من ذكريات القرقيعان

( this pic is taken by my sis http://www.flickr.com/photos/safa_art/ )

واي وااااااي ابي يهال يقرقعون باسمي :((

ماكو يهال وينهم؟؟؟

طبعا قبل كنا وايد اشتطاط و حده يوم القرقيعان نستانس

كنا نطلع على يومين

يوم بمنطقتنا مع بنات رفيجة امي و يوم مع بنات خالتي بمنطقتهم

اذكر جم سالفة تضحك

وحده من هالسوالف انه طقينا الباب على بيت مره كبيره المهم قالت لنا الخدامه دشوا

دخلتنا و قعدتنا بلإستقبال شكثرنا يهال و خدم لي الحين اذكر القعده كانت ستان بنفسجي لوووول شغل ديكورات قبل الغزو

المهم انا كنت 7 او 8 سنين و اختي كانت 5 سنين

المهم مسكينه هالمرا الظاهر محد اييها يابت لنا عصير و مقعدتنا تسولف معانا و احنا خلاص ملينا نبي نطلع و اشوف اختي تحوس و تحن تبي تطلع شوي و تبجي

عاد انا الإخت الكبيره ماسكه ايدها و ادير بالي علي

لما قمنا جان انصدم

و لا اختي مسكينة بعد قلبي كانت حصرانه و تكرمون ما قدرت تمسك نفسها

اهيا قامت و لا هالبقعة اللي على الستان البنفسجي

وااااااي لي اليوم و احنا نضحك على السالفه

بس امبيه شلون رضينا ندش بيتها و نقعد ؟؟ بسم الله

مسكينه و الله ما يندرى شخبارها الحين

والله ايام حلوة