امبيه و الله امبيه حايشني تحلطم مو طبيعي
اول شي انا حاسة انه نبرة صوتي صايرة وايد وايد عالية لدرجه الإزعاج احس يهالشي لما اكون بالسيارة مع ج و مشتطه بسالفه و لما اسكت
امبييييييه السكون اللي يصير صج صج احس اني مصدر ازعاج
ودي اغير نبره صوتي و طريقه كلامي ابي اصير مثل هالبنات اللي مشالله دلع دلع بالسوالف
المشكله انه رفيجاتي بالدوام يقولون لي حدج رقيقة
اي رقيقة بس بازعاج
طبعا بما اني دايما مشتطة وحده كانت تسألني عن تجهيزات عرس اخي ووين سوينا الكوشة و الدي جي و هالسوالف و طبعا انا اشتطيت يبتلها الأسعار و وصيتها تقوله انها من طرفنا و قلتلها عن الفندق و كل التفاصيل
و كانت تقول انه حق اختها
طبعا امس بالدوام دخلت وحده علينا جان تقول باركتي حق فلانه ترى تزوجت !!!!!!!
انا طبعا الصدمه ؟؟؟ شدعوه ؟؟ ليش الناس ما تتكلم
او ليش انا كلشي اقول ؟؟؟؟؟
و الله ضحكت
المهم الله يوفقها و يهنيها بس ما راح اخليها بقلبي لووووول راح تبدا حمله
Be a mean GIrl
و اللي تبي تنضم لي تقول لي
-----------------------------------------------------------
تذكرون ايان التسعينات اول ما بدت
mbc
lbc
و اول ما بدت محطات الأغاني تطلع ايام ديانا حداد و الزلف باغنية ساكن و اغني امنيه و توأم روحي راغب علامه
كانوا اهلنا يتحلطمون على الترقص اللي بلأغاني
الشي اللي شفته اليوم امبيييييييييييييييييييييييييييييييييييييييييييييييييه مو طبيعي شنو هذا ؟؟؟
اغنيه حق مادري شنو اشقر امبيييييه ؟؟ ما بقى شي كل شي صار بلأغنية
المشكله انه هالأغاني ممكن يشوفونها يهال مابي اقول مراهقين لأن المراهقين الحبن ما تهمهم هالأشياء
بس اليهال ممكن يشوفون و الله
الله يعينا الصراحة احس تربية اليهال صعبة حيل هالأيام
لو هالكلام اللي كاتبته كنت قاعده اسولفه جان الحين صار حد الإزعاج
لا لا لا لازم اتغير
--------------------------------------------
10 comments:
yala i'll join the club
be a mean girl and enjoy your life :)
ولازم لازم اشوف هالاغنية شسمها؟
عاد كلش ما أشوفج مزعجة :)
"ديانا حداد و الزلف باغنية ساكن"
LOOOL شخباري :p
ايييي شكو ما يقولون!! اشدعوة! راح نبارك شنو يعني!
و الحركة انها بعد مو ما تقولزز لا بعد تجذب و تقول اختها!! اشدعوة!!
still elle m3ay b dwam 8ahrtny!! lazm at3alam akon mean !! so i will join! :D
i want to be mean :/
مزعجه
اممممممممم
مادري بس يمكن انتى تتحمسين وايد يوم تسولفين وتندمجين بالسالفه وتكونين سريعه
تدرين انا اقولج
يوم تتكلمين اندمجي بس خلج هاديه وتكلمى شوي شوي ليمه تهدين وتحسين ان نبرة صوتج صارت عاديه
وعادي في ناس وايد جذي مايتكلمون كلش بالغلط يتحجون يعني يسمعون وياخذون من الناس سوالف واهم مايتكلمون عن شي يخصهم يخافون من الحسد الظاهر :)
شخباري راغب علامه حده قديييييييييم
لووول شخباري اغاني اول نصيحة دشي اليو تيوب و كتبي مونية الكويتية شوفيها وطقي على راسج :/
وصلنا إلى ادنى مستويات الانحطاط
--
واللي معاكم بالدواام هذي صايرة وايد من حالاتها ما يقولون مادري ليش التحاسة يمكن عشان نفتك من العزيمة ماراح مراح تخلص من الأسئلة والتشره لوول
وصج إني ما شفتج بس ماحسج مزعجة :)
:)
سالفة التغبي وايد اتصير
وانا حمدالله والشكر جني جربة مقثوثة اخر الاولي والتالي
مادري متى انتعلم نسكت ومانقوووول
واي واي ضحكت ضحك على امانيه
شخباري واله ضربت ضربة ديانا حداد ذيك الايا م اهي وعاصي الحلاني
بس ياكافي الشر انا قبل استنكر الكليبات الاجنبية مير صارت العربية هوالاتها اكثر
الله يستر على الجميع
وانا مع سارا جيكي عالزبالة اللي اسمها مونيا ومحسوبة علينا كويتية
وانتي مو لاود حبيبتي خذي راحتج وانجوووي الحياة واخذيلج شاي اخضر وشوكولا وروئي
ويي طلعت مو بروحي
اللي صار لج صار لي هم بعرس اخوي
الظاهر موضه هالايام
ما عليه كل وحده تسوي باصلها
عاد انا الملسونه ما سكت قطيت نغزه شكبرها بردت جبدي شوي
واذا على سالفه الclub شركيني
مع ان بوطبيع مايوووز من طبعه ههههه
hahaha
u make me laugh
loud!
Post a Comment