مبارك عليكم الشهر

اول شي مبارك عليكم الشهر

و انشالله يا رب يكون خير عليكم و على جميع المسلمين و المسلمات

اكيد الكل حاط خطط بيسويها برمضان

و انشالله الله يعينا انه نسويها

يا حلو رمضان

--------------------------------------------------------------

في شي قاعد يصير مادري انا صح و لا غلط فيه

انشالله اكون اللي قاعده اسويه صح

واااي احس صايرة مملة

و ما عندي سالفة

-------------------------

سايت جريدة الوطن ليش جذي ؟؟؟ اوف من تغير و انا ماني عارفة اقراه

-----------------------------------------------------------

انشالله اول يوم رمضان يعدي على خير استغفر الله لويه لما نروح نسلم

انا استانس عشان نلبس اشياء يدية

---------------------------------------------

و بس

لا لا لا مو صج

امبيه شنو هذا !!!

انصدمت بالعمال اللي عندنا بالدوام قاعدين يركبون كاميرات مراقبه !!!

امبيه ليش

شنو هالتخلف

في اشياء وايد اهم الواحد يهتم فيها

مو اقعد اراقب الموظفين

بس الواحد شيقول

هذي الجامعة

صل على النبي

no title

I have been so busy lately with mom working on the wedding preparation , I `ve been telling her to not count Ramdhan as a month before the wedding cuz it passes so fast without knowing how close we r to the wedding day . 6ab3an my sis shayla eddha mn kil shay . alaah ytamem enshaalaah .


قاعدة افكر بأشياء وايد ودي اسويها و ودي تصير بحياتي :

- ابي اتعلم اسباني او ايطالي ودي جذي اتكلم لغه مو وايد ناس يفهموني فيها !!

- انا هابه اشوف هالبرنامج How it`s madeو مشتطه ودي اروح مصانع اشوف بس بالكويت ما يودونا الا المطاحن او KDDاذكر اني رحت مصنع اسفنج ها شرايكم منو تيي معاي نسوي لفه على المصانع ؟؟ بس قررت شي قلت انشالله لو اسافر اي ديره اوروبية راح احط لي رحلات حق مصانعهم انشالله .

Today I watched how toilet papers made and I noticed this info that the royal families in France used to wipe using lace heheh 3eshtaw

- انشالله انشالله يا رب احضر الأولمبياد اللي راح تصير بلندن ودي اخطط لها عشان مالي خلق سوالف الدوام ما يعطوني اجازه مادري شنو بس الله يحينا انشالله لي ذاك الوقت .

- ودي كل سنه اسافر دوله غير ما رحت لها من قبل او ازور مناطق غريبه طبعا ما فيها عرب و لا خليجين .

بعد وايد اشياء بس الحين مو على بالي


من ملجت اختي و مادري شفيني امي و ابوي كاسرين خاطري كله احسهم بروحهم قاعده اقولهم يالله يترجعون مثل اول ما تزوجتوا بروحكم وناسه 


ترى مطعمي اليديد اللي هابه فيه ايامي واااااااي شي شي مشكوره بوب وديتيني


لا يطوفكم


Zaboo6a I have a confession but I will not tell you elaa after 10 days ;)


Ra1 miss u 

سفرتي و المتخلفين

عدت الى قواعدي بحمد الله بعد لويه اربع ايام بتونس

طبعا السالفة كلها صارت بسرعة بلغوني يوم الأحد عشان احضر الملتقى بنفس اليوم رحت دبرت لي حجز عشان اسافر الأثنين وصلت يوم الثلاثاء اشوه انه المعرض تأجل افتتاحه لي يوم الخميس و يوم الجمعة رديت ، احس كل شي صار بسرعه و الوضع جنه حلم ، بس الحمدالله اعتقد هالتجربه كانت وايد مفيده لي من كل النواحي طبعا يكفي انه تم اختياري من بين وايد موظفات و موظفين بالجامعه و بعد كان هذا الملتقى فرصه اني تعرفت على ناس مهمين من وزارات وايد .

انا ما اقدر احكم على الديره بهل جم يوم بس الصراحه ما عجبتني اول شي حر درجة الحرارة وصلت 43 متنا من الحر صج الكويت يمكن احر بس على الأقل الحمدالله التكييف بكل مكان على قولة ابوي ابرد ديره بالصيف اهي الكويت

و بعدين احسها فاضيه ماكو شي رحنا رحله حق منطقه الحمامات هذي حلوه ذكرتني بشرم الشيخ بس هم ما اقدر احكم على شي لأني كنت وايد لويه مع المعرض بس الحمدالله توفقنا بالمعرض و الوفد الكويتي مشالله عليهم كانوا خوش ناس و يشرفون الكويت و هذا اللي نبيه

طبعا شفت هيفاء وهبي لووووووووول ساكنة معانا بنفس الفندق الحار و احس انه مسكرين التكييف علينا عشان ست الحسن اللي قاعده بجناح رئاسي موفرين التكييف كله حقها بس الصراحه تينن غير وايد عن التلفزيون وايد حلوه بس مغرورة المليقه ما رضت نصورها او نصور معاها بس يحق لها

احلي شي بالردة اني رديت عن طريق روما طبعا المسافة ساعه جني رايحه البحرين و لو كان ج معاي جان قعدت يومين بعدين رديت الكويت بس انا قعدت بالمطار 4 ساعات و المطار حلو

You can find all the boutiques such as : Gucci , Armani , Valentino and more

so i had fun there and i eat real food !!

