قعدت افكر شلون ماشالله عليهم عيال هالوقت تفكيرهم كبير و غير عن ايامنا بعد قلبي لما كنا نبجي على سالي و نعيش الدور مع هايدي اليتيمة
بس امس انا تفشلت من بنت اخوي الصراحه و حسيت صج انه ما عندي سالفه !!!!!!!!!
توها مطيحه اول ضرس وعاد انا اشتطيت فيها حدي قاعدت اقولها الله كبرتي و صرتي مره الحين ووناسه
بنت اخوي فيها طبع تدقر الأوادم و مرات ودي اطقها على هالسالفه
عاد انا قاعده اسولف معاها جان اقولها اللللللله مريومه ها وين ضرسج اللي طاح ؟؟
مريومة : بعد وين قطيته بالزباله
عاد انا الحين اشتطيت و بعيشها بعالم الخيال : واااي ليش؟؟ ما طلعتي قطتيه حق الشمس و قلتليها يا شمس اخذي ضرس الحمار و عطيني ضرس الغزال ؟؟
و سرحت اتذكر يوم طلعت الظهر بالحوش و قطيت ضرسي و انصدمت لما رد طاح بلأرض مره ثانيه و عبالي الشمس ما تبيه هاهاهاه
جان الإخت الحلوه تقطع علي حبل الأفكار و تقولي
طبعا مع نظره الإستهزاء مالتها : الحمدالله و الشكر وين قاعدين ايام الرسول !!!!!!!!!!!
استغفر الله شفيها هاذي ؟؟؟؟ امبيه وين الخيال مال اليهال ليش الحين ماكو شي يبهرهم و ماكو شي يعجبهم ؟؟؟
بعد قلبي كسرت خاطري نفسي الصراحه
بس قلت الحمدالله انه استانسنا بطفولتنا و عشنا بخيال
انطر اليوم اللي السنافر راح يطلعون و ياخذوني معاهم قريتهم
انطر اليوم اللي الأمير مال
beauty and the beast
يهدها و ايي ياخذني القصر ماله
كنت انطر اليوم اللي راح اروح المحل اللي يبيع الخوات و القاه مفتوح عشان اشتري اخت هيهيه كانوا يودوني الخباز بالليل و يقولون لي المحل مسكر :) لين يت الإخت الصجيه
ووايد ووايد اشياء حتى اللعب كان كلها بالخيال
الله يستر على عيالنا و الله على وقتنا مادري شبيصير :)
11 comments:
LOOOOOOOOOL bint u5ooch nikta hahahaha ;p
ee walla a7la ayaaam 6ufoolatna :D 7alaw min ilbaqala oo nil3ab bil7ooosh oo ma7ad la she'3el feeena cuz we were 7ad ilbara2a :D
mo mithil 3yal hal jeel :/ illi mjabel ilplaystation oo mako 5ayal aw anasa bilmarra :(
LoL it's really sa that there's no childhood and innocence in kids' lives now.. Sometimes i feel i am younger than my kids! looooool Really, the big boy is 11 and sometimes he knows what is happening in the world.. it's kinda sad that kids are more open to the world.. in my time, we didn't know anythingm our house was our world, we didn't know what was happening outside!
looooooooooooooooooool
so funny !
I used to do this too !
you know I worry a lot about my future kids..kids are not kids anymore.
LOOOOL, ya kids these days sux :P but lucky me my nephews well they have some imaginations ^^
wala yaksroon elkha6ir hal yahal ma3indhom 6foola .. el7amdilaa I enjoyed mine.. btw loved the trip down memory lane :p bs you left out BOo0o0o0oo00o0MBOoo w Captin Majid w Sally .. akh 3ala Sally etga6i3 elgalb ;(
ohh ohh and I forgot to mention the Must have snacks while watching them Sunkist, Pufaak, and Kitkat.. ee ana min jeel elkitkat mo jeel kakaw bo njooom :p
Damnn I miss being a kid
Fwai7 : loool that is nothing mashalah 3aleeha she talk like an old woman , walah our days was more more fun
shosho : 9a7 9a7 our world is home walah
cat:loool yah me to 7adee kint atkhyal things
big pearls :ee walah dear there is no childhood
g : eee walah thanks God there r still some kids around there ;)
fourme : i can`t forget sally and bombo bas walah ma ra7 akhle9 adree heheh o 9a7 the snack yame yame latheeth :)
new bride thakarteeny b ayaaaaaaaaaaam :D aaaaaaaaaaaaah
عيال هالايام ماكو شي يهزهم ولا يعجبهم احنا اللي كنا مساكين وما ننام ونفكر في بطلات الكارتونات مساكين كل وحدة ومشكلتها ونحلم فيهم :)
بس ترا انا عمري ما قطيت ضرسي بالشمس لان امي كانت كله تقولي لما يطيح ضرسج حطيه بكلنس وحطيه تحت المخدة ونامي ولما تقومين الصبح راح تلقين بدال الضرس فلوووس ؟؟ قتلها شلون جان تقوولي الملائكة بالليل إيون ياخذون ضرسج ويحطونلج بداله فلوس :) وصج كنت اقعد الصبح ما ألقى ضرسي وألاقي الفلوووووووووس :) وظليت مصدقة هالسالفة ليييين ييه اليوم اللي وحدة تصيرلي الله يسامحها ضحكت علي وقالتلي يحليلج سارة للحين مصدقة ترا هذيل اهلنا اللي ياخذون الضرس ويحطون لنا بداله فلوووووووس !! شنو ضااااااق خلقي :/
looooooooooooooooooooooooooooooooool
وااااااي موتتني من الضحك
عااديي الله يخليج وااي انا باجردوام يعني بتبلش سوالف ينون البنات لوول
لا بس الله يخليها بنت اختج شي ثاني لوول سمله والله
و على اخيال الله يخليج انا للحين اتخيل لوول و اسويلي افلام بروحي:p
salamz sweetee,,,,
LOOOL :p
Post a Comment