Tuesday, November 20, 2007

Kuwait Makeover

ما احب اتكلم بالسياسة و اعترف ما عندي معلومات سياسية وايد
بس........
الأخبار تضيق الخلق
اضرابات و كوادر و كل مجموعة و نقابة محتجين و اعتصامات
بس في وحده معورة قلبي محد حاس فيها
الكويت (يا سلام علي)0
احسها حبيبتي مثل الأم اللي كل عيالها تزوجوا و كل من لاهي عنها بمرته و كل ما تدق عليهم عشان يتغدون عندها كل واحد فيهم يتعذر
احسها الشيب طلع بشعرها و مالها خلق تصبغ
و قامت ما تلبس و تكشخ نفس قبل
تعبانه و يمكن فيها سكر و ضغط بعد
تنام مبجر و قلبها في غصة و تبجي بعد
واي حبيبتي كسرت خاطري ما نبي عيالها يودونها دار العجزة عفية
و اخاف تموت و اهيه شايلة بقلبها
لازم نتغير و نغيرها نسويلها ميك اوفر
و الله بس عاد قاعدين بس نفكر بعمرنا حرام ترى و الله تحبنا
و ترى كل ما نقارنها بربعها اللي يمها
نجرحها لأنها تقول بقلبها في يوم انا كنت حلوة و صغيرة و عطيتكم وونستكم و نسيتوا كل هذا و قمت تشوفون غيري احسن
حبيبتي
أحبها

9 comments:

Ms. Baker said...

Sajjah, wallah sajjah....il-Kuwait miskeena ... :(

It is heart breaking to know the state we are in, what has become of our beloved country.

Allah ikoon ib3oonha.... Thank you for your small but very effective post.

Anonymous said...

kl mara agra ma8alatch bs hathe awl marah a3al8

wallah m3awrah glob waid nas mo bs entay

elmshkila elshar y3m wel5er y59!!
fa waid ga3din ysti'3elonha mn barra

o ili y3awr elgalb akthar ili ybogonha o ohma kwetyeen

allah ya7f'9 elkwet mn kl shar
o trd mthl gabl o a7sn!

Selezya said...

امبيه شوي وتبجيني

اي والله تكسر الخاطر ولازم نردلها

ونحبها اكثر بعد

:** تسلمين حبيبتي وقولي امين ترد الكويت مثل ما كانت حلوة دايم ودوم
ونبر لها

Talal said...

اي والله صارت مع احترامي مصخرة

اضراب وغيره


بس زين انه لغوا الكوادر عشان موكل واحد يسوي اضراب

وقالوا بندرس الكوادر والمعاشات والزيادات الى فبراير القادم حل ان شاء الله زين

Talal said...

اي والله صارت مع احترامي مصخرة

اضراب وغيره


بس زين انه لغوا الكوادر عشان موكل واحد يسوي اضراب

وقالوا بندرس الكوادر والمعاشات والزيادات الى فبراير القادم حل ان شاء الله زين

5roofa said...

xlgzmjtambii tadren e5negatny el 3abraaa
i love her waaayeeeeeeeeeeed

thanks alot seweetee

missed ur posts alot

;D salamz sis...

:::: SHAYOUMA :::: said...

Very well said :(

Sara said...

آآآآآه يا نيو برايد صدقتي بكل كلمة وانا شنو اللي معور قلبي غير ديرتي حبيبتي والظلم اللي قاعد يصير فيها، نسوها وراحوا عنها

محد قام يهتم فيها كثر اول

اذا بتتكلمين عن مجلس الامة ماكو شي ينقال غير سب الاعضاء لبعض واسلوبهم اللي ماله داعي وكل شوي حلوووه

الاعلام تعبان عندنا ومتعور واقصد تلفزيون واذاعة الكويت ما اقصد القنوات الكويتية الخاصة

معاشاتنا كل مالها وتنزل الأرض الناس تزيد واحنا نقلل

وعيالها حيييل طايحين فيها بوووووووووووووووق بوووق بوووووق

لي متى ؟؟ حسوا بالمواطن شوي خل يقدر يشتغل بذمة وضمير ويحسن من إنتاج ديرته

بس تعبت مو قادرة اتكلم اكثر

صح لسانج سس

charisma said...

:(
والله خنقتنى العبره

يا حبيبتى يالكويت
واى نيو برايد التعبير عجييب وبالصميم
نبى شعاراات انزلها بالشوارع وننشرها بكل مكان
يمكن يصحون
والى اقولج
خلى لنا
خلاص اهم ما بقلبهم رحمه
وصاراو عديمين احساس
طمع وبوق وكلن يالله نفسى
الشكوه لله بس

تصبحين على خير
انقمت قلبى
:(

بوست مؤثر

تسلم ايدج حبيبتى