year

8 comments:

esTeKaNa said...

عفيه على الموظفه النشيطة اللي مداومه اليوم
:)
صديقتنا الغاليه
عسى الرحمن يحفظ لج والديج
ويعينج على برهم ويرزقج رضاهم عنج
ويحفظ لج زوجج ويبارك لكم ويسعدكم ويرزقكم الذرية الصالحة
ويبلغج باخوانج جميعا
ويديم علاقاتج الحلوة مع الكل
!!
قد لا اعلق كثيرا..سامحيني
ولكني متابعه جيده
واتمنى لك دايما حياه سعيده
كل العمر وانتي واسرتك وكل من يعز عليك بخير
:)

Zabo0o6a said...

7abeebty wallah :**
3ainey dma3at men elfar7a hehe,
Happy new year big sis ;)

joy said...

كل عام وانتي ابالف صحة وبخير مع اللي تحبينهم ويحبونج


اتمنى لج كل الخير والسعادة

nikon 8 said...

مع إن بوستاتج قصيرة ومتقطعة إلا أن لها نكهة مميزة
:)
كل عام وأنتي بألف خير
:)

`~MnO YeNSa! ~` said...

حروفج وايد
صادقة
لامستني

الله يخليلج امج و ابوج
و ريلج و صديقاتج ولا يحرمج منهم

و يرزقج كل اللي تتمنينه
بالسنة

ga6oo6a said...

كل عام و انتي بخير ...


اصدقين كتبتي اللي انا ودي كنت اكتبه بس ما عرفت اشلون !

رسالتج لاهلج و لزوجج جدا cute

New Bride said...

استكانة

حبيبتي كل عام و انتي بخير

وايد فرحت بتعليقج و يكفي انج متابعتني و فرحتي اكبر بكلامج الروعة


zaboo6a : happy new year ;)

joy

و انتي بخير يالغالية انشالله تكون سنة خير عليج

nikon : بعد قلبي و انتي بالف خير

mno ynsa : وااااي استانست على تعليقج مشكورة بعد قلبي و كل عام و انتي بخير

ga6oo6a : حبيبتي اصلا احس فينا وايد شغلات متشابهة

و كل عام و انتي بخير

Ra-1 said...

حبيبتي والله مادري شقول :*
ما يصير أمس مفاجأة واليوم مفاجأة :)

love you!