للأسف كويتي

Toady i had an appointment with my obstetrician she is so professional and I do feel comfortable with her , she is an Indian , because she is great It's hard to get appointments with her so I already booked my appointment a week earlier .

It was 10 am I went to the hospital , got my number , waited for few minutes , started reading my "Shopaholic and a baby" till my number showed on the screen , I went inside and we started talking , the door was not lucked yet cuz the nurse was brining some papers , suddenly this angry man , mid thirties entered the room the Dr asked me is he with u ??? Surprisingly answered: No

عشان اوصل التعبير عدل احسن اكتب بالعربي :

المهم الدكتوره قالت له : لو سامهت انتر بره

السيد المحترم : شنو شنو شنو اطلع بره انا هذا دور زوجتي الحين

الدكتوره : لو سمهت اكو نمبرز انت لازم يشوف

السيد المحترم : " اسفه انا ابي اكتب الحوار بالضبط " جب و لا كلمه انتي انتي اللي بره انتي تسفير تفهمين ( ويع ويع اكره الناس اللي جذي مادري منو انت )

الدكتوره ينت و انا اشتطيت طبعا قلتله لوسمحت هذا موعدي عيب اطلع بره

جانت يقول : يالله يالله يالله بصراخ طبعا

انا عصبت الحين ، المشكله انه احنا اهلنا ما علمونا نصير قليلين ادب مع اناس و الله عشان جذي بوقتنا الحين لما نبي نعصب و نتكلم نخربط و الله ما نقدر

انا : لو سمحت اطلع بره هذا موعدي

المحترم : انتو معطيني نفس الرقم هذا موعد زوجتي

الدكتوره : اتلأ بره انا ما يبي يشوف انت

المحترم : انتي اللي بره انا اسفرك انا اسفرك

هذا رقمي شوفي شوفي

جان يسحب ورقتي من ايدي و يحذف الأوراق بويه الدكتوره اهيا ينت

Get out get out

انا المشتطه : لو سمحت اطلع بره انت داش علينا بموعدي و راح اشتكي عليك اطلع بره

انا قعدت اطالع الرقم و لا شنو

انا رقمي 202

و رقم الحبيب 220

طبعا قاعد و يهدد الدكتوره

هني انا وصلت حدي لوووول جان اقوله انت ما تشوف ؟؟؟؟ رقمك غير

المحترم : شوفي شوفي الأرقام

جان اقوله شوف رقمي اثنين صفر اثنين ( و قاعده احط صبعي على كل رقم جنه ياهل )

و انت رقمك اثنين اثنين صفر


هني انصفق ويه

المحترم : اسف اسف اسف اختي

انا عاد صرت القويه : اطلع بره لو سمحت انا راح اشتكي اطلع بره

الدكتوره : تيك يور فايل انا ما يبي يسوي علاج

المحترم اللي ما يستحي : انتي جب و الله اسفرك انتي بالكويت ما تتكلمين

واااااااااااااااااااااااي عصبت عصبت قلتله اطلع بره و عيب هالكلام

المهم طلع

جان تعتذر مني الدكتوره قلتلها انا اللي اسفه ترى هالشخص ما يمثل الكويتين و الكلام اللي قاله دليل على تربيته و انا وايد متضايقه على اللي صار و راح اقدم شكوى ترى


قالت لي عشان شافج انتي مو لابسه عباة عباله عادي يدش لو زوجته جان سوى سالفه

خلصنا و طلعت من الغرفة و لا بويهي الحلو قاعد يقول اختي اختي سمعيني
انا معطته طاف و مشيت لي الريسبشن و قلت لها انا ابي اقدم شكوى و و اشتطيت و اهوا واقف يمي سمعيني سمعيني و انا حاقرته

المهم رحت عند نائب مدير المستشفى و سويتها سالفة هيهيهيه حدي شريره

و قالي اصلا هذا ما راح يدش المستشفى مره

السالفه اللي اكثر شي ضايقتني انه لي متى جذي كله بنسفر العالم و و شايفين عمرنا على الناس صح نفخر بجنسيتنا بس ترى احنا مو غير و الله احنا مو غير

اووووف عصبت

و شغله بعد حارتني اكثر الزوجه المسكينه شنو مالج دور بشي لهدرجه ما تقدرين تتكلمين ريلج ما يفهم انت بعد ما تفهمين ما تعرفين تقرين الرقام ليش ريلج يتكلم عنج

وااي بس الفضول ذابحني ودي اعرف شصار هاهاه بلاغة شف


شي ماله شغل بالسالفه :

تذكرون منى عيسى ؟؟؟ وااي انا كنت معجبة فيها ايام مسرحية سالي وااي وينها