Thursday, June 26, 2008

ناعمه

طفره الإمارات ناعمه الهاشمي
لا يخلو مجلس نسائي عن ذكر ناعمة و دورات ناعمه و مواضيع ناعمه
مشالله تقيم دورات عن العلاقات الزوجية في مختلف دول الخليج و الحجز يكون من شهر قبلها و هم زحمه و ناس تدخل ما تلقى كراسي من الزحمة
شيئ جميل ان تكون فتاة خليجيه بهذه الشهره و هذا المنطق و القدره على مخاطبه نساء من مختلف الشرائح و المستويات
قرأت لها عدة مقالات و عجبني طرحها لأنها دائما تركز على كيان و قوة المرأة و شخصيتها في تحديد مسار حياتها
للأسف ما قدرت احضر لها دورات كانت موجوده بالكويت لمده اسبوع تقريبا
لكن اعرف وحده حضرت الدورات امدحت لكن في شغلات وايد مو صحيحة
لما عرفت انه خبرتها كانت عن طريق الكتب !! يعني تقرأ الكتب و تطرحها
مابي احط بذمتي بس هذا اللي سمعته قعدت افكر حل من حق اي وحده قرت كتاب انها تطرحه للناس على اساس دوره ؟؟؟
اهي مشالله طرحها حلو و يمكن عمرها الصغير كان سبب قوي في نجاحها لأنها قدرت توصل
الشغله اللي ما عجبت رفيجتي انها قيمت و حللت زوج وحده من الحضور على طول
ما اعتقد انها طريقه صح
مادري
الله يوفقها بس يعني البنات اللي يروحون لازم ما ياخذون بكل كلمه على ما اعتقد
و الوحده وايد زين انها تطور نفسها بنفسها
--------------------------------------------------------
ماني قادره انطر الإجازه
باقي اسبوع
ما راح اسافر السنه
ابي اسوي لي برنامج
او اخلي السالفه جذي عايمه ماكو قيود ؟؟؟؟؟؟
بس انشالله خطتي ابي اطلع مع وايد بنات قاطعتهم من زمان و الله
ابي كل يوم اطلع اتريق :)))))
وناسه

10 comments:

Big Pearls said...

I hope you have a great holiday:)

5roofa said...

لوووول يالله هااانت

على الطلعات والله انا قلت كل يووم ريووق و للحين حياتي و عطلتي كلها نووم لوول

بس انشالله انتي تكونين غيير

:D

have a nice holiday

salamz sweetee....

Silver said...

i never heard of her;/

master said...

أنا بعد حسيت إن بعض الأشياء إلي تقولها مو صحيحه ، صديقتي مسولفتلي عنها (حاظره لها دورات) مادري ...حسيت فيها شي غلط

master said...

حتى أنا حسيت إن إلي تقوله في شي غلط

Squirreliya said...

i attended 3 dawrat for na3ma, kalamha wayid 7elo mashAllah w mofeed bs u said mo kelshay takhtheen feeh..

haaave a nice holiday :)

charisma said...

سمعت عنها بس يقولج مصخره بالمحاضره
العدد يوصل 400 شخص وين تقدرين تسمعين وله تستوعبين
بيلها المساله ترتيب
واايد فوضى

وعنها شخصيا سمعت انها متمكنه واسلوبها حلو بس ما قريت لها شى ولا شفتها

Cat said...

It's too hot to go out for breakfast !! Make it dinner :)

بـابـل said...

تبي تطعين تتريقين كل يوم

أمنية سهلة وبسيطة:D


شكرا عزيزتى

وبس

بابل

Ra-1 said...

إي كلمن يتكلم عنها !!!