Sunday, May 04, 2008

عرس أرض المعارض !!


يوم اليمعة انعزمت على عرس و بالدعوه مكتوب بأرض المعارض ، طبعا كالعاده انا وايد ملقوفة وقعدت اتحلطم شلون ووين العرس ووين بأرض المعارض ، بس العرس من طرف اهل ج و لازم اروح و اوجب والله كشخنا انا و خالتي و ريلي بيوصلنا

دخلنا ارض المعرض و لا زحمة لأن كان اخر يوم اعتقد حق معرض الإتصالات و زحمه و لويه و انا اتحلطم المهم ما دلينا القاعة لين خالتي دقت على اخت العروس و دلتنا


وصلنا


الصراحة شي مو طبيعي مدخل القاعة شي خيالي دخلنا داخل مشالله روعة القاعة اسمها القاعة الملكية اللي رايحة عروس بجدة راح تعرف شلون طريقه القاعة نفس الطريقة روعة كل شي عجيب و راقي و تينن


طبعا انا مت قعدت ادق على امي يما القاعة عجيبة و تينن لازم نشوفها عاد انا اشتط حدي


المهم و الله استانسنا و العرس عجيب كان بسيط ما فيه شي بس القاعة روعة


يوم السبت دقيت على صاحبة القاعة وواعدناها عشان نشوف

امي و اختي وايد استانسوا بس


بس


حفلة اختي وايد محفوفة و صاحبة القاعة مو راضية الا من 400 شخص و فوق و امي و اختي ما يبون حفله كبيره

و الفترة اللي راح تكون فيها حفلة اختي انشالله ماكو مواعيد


صراحة اللي تبي لا تطوفونها الحين عرض حق اول 10 عروس الشخص ب 20 طبعا كل شي عليهم من موالح و حلو قهوة و تقديم و عشا و كلشي حتى البخور كله عليها و شغلها راقي حده


بعدين راح يصير الشخص ب 25


واااي وايد مشتهيه العرس هناك بس مو انا العروس اختي ما تبي اللويه تبي كل شي ناعم و اهي ودها حفله بالبيت بعد


واااي تشوقت اللي عندها عرس لا تطوف



احس اختي مشالله تفكيرها كبير و غير عني


مو معناته انه انا احب المظاهر بس سبحان الله تفكيرنا غير



بس و الله حلوه الصاله



الله يسهل كل شي انشالله


اللي يبي يشوف الصاله هذا الرقم

5628998


صاحبة الصاله اسمها

نبيله القندي

كان عندها محل حلو بشعب الخالد


ودي اقنعهم بس ج يقولي لا تتدخلين العرس عرسها و اهي على كيفها

14 comments:

:::ShoSho::: said...

ايه انا نفس اختج عرسي كان بالبيت احب جذي و حتى عقب العرس رحنا الاوتيل و الكل يه ورانا بسياراتهم لول اهما الاغلبيه كانوا اهلنا طبعا..

تصدقين لان عايشه بره انا مو شايقه عرس بعد عرسي لول و لا شايفه و لا استقبال ولاده! شنو اسوي الناس ما تسوي عرسها و انا بالكويت و ما يولدون لما انا اهناك لووووول

Big Pearls said...

never heard about it before..interesting

ShLaLaT said...

الله يتمم عرس اختج على خير

لا تضغطين عليها والله مرات عروس البيوت تصير اونس

الواحد ياخذ راحته والعروس بعد


وشوقتيني اشوفها بس ما عندنا عرايس !! لول

Kubbar said...

lol bala 3rs bala loya
yetzawajha o yesafer 7awel al3alam a7la ;p

5roofa said...

خذيييييييت الرقم

بدق حق بنت خالتي لوول
:P

merciiiiiiii

salamz dear...

~Lush said...

walah ya7lelich ya new bride :P
wayed teshta6ain astanis 3alech hehe :P

FourMe said...

never heard of it bs thanx for the info .. alah ytamim 3ala ur sis w yas3idha inshalla

Squirreliya said...

awal mara asma3 feeha, bs 7asafa ma 3ndina 3roos ;p

w Allah ywafeg ekhtich :)

Ansam said...

I like small weddings too
the ones where the bride enters and almost recognize every face in the hall and have the people who love (family and close friends) a7la shay

ClOuDs said...

أول مره أسمع عن هالصاله..بس شوقتيني ودي أنعزم على عرس هناك :)

الله يتمم على اختج و خليهاعلى راحتها هذا عرسها و حلاته اهيا اللي تقرر وين بيكون :)

و ألف مبروك مقدماً

New Bride said...

shosho :
تبين الصج حدج مفتكه و الله لويه الكويت بس شنسوي هذا مجتمعنا و لا زم نجاري الناس

Big Pearls: walah it`s very nice

shlalat : مشكوره حبيبتي الله يسهل علينا و الله
و روحي شوفي الصاله انشالله يصير عندكم عروس

kubbar : laaaaaaaaaa :) bl3ks el3rs wanasa :)

5roofa : و الله عاد طريتي على بالي

lush : weeeh ma3rftenee 3la akil shay meshta6a ana :)

fourme : thanks dear :)


Squirreliya : me 2 on friday kan awal 3rs , thanks dear


ansam : i was just like you but after my wedding i had fun el9ra7a that`s why i am telling my sister don`t miss this chance


clouds: الله يبارك فيج
و الله حتى انا ودي انعزم مره ثانية

Sara said...

ونااااااااسة ودي انعزم فيها على عرس شوقتيني :)

وعسى الله يتمم على اختج يارب .. عاد عروس البيوت ماحبها مادري ليش احس ضييييج حتى لو البيت كبير .. العرس بصالة أونس المهم اهم شي راي العرووووووس لا تضغطوون عليها :)

fatto said...

توني ادري ان في ارض المعارض ان في قاعه ... لاوكشخه بعد

nyxxie said...

very pretty.