Monday, August 18, 2008

سفرتي و المتخلفين

عدت الى قواعدي بحمد الله بعد لويه اربع ايام بتونس
طبعا السالفة كلها صارت بسرعة بلغوني يوم الأحد عشان احضر الملتقى بنفس اليوم رحت دبرت لي حجز عشان اسافر الأثنين وصلت يوم الثلاثاء اشوه انه المعرض تأجل افتتاحه لي يوم الخميس و يوم الجمعة رديت ، احس كل شي صار بسرعه و الوضع جنه حلم ، بس الحمدالله اعتقد هالتجربه كانت وايد مفيده لي من كل النواحي طبعا يكفي انه تم اختياري من بين وايد موظفات و موظفين بالجامعه و بعد كان هذا الملتقى فرصه اني تعرفت على ناس مهمين من وزارات وايد .
انا ما اقدر احكم على الديره بهل جم يوم بس الصراحه ما عجبتني اول شي حر درجة الحرارة وصلت 43 متنا من الحر صج الكويت يمكن احر بس على الأقل الحمدالله التكييف بكل مكان على قولة ابوي ابرد ديره بالصيف اهي الكويت
و بعدين احسها فاضيه ماكو شي رحنا رحله حق منطقه الحمامات هذي حلوه ذكرتني بشرم الشيخ بس هم ما اقدر احكم على شي لأني كنت وايد لويه مع المعرض بس الحمدالله توفقنا بالمعرض و الوفد الكويتي مشالله عليهم كانوا خوش ناس و يشرفون الكويت و هذا اللي نبيه
طبعا شفت هيفاء وهبي لووووووووول ساكنة معانا بنفس الفندق الحار و احس انه مسكرين التكييف علينا عشان ست الحسن اللي قاعده بجناح رئاسي موفرين التكييف كله حقها بس الصراحه تينن غير وايد عن التلفزيون وايد حلوه بس مغرورة المليقه ما رضت نصورها او نصور معاها بس يحق لها
احلي شي بالردة اني رديت عن طريق روما طبعا المسافة ساعه جني رايحه البحرين و لو كان ج معاي جان قعدت يومين بعدين رديت الكويت بس انا قعدت بالمطار 4 ساعات و المطار حلو
You can find all the boutiques such as : Gucci , Armani , Valentino and more
so i had fun there and i eat real food !!
اكلهم بتونس ويع
المهم كل هذا بصوب و الجماعة اللي عندي بالدوام بصوب
و صلتني مسجات من موظفات معاي اصلا ماكو بيني و بينهم اي علاقه يسالوني ويني
طبعا الحجي اللي طلع اني انا داشه على العميده و قاعده اترجاها اني اروح !!!!!
و غير الكلام اللي ما ادري عنه
اليوم انا داشه الدوام و مزهبه الكلام اللي راح اقوله
و غير هذا واي شلون ريلج رضى و شلون اهلج رضوا
واااي قل اعوذ برب الفلق
انتوا شكو
و الله العظيم مادري ليش جذي
و الله المعارض هني بالكويت يتهربون محد يبي ايي اللي تقول ريلي ما يرضى و اللي ما تقدر تخلي عيالها
بس اشوف يوم السالفه فيها سفره ماتوا
الله كريم بس ما اقول الا
عين الحسود فيها عود لوووول

9 comments:

Big Pearls said...

I have been to Tunis before. I must say it was very clean compared to other countries and much more civilized. The thing I didn't like there was the food. Everything had tuna in it!

Anonymous said...

el7mdella 3la el salama :)
el7mdella elsafra 3adat 3la 5air
w 7greehm el mt5lfeen :P

Ansam said...

el7emdilla 3assalama
aham shay innich safartay wistifadtay wistanstay
wil 7igran yege6e3 elmisran dont attend to their comments... just smile walla yemotooon LOL latrideen 3alihom

lawyer said...

اول شي حمدلله على السلامه و موفقه ...

لي الحين في ناس متخلفين و قليلين ادب يسألون اشلون اهلج والا اشلون ريلج
انتو شكوووووووو!!..


عاد كل من وصل تونس لي السماا وانا اصلا ما احبها ..

بس اشوة لقيت من يوافقني الراي..

مطااااااااار روما فظييييييع

احبه و تدرين ان في شغلات بالمطار ماتلاقينها في المحل تصير اكسكلوزف بس للمطار

New Bride said...

big pearla : ya it clean o i feel it`s more classy than other arab cities and yes the food sucks astgfar alaah

anonymous: thanks dear

ansam : looooool ee dear 7adee 7agra ma ared 3aleehom

lowyer: thanks dear o rome airport eyanin :)

gawga3a said...

مالج شغل فيهم .. المهم حمدالله على سلامتج :)

scarlett said...

الله يعينج على بلواج
اوووووووووووه

اخذي وشكي من عالخرابيط


تونس الخضرا ماتسوا جربي تروحين مع جوزو المغرب مراكش
:)

Mar8adoosh said...

waaay hanaaas shakoooooo shako walla shako.. kil wa7da oo kaifha, ahlich oo zojich rathyen INTAW SHAKO ?!

Ana ba3ad I don't like tunisian food a lot bas ashwa inich 3awathtay ib italy derat ilakil ;****

Ra-1 said...

Abeh eshyaboon! ignore them :/