فضة

الصراحة ما كنت متوقعه اني راح اتابع مسلسلات برمضان لكن وايد شدني مسلسل الكاتبة هبة مشاري حمادة "فضة قلبها ابيض

مشالله بديت احس ان المسلسلات بدت ترجع مثل قبل اكو قصة و التمثيل طبيعي و يشد

بالبداية ما كنت متقبله دور سعاد عبدالله بس بعدين حسيت انه راكب مشالله و الكل مبدع صراحة

الموضوع اللي شدني انه الكاتبه هبة قدرت تطرح فكرة المقارنة بين الزوجة و العشيقة بطريقه صح و قدرت توصل شنو اهيا الأسباب اللي خلت الدكتور عادل يتعلق بسحر

نفس الفكرة كانت كاتبتها وحده اعرفها على طريقة قصة و ساعدت وايد زوجات متعرضين لخيانة زوجية و نصحتها وايد انه تسوي كتاب لأنه وايد القصة كانت مؤثرة و خاصة انها قصة حقيقية اسمها كوني انت العشيقة

طبعا انا مو من الناس اللي يلومون المرا اذا صارت خيانة من الزوج لكن الدكتور عادل بين بالضبط شنو اللي جذبه بسحر مو لاقيه بزوجته

انها فيها طفوله و انه تناقشه و ما تسكت حتى يوم زعل عليها ما ردت دقت عليه فقام اهو و دق عليه

انا ما اقصد انه المرا تقعد تصير نحيسة على زوجها لكن وايد بمهم بالعلاقات الزوجية انه تكون علاقتهم اول شي صداقة ثم احترام ثم صراحة و اخر شي الحب

ماني عارفة شلون اوصل اللي فبالي لكن انشالله بعد ما استاذن من صديقتي راح احط لنك حق القصة اللي كاتبتها وايد روعه

في شغله مهمة بعد المرأة ما تنجح بحياتها بأي جانب اذا ما حبت نفسها و ما قدرت نفسها

امبيه احس اليوم انا بصير صفحة فنية

وايد عاجبني المسلسل والله واحس محد له خلق يسمعني اسولف هاهاها

مشالله الكاتبة روعة و انشالله تبدا المسلسلات الكويتية تتعدل

انزين

ماني قادرة انطر

Lost

شغله اخيره اهم شي انه المسلسل مافيه مكياج وايد حدهم صج اخيرا فهموا انه الناس بالبيت ما يدقون مكياج