اكلهم بتونس ويع

المهم كل هذا بصوب و الجماعة اللي عندي بالدوام بصوب

و صلتني مسجات من موظفات معاي اصلا ماكو بيني و بينهم اي علاقه يسالوني ويني

طبعا الحجي اللي طلع اني انا داشه على العميده و قاعده اترجاها اني اروح !!!!!

و غير الكلام اللي ما ادري عنه

اليوم انا داشه الدوام و مزهبه الكلام اللي راح اقوله

و غير هذا واي شلون ريلج رضى و شلون اهلج رضوا

واااي قل اعوذ برب الفلق

انتوا شكو

و الله العظيم مادري ليش جذي

و الله المعارض هني بالكويت يتهربون محد يبي ايي اللي تقول ريلي ما يرضى و اللي ما تقدر تخلي عيالها

بس اشوف يوم السالفه فيها سفره ماتوا

الله كريم بس ما اقول الا

عين الحسود فيها عود لوووول

انا رديت لعيونك

i

am

Baaaack

miss u all

waaaayed

i will tell you all the details later ;)

Off To Tunisia

i am leaving for a business trip to Tunisia , i have never been there before enshalah it will be fun :)

a7la shay that enshalah I am returning via Rome heheh wanasa ;)


i will miss u all

privet msg:

J mashkoor waaayed 3laa kil shay walah lo alef eldnya ma alga wa7ed mthlik

888

8-8-2008

my sis khlaa9 she got married , i love u sis u looked so nice , i couldn`t stop crying .

wish u all the best sis alaah ewafgich enshalah

tra it`s hard to see your baby sis as a bride madree shnoo ra7 aswee bl wedding waaay 3waar galb

back to work

i am back to work since Sunday . i thought that there will be nothing to do cuz it`s the end of the summer course and there will be no students . but i was shocked when i saw all the papers that laid on my desk oooof , i hope next week will be more calm .

el7mdelaah i bought a dress for my sis wedding enshalah so 70% mn el m7atat ra7at :)

ana my style very simple . this is me i can`t change bas adree hnee bl q8 ma yamshee hal style but i can not change , i guess i shouldn't`t change cuz this is me 9a7 ???

-------------------------------------------------------------------------------------------------

Long engagement means no milcha !!

طريقه اهلي بالزواج انه الخطبة تكون وايد طويله ، يعني توصل 6 شهور بدون ملجه وايد شغله زينه الصراحه ، صج وايد حاشتنا انتقادات بس هالشي مريحني و مريح اهلي ليش نملج و ما نعجب بعض و يصير الوحده اسمها مطلقه ؟؟؟ و ينحسب عليها زواج ؟؟؟

المهم الوضع نفسه صار مع اختي لكن تفاجئنا انه خطيبها قال حق امي انه يبي يملج و ما يبي ينطر لي العرس و طلب منها هالطلب لما كان معزوم على بيتنا و جدام خوالي و اخواني

نقول امي ما قدرت ارد و انحرجت منه ، لكن انا اللي باطه جبدي اختي تقول انها مو متفقه معاه على السالفه و انا كنت دايما اقولها انا جربت الوضع و يوم العرس كان يوم حلو انه ما شافني بكشخه و من غير حجاب الا يوم العرس

وايد وضع حلو لأن احس من يملجون خلاص كل شي يصير عادي لي العرس بس دام يبيون هالشي الله يوفقهم

طبعا هالسالفه من اسبوعين و انشالله الله يسهل الملجه يوم الجمعه

ادعوا لها :)

طبعا امي معصبه و قالت ما راح تسوي شي حق الملجه لأن حاسبه حسابها حق العرس عشان جذي اهله راح يسون حفله عشا بسيطة

للأسف ضيعت على عمرها لحظات حلوة

First times of everything

by the way i am on diet wish me all the best ;)

-------------------------------------------------------------------------------

صار شي وناسه

انا في وحده بالدوام نفس اسمي مع انه اسمي مو وايد دارج بالكويت

عاد العميده كانت تبيني فعشان السكرتيره ما تخربط قالتلها نادي م الصغيره!!!!1

فا انا الحين حد الإشتطاط و عايشه الدور اني الصغيره :)

مادري بعد يمكن قصدها القصيره :(

لوووووول

Palomino bathb7ch and u know why :P shno hal tag el6weeel waay ma khla9t menah hehehe



----------------------------------------------------------------------------------------------

2/8

ما احب اذكر هاليوم

كل سنه اتجاهل الموضوع

و سبحان الله الغزو كله ممسوح من ذاكرتي

و الله ما اجذب بس صج ناسيه

ما اذكر الا اللي اشوفه بأفلام الفيديو من تصوير اخوي حقنا

كنت بثالثه ابتدائي بروح رابعه

المفروض اني اذكر بس مادري ليش ناسيه

سويت نفسي مادري عن هاليوم

بس

احس امانه برقبتي

اني على الأقل

لو بس احس بشعور انها كانت بتروح منا و الحمدالله

الله ردها لنا

جان الحين حالتنا حاله

الحمدالله على كل الحال

و الله يحفظ ديرتنا ترى اموووووووووت عليها

على فكره

ترى انا كنت صامده :)))

ووايد اشتطاط و حدي وطنيه :))

الله يحفظ ديرتنا

و يطول بعمر اميرنا

و يعز حكومتنا

الله يرحم بابا جابر

و بابا سعد

طبعا انا وحده من البنات اللي بالصوره

:P

و بس

لم ننسى و لن ننسى