الصراحة ما ينلامون الناس لما يبون تكون بيوتهم على الشارع
انا مكتبي اليديد زاوية و يطل على الشارع الصراحة روعة الوضع ، الجو اينن مبطله الدريشة و قاعده اشرب
iced Shaken
و الوضع راحة نفسية
اول ما بديت اكتب بالبلوغ كنت وايد ماخذه راحتي بس مع المده احس اني ماني قادره اخذ راحتي احس كل كلمه اكتبها ممكن اني اتحاسب عليها
ودي ارجع اكون طبيعية و اكتب كلشي يطري على بالي و ما احسب حساب شي
------------------------------------------------------------------------------------------
سبحان الله كل انسان الله كاتب له طريج يكون اهو الخير له سواء كان هالطريج خير او شر انا مقتنعه
من جذي احس كل واحد ووحده مشالله لايقين على بعض و يمكن شخصياتهم ما تعجب الناس بس مشالله مع بعض راكبين
اللي يايب الموضوع فبالي اخوي ، قاعد يحن يبي ندور له مره نخطبها وايد ناس ما تعجبهم شخصيته و يمكن يتكلمون عنه لأن مو فاهمينه و امي قاعده تحاتي انه ما نلقى البنت اللي تناسبه بس انا اقول اللي الله سبحانه و تعالى كتبها من نصيبه راح تناسبه
انشالله الله يسهل
واي الجو معور قلبي
بس مادري اذا بيصير عواصف بالليل
اليوم انشالله راح اخذ قياسات بالنادي يا رب يكون شي متغير
ودي اوقف اشتراكي بالوجبات لكن ابي اكل اكل صحي احس نفسي متوهقه لأني ما اعرف اطبخ :( و مادري متى اطبخ
انا ادري بنفسي انا كسلانه و مابي اتعلم طباخ بس لازم انا ودي اتغير بس و الله ما احب ريحة الطباخ :(
وايد الجو يبيله غدا بره
بس انا معاقبه نفسي خاصمين معاشي لأني كله متأخره تقريبا 380 دينار و دفعت حق الفيزا لأني سكرتها ودي ابدا طريج يديد و لازم ابدا اوفر
انشالله راح اغير جم شغله فيني :
مثلا اكمل بالنادي على طول انشالله
اكمل على الضعف و ما اخربط وايد بلأكل
ارجع اوجب الناس اكثر
و اصير نشيطه
انشالله
4 comments:
المنظر عجيب من مكتبي والجو إينن :)
بس يقولون في عاصفة بالطريج
-----
نفس حالتج ما قمت أقدر أكتب أي شي بعد ما اكتشفت إن وايد ناس أعرفهم يقرون ويتابعون :/
mbrOk 3al new office o el gr8 view ;) akeed y2ther bel nfsya, o hal ayam b3d el jw 9ayr 7elw ;)
g'luck with ur weight lose, wOrk hard & eat less & with nO time u'll reach ur goal ;)
اي اتوقع لو تكتبين شنو التزاماتج
وتتوقعين حق كل شي جم تصرفين راح
تقدرين توفرين يمكن
:>.
حلو ان الواحد يتغير والاحلى لما يكون هذا التغيير له اثر ايجابي وواضح
انا الحين غيرانة لاني ما نزلت مثلج :)
بموت ويكون لي مكتب فيه دريشه انا اسمي مكاتبنا علب كبريت
Post a Comment